الحلقة " 3 "
#الفراااغ 😑
كتير بيكون عندنا وقت فراغ ومـش عارفين نعمل فيه إيه 🙁 فبنحأول نكسـر ملل الروتين بالتغيير 😃
مسـلسـلات وأفلام وأغاني وشـات.. وإلخ إلخ
طب تعالى نفكر مع بعض بصوت عالي :)
الوقت اللي بيضيع دا هو في الحقيقة #عمرنا !!
يوم ورا يوم بيضيع وأنا زي ما أنا مفيـش جديد في حياتي والفرحة اللي حسـيت بيها هي مؤقتة 😕 ..
المسـلسـل أو الفليم خلص وعرفنا مين طلق مين ومين ضحكـ على مين 😃
الأغنية اللي سـمعتها والكليب اللي شـوفته 😑 وحركـ مشـاعري ولهاني عن ذكر الله .. !!
" سـعادة مؤقتة 🙁 ايوه والله "
كسـبت إيه؟! ولا حاجة #ذنووووب 😢
أنتم عارفين إننا هنتحاسـب عن وقتنا دا 😮
اقرأوا معايا الحديث دا..
عَنِ ابْنِ مَسْعُودٍ ، عَنِ النَّبِيِّ صَلَّى اللَّهُ عَلَيْهِ وَسَلَّمَ , قَالَ : " لا تَزُولُ قَدَمَا الْعَبْدِ يَوْمَ الْقِيَامَةِ حَتَّى يُسْأَلَ عَنْ أَرْبَعٍ : عَنْ عُمْرِهِ فِيمَا أَفْنَاهُ , وَعَنْ شَبَابِهِ فِيمَا أَبْلاهُ , وَعَنْ مَالِهِ مِنْ أَيْنَ اكْتَسَبَهُ وَفِيمَا أَنْفَقَهُ , وَعَنْ عِلْمِهِ مَاذَا عَمِلَ فِيهِ "
ارجعي تاني للحديث واقرأي " عن عمره فيما أفناه " !! 🙁
أما ربنا يسـألكـ أنتِ عيشتي " عمركـ " عملتي إيه !!
هتردي وتقولي إيه مكنتـش فاضيه أقرأ قرآن ولا أقول أذكار عشـان كنت بشـوف المسلسل اللي بحبه ؟!
مكنتـش بقول أذكار أصلي كنت بغني 🙁
مكنتـش بحفظ قرآن عشـان كنت مشـغولة بحفظ الألبومات !!
مكنتـش بقيم الليل رغم سـهري عـشـان كنت سهرانه طول الليل قدام النت !!
وإلخ وإلخ 😢
فيه بنات شغلها الشـاغل #النميمة 😕
شـوفتوا فلانة تخنت أوي 😃 ، ولا علانة خطيبها سـابها أكيد عشـان شكلها وحـش 😈
" إلا ما رحم ربي "
طيب نحل بقى 😊
السـؤال أعمل إيه عشـان أشـغل وقتي وفي نفـس الوقت مـش أحـس بملل الروتين ؟!
الأول هنتفق على بدايل للحاجات اللي فاتت دي ، نقدر نعملها في الإجازة أو الدراسـة 😃 كل اللي مطلوب منكـ #تنظيم_الوقت 😊
أول حاجة هنعملها هنشـوف دار أو مسـجد ونروح نحفظ كتاب الله ❤ عارفه لو بـس تبدأي بآيتين في اليوم المهم ورد الحفظ يكون ثابت يوميًا :)
هنحدد أورادنا من الاسـتغفار والذكر والتلاوة وعلى أسـاسـها هنقيس درجة إلتزامنا 😉
" بديل المـسـلسـلات "
اقرأي روايات مفيدة وارشـحلكـ #يوميات_شـاب_عادى ، #يحيى_بين_القدس_وليلى ، #الرجل_ذو_اللحية_السـوداء 😊
اقرأي كتب تغيركـ ، اقرأي عن سـيدنا النبي صلى الله عليه وسلم وزوجاته ❤ اعرفي مين هما أمهات المؤمنين عشـان تعرفي تقلديهم 😊
" الرحيق المختوم ، نسـاء حول الرسـول .. الخ "
" بديل الأغاني "
كلمة السـر 😃 #الأناشـيد 😊
ناس كتير بتكون فاكرة صعب انها تسـيب الأغاني 😕 ، طب أقولكـ على سـر أنا كنت بسـمع أغاني بطريقة صعبة يعني 🙁 #الله_المسـتعان الحمد لله ربنا من عليا وبطلتها خااالص " الحمد لله الذى عفانا " وصلت لدرجة إني بكرهها 😊 هو انا ليه اصلا مصدعاكي بحكايتي 😕 😑
عشـان أوصلكـ إن أي حد بيكون عايز يسيب حاجة #لله ربنا بيسـاعده وبيقويه ❤
ربنا كريم أوي يا بنات رغم إننا مقصريين وبرضو بيساعدنا ويدينا فرصة واتنين وعشرة !!
فيه مهمة متعبة شـوية بـس ثوابها كبير إن شـاء الله 😊
ينفع تسيبي الحجة 😃 تعمل شـغل البيت وأنتِ قاعدة تتفرجي عليها 😣 ، نسـاعد ماما غسيل مواعين طبيخ واهو كلها كورسات هتنفعكـ بعد كدا 😈
وفي الآخر أنتِ برضو الكسـبانة رضا أمكـ عنكـ <3<3
أمك وأبوكـِ ليهم حق عليكي لازم نخصص وقت كدا يبقى ملكهم نقعد معاهم ونكلمهم عن نفسـنا ونشـوفهم محتاجين إيه ونعمله ، مش تخليهم يحسـوا إنهم كبروا وربوا وفي الآخر حياتكم أخدتكم منهم 🙁
الفيسـبوك اللي مضيع وقتنا :3
هنعقد على الفيـس بـس مـش طول النهار 😑
هحدد سـاعتين مثلًا ومـش هزود طب جيت وزودت 😮 اعمل إيه !!
#العقااااااااااب وفى نفـس الوقت ثواب 😊
أولًا هحرم نفسـي من حاجة بحبها ، وهزود طاعة ولتكن مثلًا بدل ما اقيم الليل بركعتين هخليهم أربعة أو بدل ما هقرأ ربع هخليه حزب 😊
قبل أما تقومي بقى من على الفيس اكتبي بوسـت فكري فيه صديقاتك بطاعة معينة أو بذكر لله .. #ثواب ❤
"نفسكـ إن لم تشـغلها بالحق شغلتكـ بالباطل"
#يارب_تكون_وصلت
الواجب العملي " جدول لمدة أسـبوع بنظامنا الجديد ونطبق كل اللي اتكلمنا عنه فى البوسـت هنبدأ من النهاردة إن شـاء الله مـش بكرة : ) "
#ست_البنات ..
#أسماء_منقولة ..
#فريق_العفة ..
أنت تقرأ
فريق العفة _ Effa Team 💛💗
غير روائيالسلام عليكم ورحمة الله وبركاته 💕 فريق العفة غني عن التعريف .. وانا بحثت في الواتباد ما لقيت كتاب عنهم .. وفي بنات ما عندهمش فيس بوك يقدرو يدخلو على مجموعتهم او صفحتهم .. انا هنقل اللي هم بينشروا ان شاء الله .. انا مش منهم ولكن كصدقة جارية لي وله...
