فريق العفة _ Effa Team 💛💗

#ست_البنات(8)

الحلقة " 8 "
#ضوابط_فترة_الخطوبة ..

البنت لما يجيلها عريس :D بتبقى إيه مكسوفة ومش عارفه تقول إيه وازاي هتعرف هو كويس ولا ؟ :(

وشـها بيحمر وخلاص على الآخر، أصله حد غريب وبصراحة حاجة محرجة :O
وتبدأ تفكر هقعد معاه :O ، طب هسأله في إيه؟! :/
مكسـوفة بقا وكدا :D

المهم الحمد لله تم على خير وتمت الخطوبة ♥
وفي أول مكالمة (حبيبي ، ووحشتني ... إلخ إلخ) :O

خروجات مع بعض :( فسح :( هزار وإلخ إلخ :O
كمان بيتحكم فيها زى ما هو عايز :/
متخرجش غير لما تسـأله ولو اتأخرت شـوية تتصل عليه عشـان تطمنه -_-
طب وبالنسـبة للوالد يعني إيه ظروفه 3:)
مـش هو الأولى إنك تطمنيه وتستـأذني منه وتحترميه؟ :(

طب السـؤال هنا، فين الكسـوف والخجل والحياء اللي كان موجود في الأول؟!
هي الدبلة كانت المشـكلة يعني لما لبسـتِ الدبلة خلاص كدا كله تمام؟! -_-
هو خطيبك اه بـس مـش زوجك عشـان يسـمع منك الكلام دا.
هو خطيبك اه بـس مـش زوجك عشـان يقولك اعملي ومتعمليش :/
اسـتني اسـتني ، هو يعني إيه #خطبة أصلاً O.o
(الخطبة ما هي إلا وعد بالزواج) يعني ممكن يحصل الزواج وممكن لأ ولغاية لما دا يحصل.. (حافظي على نفسـك)

ايون يعني احافظ على نفسـي ازاي :/ ؟؟!
" وزي ما بنقول دايمًا عندنا دين هو اللي بيحركنا : ) "
فيه حبة ضوابط هنمشي عليها خلال فترة الخطوبة إن شـاء الله عشـان مـش نبدأ حياتنا بحاجة تغضب ربنا :)

#ضوابط_فترة_الخطوبة ..

"الخطبة ما هي إلا وعد بالزواج"
يعني إيه لا مؤاخذة :3 -_-؟!

يعني خطيبك دا مش حلالك، هو لسـه واحد غريب عنك.
اللي زاد إنه وعد بالزواج والوعد هنا مش أكيد لإن ممكن ميحصلـش نصيب :)

طيب ازاى بقا اتعامل مع خطيبي ؟!!

"الكلام في التليفون"
ودا بقا فيه علماء قالوا مينفعش تتكلموا في التليفون لإنه لسه غريب عنك .
ورأي تاني بيقول ينفع بس بـشروط، مفيش كلام حب.. أنا جيبتهالك من الآخر، لو هتكلميه في التليفون كلام ميخليكيش تجري تقفلي على نفسك أوضتك لا انتِ أغلى من كدا وانت أعف من كدا :)

كلام يقدر يقولهولك قدام والدك. :))
ودا لإنكم عارفين إن #الله_رقيب :)

"ينفع نخرج سوا ؟! "
مينفعش تخرجي معاه لوحدكم ، لازم محرم.
والمحرم دا ميكنش أختك الصغيرة لإني شايفة إن دي منتشرة أوى.
المحرم يكون "راجل" أخوكِ بقا والدك ، خالك ، عمك.... اللي تشوفيه بقا :D

" حدود الكلام"
طبعًا لازم يكون فيه حدود في الكلام وزي ما عرفنا إن هو لسه غريب عنك وهي غريبة عنك، يبقى فيه كلام مش من حقه يسمعه ولا من حقكـ تسمعيه، اللي هو كلام الحب " حبيبي ، وحشتيني ، إلخ إلخ إلخ "
اصبري عشان تحسي بمتعة الحلال، ولما تكتبوا الكتاب قولوا اللي انتم عايزينه ;)

" هو ينفع يزورنا في البيت ؟! "
ينفع يزورك ويجيبلك هدية كمان ابسطي :D ^_^ بس طبعًا بدون خلوة، ازاي O.o ؟!
يعنى بابا يكون موجود في البيت، سمعاني، بابا مش ماما :D
لازم يكون فى البيت #راجل
هتقعدي معاه أهلك يكونوا شايفينكم ومش لازم يسمعوكم :) والكلام هيكون زي ما قلنا في الأول بحدود : )

حاجة أخيرة انصحك متطوليش فترة الخطوبة، عشان التجاوزات اللي ممكن تحصل، وخليكم فاكرين محدش كبير على الفتنة :)

فانتِ هتصبري، وانت هتصبر وهتساعدوا بعض عشان تعدوا فترة الخطوبة من غير ما نقع في الفتنة، وفي الآخر هنستمتع بالحلال :)
" ربنا هيرزقك بس انت اصبر :) "

بعتبر فترة الخطوبة دي اختبار صعب وخاصة للملتزمين، فيه ناس بتقدر تصبر لأنها مش عايزة إلا الحلال : ) ، وناس للأسف ملتزمين بس بتيجي فترة الخطوبة وينسوا أو يتناسوا :(

عشان كدا الكلام دا لي وليكم عايزين فترة الخطوبة دي نعملها كاختبار لينا لازم ننجح فيه، لو حسيتِ إن هو بدأ يخرج عن الطريق اللي ماشيين فيه فكريه #الله_رقيب.
وانت نفس الكلام، خليكم عون لبعض وربنا يكرمكم جميعًا :))

وأخيرًا سيبكـم من كلام أي حد يقول عليكم معقدين،  أنتم صح ، طريق #العفة ، طريق #الحلال نهايته كلها خير وسعادة ورضا الرحمن <3
فمش هنركز مع أي كلام ^^

#بالحلال_أحلى
#ست_البنات ..
#أسماء_منقولة ..
#فريق_العفة ..