#دقيقة_فقه
هو احنا المفروض نشيل إيه من شعر جسدنا؟ وقبل الزواج ولا بعده؟ والكلام دا للرجالة ولا الستات؟
خلينا متفقين إن الموضوع دا مهم جدًا جدًا لأي مسلم.. ذكر أو أنثى.. فـ هنحاول نتناوله بالتفصيل وبشرح مبسط بإذن الله 🍀
عن أنس رضي الله عنه قال: وقت لنا في قص الشارب، وتقليم الأظفار، ونتف الإبط، وحلق العانة أن لا نترك أكثر من أربعين ليلة. رواه مسلم
طبقًا للحديث.. فـ احنا عندنا 3 أماكن في الجسم لازم نشيل منهم الشعر في مدة أقصاها 40 ليلة.
🔹 شعر الشارب (ودا خاص بالرجال)
وردت أحاديث بحلقه، وأخرى بقصه، وأخرى بجزِّه.. فـ أيًا كانت الطريقة المتبعة المهم إنه ميتسابش كده.
🔹 شعر الإبط والعانة
المقصود بالعانة: الشعر فوق ذكر الرجل وحوله، والشعر حول فرج المرأة، سواءً كانت بكرًا أو ثيبًا.
#طيب امتى نبدأ نشيل الشعر دا؟ وازاي؟
امتى؟
من وقت البلوغ..
يعني ابن حضرتك اللي عنده 15 سنة لازم يتعلم إزالة شعر الإبط والعانة.
وبنت حضرتك اللي عندها 12 سنة وبلغت لازم بردو تتعلم طريقة إزالة شعر الإبط والعانة.
مفيش حاجة اسمها لما تتزوج!! ومفيش حاجة اسمها عيب!
دي سُنن فطرة.. يعني أي إنسان فطريًا المفروض يكون بيعملها كنوع من النظافة.
#طـيب نشيلهم ازاي؟
من السُنة عندنا نتف الإبط، بأي طريقة نتف تختاروها سواء سويت أو شمع أو أيًا كان.
وبالنسبة للعانة فـ ورد فيها الحلق، باستخدام الشفرات مثلًا.
طيب ولو حد عاوز يستخدم وسيلة تانية لإزالة الشعر؟
مفيش أي مشكلة.. ممكن بأي طريقة تريحك المهم عندنا إن الشعر يُزال قبل 40 ليلة.. والأفضل اتباع السُنة 🌸
بالمرة بقى..
لو واحدة سألت عن حكم إزالة شعر الإيد مثلًا؟
ساعتها بنقولها إن دي أمور #مسكوت_عنها.. يعني ببساطة متقالش عليها حاجة.. فـ اللي عاوزة تعملها تعملها، واللي مش عاوزة متعملهاش.. عادي خالص
ونكتفي بهذا القدر الآن 🌿
#سلسلة_فقه_الطهارة
#رقية_طه
#فريق_العفة
رجاءً اللي يلاقيني أخطأت في أي حاجة سواءً البوست ده أو غيره ينبهني.. فـ احتمال الخطأ وارد وكلنا بشر.. وجزاكم الله خير😊
أنت تقرأ
فريق العفة _ Effa Team 💛💗
No Ficciónالسلام عليكم ورحمة الله وبركاته 💕 فريق العفة غني عن التعريف .. وانا بحثت في الواتباد ما لقيت كتاب عنهم .. وفي بنات ما عندهمش فيس بوك يقدرو يدخلو على مجموعتهم او صفحتهم .. انا هنقل اللي هم بينشروا ان شاء الله .. انا مش منهم ولكن كصدقة جارية لي وله...
