فريق العفة _ Effa Team 💛💗

#ست_البنات(10)

الحلقة " 10 "
#يوم_فى_العمر ..

وطبعا الحلقة باينة من عنوانها :D
هنتكلم النهاردة عن يوم مهم جدااااا عند كل بنت ^_^

هنتكلم إن شـاء الله عن الفسـتان الأبيض هااااه وصلت !! ;)

كل بنت بتقعد تخطط وترسم فى خيالها اليوم دا هتعمل إيه ؟ ما أنتِ العروسـه بقا :D
طب تعالي نفكر مع بعض بصوووت عاااالى ونشـوف إيه اللى بيحصل فى الأفراح !!

اللى بيحصل بنحجز قاعة بكذا ألف جنيه ونعزم قرايبنا وصحابنا والناس اللى بنحبهم ونبدأ مع بعض مشـوار الذنوب !!

أغاني واختلاط والعروسة قاعدة فُرجة للكل !!
ميكـ آب وفسـتان محدد -_-
دا غير االرقص والكل بيتفرج " عذرا فى اللفظ "

يعنى من الآخر بندفع فلوس عشـان ناخد ذنــوب !!
طب بالله عليكى اسـألى نفسـكـ سـؤال قبل أما تعملي فرحكـ بالطريقة دى " لو سـيدنا النبى صلى الله عليه وسـلم كان موجود دلوقتى وعزمته على فرحى وحضر وشـاف الفرح دا هيستنى للحظة واحدة !! ، ولا هيدور وشـه وهو زعلااااان وحزين على الحال اللى وصلناله :( :( "

ثواني ثواني إيه الأڤورة اللى أنتِ فيها دى :/
دا فرح حضرتكـ يعنى مش ميتم -_- ما هو لازم نفرح امال هنعمله ازاى :/

مشكلتنا إننا خلاص ربطنا الأغانى بالفرحة والقرآن بالحزن بمجرد ما نسـمع قرآن فى مكان نقول " لا حول ولا قوة الا بالله " حد مات :( !!
" والله المسـتعان " - إلا من رحم ربى -

أمال أعمل ايه يعنى ما لازم هلبس فستان وهحط ميك اب و الخ الخ الخ
لا مش لازم يوم زى دا لازم تكونى حريصة على رضا ربكـ ، مش تبدأى حياتكـ الجديدة بحاجة تغضبه ^_^

هقولكـ على حاجة لو من الأول ظبطنا اليوم دا بطريقة كويسه بحيث تكوني فرحانة وفى نفس الوقت حريصة إن ربكـ يكون راااضى عنكـ <3
هترتاحى من وجع الدماغ اللى أنا عملتهولكـ بكل الرغي دا :D
عـارفة أما تقعدي تجهزي وترتبي خطوة خطوة وتفكري بدل المرة عشـرة هيكون راضي عني أما ا
أعمل كدا ^_^ ولا لأ :O !!

طيب نبدأ بداية صح ازااى ؟!
الفرح عايزينه فرح بجد يليق بيكى كمسـلمة ;)

يعنى ايه مسـلمة يعنى مفيش اختلاط أنتِ وأهلكـ من النسـاء وصحباتكـ #النسـاء فى مكان وعريسكـ وأهله من الرجال وأصحابه فى مكان ^_^

طيب والأغاني :3 -_-
طب ومالها الأناشيد :D وماله الدف :D للنسـاء 3:)
لو عملتى كدا تقدرى تلبسى أحلى فستان وتحطى ميكـ آب زى ما أنتِ عايزة : )
بـس اللى هيشوفكـ محارمكـ و #زوجكـ #حلالكـ ياغالية : )

اللى هيحصل إن ربكـ هيكون راضى عنكـ لأنكـ مهتمتيش بمين هتقول عليكى معقدة ومين هتقول عليكى مزوداها ومتشـددة .. الخ الخ الخ ^_^

اللى حاصل إنكـ اهتميتى برضا ربكـ وكان عندكـ أهم حاجة فى أهم يوم فى حياتكـ : )
اللى حاصل إنكـ اختارتى تبدأى حياتكـ الجديدة بطاعة ربكـ ومهتمتيش بإن بنت عمكـ ولا بنت خالتكـ عملت فرحها ازاى : )
اللى حاصل إنكـ فرحتي وفرحتكـ كملت بدعوة حلوة دعيتيها مرة زمان وكنت ِصادقة اوى فى دعوتكـ دى أما قولتى يــارب ارضى عنى ونزلت دمعة كدا من عيونكـ بـس بعدها عرفتى إن الرضا لازمله خطوات وسعى <3

الخلاصة " متخليش فرحتكـ تكون بمعصية ربكـ "
#ولازم_أرضيه_في _أهم_يوم_في_حياتي <3
#أفراحنا_إسلامية ^^
#ست_البنات " هي أنتِ ^^ "
#عيش_لله ..
#فريق_العفة
" الحلقة اللى جاية إن شـاء الله هتكون بعنوان لا أتمكيج ولكننى أتجمل 3:) "
انتظرونا ..