متعرفش اللي حصل مع فلان ده طلع واحد بتاع مصلحته!! دخل يا عم يكلمني وبيسلم وبتاع بعدين قام قايلي كنت طالب منك خدمة.....
- طب وفيها إيه؟
= طلع كان بيكلمني عشان عايز مني حاجة 🙄🙄
- طب تعالى شوف كده أنت كنت هتضيع على نفسك إيه 👇👇
أولًا كده فكرة إن حد يطلب منك تساعده في حاجة، تديله من خبرتك، تقضي عنه دين، إلخ
فده معناه إن أنت اتفتحلك باب "قضاء حوائج الناس" وده الرسول صلى الله عليه وسلم اتكلم عنه وعن ثوابه كتير 🤩
تعالوا نشوف كده سيدنا محمد بيقولنا إيه عن قضاء حوائج الناس👇
قال رسول الله صلى الله عليه وسلم: من كان في حاجة أخيه كان الله في حاجته، ومن فرج عن مسلم كربة فرج الله عنه كربة من كربات يوم القيامة
رجلاً جاء إلى النبي صلى الله عليه وسلم فقال يا رسول الله: أي الناس أحب إلى الله؟ وأي الأعمال أحب إلى الله؟ فقال رسول الله صلى الله عليه وسلم: أحب الناس إلى الله تعالى أنفعهم للناس، وأحب الأعمال إلى الله تعالى سرور تدخله على مسلم، أو تكشف عنه كربة، أو تقضي عنه دينًا، أو تطرد عنه جوعًا، ولأن أمشي مع أخ في حاجة أحب إلي من أن أعتكف في هذا المسجد
= يااه ده طلع الموضوع ليه مكانة وثواب كبير
- أيوه ومتنساش تكون نيتك خالصة لربنا وإنك بتعمل ده لوجه الله.
وخد بالك متظنش سوء في أخوك وتقول عليه بتاع مصلحته لإن الطبيعي لما بنحتاج حاجة محدش هيعملها غير حد معين هنطلبها منه😁😁
وَأَحْسِنُوا إِنَّ اللَّهَ يُحِبُّ الْمُحْسِنِينَ {البقرة:195}.
#تقى_سامح
#فريق_العفة
أنت تقرأ
فريق العفة _ Effa Team 💛💗
Nonfiksiالسلام عليكم ورحمة الله وبركاته 💕 فريق العفة غني عن التعريف .. وانا بحثت في الواتباد ما لقيت كتاب عنهم .. وفي بنات ما عندهمش فيس بوك يقدرو يدخلو على مجموعتهم او صفحتهم .. انا هنقل اللي هم بينشروا ان شاء الله .. انا مش منهم ولكن كصدقة جارية لي وله...
