الحلقة " 12 "
#انتكاسة
حلقة النهارده تقريبا بتتكلم عننا كلنا ، مش بـس بنات لا الكل شـباب وبنات !!
قررتي تلتزمي وخلاص أخدتي الخطوة وما شـاء الله ماشـية كويـس أوووي ^_^
بنت تانية ما شـاء الله طول عمرها عارفه طريق الالتزام ، مـش كدا وبـس كمان بتاخد بإيد أخواتها في الله ^_^ <3
بنت تالتة بدأت طريق الالتزام وواجهتها صعوبات كل شـوية تقع وتقاوم وتجاهد نفسـها وتقوم وتقع مرة تانية وتقاوم وتجاهد نفسـها وتقوم ^_^
فين المشـكلة طيب -_- -_-
المشكلة إننا بيجي علينا وقت ونقع ومنقدرش نقوم !!
أنا كنت كويسة إيه اللي جرى :/
طب تعالي نحل ونشـوف المشكلة إيه من الأول ونحل واحدة واحدة مع بعض ^_^
أولا تعالي نعرف هو يعني إيه أصلا #التزاااااام !!
الالتزام جزءان متصلان ببعض ومينفعش واحد من غير التاني :
عندنا الالتزام الخارجي ودا مهم جدا جدا جدا جدا :D مظهركـ ياغالية ^_^ حجابكـ يانقية ^_^ حياءكـ ياطيبة ^_^ أخلاقكـ يامسلمة ^_^ <3
" اقرأي الحلقة الاولى من ست البنات #الحجااب ^^ "
وعندنا كمان الالتزام الداخلي ودا أهم من الالتزام الخارجي عارفه ليه لأنها حاجة بينكـ وبين ربكـ هو بـس اللي عالم بيها #قلبكـ عامل إزاي مع ربكـ ، بتعملي إيه في خلوتكـ !!
شكلكـ الملتزم اللي هو من برا بس الناس شايفاه وكلهم بيقولوا البنت دي ملتزمة :D لكن قلبكـ محدش شايفه من الناس ، حاجة بينكـ وبين ربكـ : )
" طيب تعالى أنا وأنتي نسـأل نفسـنا سـؤال ونجاوب عليه بينا وبين نفسـنا ، هو أنا بعمل حسـاب إن #الله_رقيب !! " هاه طلعتى ملتزمة ولا مش ملتزمة !! :3
المهم أوقات بيكون فيه مشكلة في القلب ذنب مستهونة بيه ، معنديش ثقة في ربي ، الناس كلمتهم مهمة أوي بالنسبالي وممكن أغير حجابي أو التزامي علشـانهم ... إلخ
وهنا هنرجع ونقول والكلمة اللي دايما نقولها #طنش_تعيش -_- مش بتعملى حاجة غلط أنتي صح تأكدي دايما طالما بتحاولي ترضيه تبقي صح (Y)
متفكريش في الناس شـوفي وعن تجربة ..الناس مـش هتبطل كلام #مستحييييييييل هيتكلموا وهيعملوا إيموشن بيحركـ بوقه يمين وشـمال :/
فطالما كدا كدا هيتكلموا يبقى نرضي ربنا ويتكلموا ولا نعصيه وبرضو مش هنعجبهم !!
نوع تاني من البنات عزيمة وهمة ونشـاط وأوراد ويلا نعمل الطاعة دي ونزود دي ونستغفر ونقيم الليل 8 ركعات ورد يومى جزء وورد حفظ وجه في اليوم ونعمل السنن كتيييير ووووو .. إلخ من الطاعات الجميلة ^_^ اللي بتطهر القلب وتنقي الروح ^_^
أنا معاكي إنكـ تعملى طاعات وكدا بـس هوني على نفسـكـ وامشي خطوة خطوة علشان متجيش في النص وتقعي اعملي أوراد ابدأي مثلا " ركعتي الضحى ، ورد تلاوة يومي وجه واحد ، قيام ركعتين "
واستمرى لمدة أسبوع على الأوراد دي لو لقيتي نفسكـ كملتي الأسبوع تمام.. تمام من غير تقصير يبقى زودي ورد كمان أو زودي في الأوراد نفسها بدل ركعتين يبقوا أربعة بدل وجه تلاوة يبقى وجهين وهكذا .. ^_^
طب قصرت يبقى أستمر الأسبوع اللي بعده بنفس الأوراد وأعاقب نفسي أحرمها من حاجة بتحبها أيون أومال إيه لازم أربيها 3:)
مش مهم الكم الأهم الدوااام والاستمرار مش عايزين نقع ;)
اقرأي وركزي كويـس أوووي ..
روى مسلم عن عائشة رضي الله عنها أن رسول الله صلى الله عليه وسلم سأل: أي العمل أحب إلى الله قال: " أدومه وإن قل".
مهم جدا يكون معانا صحبة صالحة تساعدنا وتاخد بإيدينا وقت لما نقع وخصوصا لو لسه في بداية التزامي مهم جداااااا ^^
اصدقي الله في توبتكـ والتزامكـ طيب ممكن أنا وأنتي نسـأل نفسنا سـؤال تاني ^^ " أنا ليه بلتزم أو أنا ليه عايزة ألتزم ؟!! "
إجابتكـ لو فعلا عشـان هو يرضى <3 #الله يبقى استمري وقاومي نفسكـ ولازم تعرفي إنكـ هتغلطي وممكن تقعي إحنا بشـر طب عارفة البنت اللي أنتي عمالة تقولي يابختها ملتزمة وأنا إيه جمبها ولا حاجة ياريت أكون حتى في نص التزامها :(
سـتوووب وركزي واقرأي الحلقة تاني من الأول فاكرة لما قولتلك على نصين الالتزام اللي بيكملوا بعض فاكرة القلب فاكرة الله رقيب فاكرة إن قلبها دا حاجة ربها وحده هو اللي يعلمها !!
هى مين دي اللي أحسن منكـ !!
بشر زيكـ صح !!
عندكـ عقل زيها ، عندكـ قلب زيها ، ... إلخ
يبقى محدش أحسن من حد فيه حد عارف قد إيه الجنة غالية وبيسعى عشان يوصلها وحد قاعد في مكانه وساب اليأس والإحباط يسيطروا عليه وفضل يقول أنا مفيش أمل مش هيقبلني مش هينفع أكون زي الناس دي !!
والله ياغالية أنا أعرف ناس كانوا ضايعين بمعنى الكلمة وعشان حب ربنا ملأ قلوبهم رجعوا عن الطريق اللي كانوا ماشين فيه ودلوقتي يعني بجد ما شاء الله عليهم : )) شغالين في الدعوة وتابوا توبة نصوحة : )
طب أقولكـ على حاجة عارفة البنت اللي عمالة ترغي من الصبح دي عشـان تكتب الحلقة دي !!
بتقع والله عادي ما هي برضو بشـر زيها زيكـ وزي غيرها ستر ربنا هو اللي بيغطينا ^^
فمش تيأسي وخلي ثقتكـ في ربكـ ملهاش حدود وكل ما تقعي قومي مش تستني حد ياخد بإيدكـ ، قومي علشـان أنتي بتحبي ربنا أكتر من أي حاجة ومن أي حد مهم في حياتكـ ، قومى علشان الجنة مش ببلاش فلازم تتعبي دلوقتي علشان ترتاحي قدام ^^
قومي قومي قومي قوووووومي خليكي قوية بالله ولما تقتدي اقتدي بأمهات المؤمنين مش ببنوتة زيها زيكـ !!
بقالنا كام حلقة كدا مش بناخد واجب عملي وشكلنا نمنا من بعض :D
طب بسم الله عندنا واجب النهارده اللي مش قرأت حلقة الحجاب هتقرأها إن شاء الله وتعمل بيها ;) هنظبط بقى من النهارده إن شاء الله أورادنا وافتكروا " الدوووااااام ^^ "
ربنا ينفع بيكم " افتكروا المريمية #دعاء_صلاح بتفريج الكرب والشفاء العاجل ليها ولوالدها واللي ميعرفهاش هى مسؤولة في الجروب مش تبخلوا عليها بالدعاء بالله عليكم " )) في ميزان حسناتكم إن شاء الله "
#ارتقي_واقتدي ^^
#ست_البنات_بثباتها " هي أنتي ^^ "
#عيش_لله ..
#فريق_العفة <3
أنت تقرأ
فريق العفة _ Effa Team 💛💗
Non-Fictionالسلام عليكم ورحمة الله وبركاته 💕 فريق العفة غني عن التعريف .. وانا بحثت في الواتباد ما لقيت كتاب عنهم .. وفي بنات ما عندهمش فيس بوك يقدرو يدخلو على مجموعتهم او صفحتهم .. انا هنقل اللي هم بينشروا ان شاء الله .. انا مش منهم ولكن كصدقة جارية لي وله...
