فريق العفة _ Effa Team 💛💗

#ست_البنات(9)

#سن_اليأس ..
كبرتي وسنكـ بقى 30 أو أكتر وكل اللي حواليكي بيقولوا خلاص فرصتكـ في الاختيار قلت :3
وطنط اللي للأسف تقريبا شخصيتها موجودة في معظم العائلات " يا بنتي ضل راجل ولا ضل حيطة اسـأليني أنا أكبر منكـ و عارفة ^_^ "

يا بنتي وافقي دا حد محترم وبيصلي :O !!
تقدري تغيريه بس دا مش ملتزم  :( ، يا بنتي الراجل ميعبوش إلا جيبه O.o!!
البنت كل ما سـنها بيزيد كل ما بتدخل في سـن اليأس !!

ثواني ثواني -_- يعني إيه سن يأس !!
طب قبل ما نتكلم عن سن اليأس دا نشـوف الكلام اللي ملوش أصل فوق دا :3

عندكـ 20 سنة أو 30 أو أكتر فبرضو مينفعش تتجوزي أي واحد كدا وخلاص وتقولي ضل راجل ولا ضل حيطة ساعات ضل الحيطة بيكون ءأمن وأريح وأحسن بكتير ...

يعني إيه فرصتكـ في الاختيار بتقل !!
يعني إيه محترم وبيصلي :/ !!
يعني إيه مش مهم يكون ملتزم !!
يعني إيه تنازلي شويه !!

كل دا علشـان تهربي من لقب #عااانس اللي هى أصلا حاجة مش بإيدكـ كل بنت فينا مكتبولها إذا كانت هتتجوز ولا لأ ولو هتتجوز هتتجوز مين وإمتى و إزاي وفين !!
يعني الموضوع مش مستاهل تتعبي نفسـكـ من كتر التفكير وزي ما كل حلقة بتقول إن الناس مش بتبطل ولا هتبطل تتكلم فمتركزيش مع أي كلام :3
اقعدي مع نفسكـ وحددي أنتي عايزة إيه بالظبط عندكـ دلوقتى مواصفات أساسية ومواصفات ثانوية ..

⬅️المواصفات الأساسية ..

وزى ما اتعلمنا من دينا " الدين والأخلاق " وهتحطي بعد كدا الحاجات اللي أنتي شايفاها أساسية ومينفعش متكنش موجودة فيه بس وأنتي بتختارى اعرفي إن محدش كامل زي ما أنتي فيكي عيوب هو كمان لازم هيكون فيه عيوب ;)

⬅️المواصفات الثانوية ..

ودي بقى حاجات بتتمني تكون فيه بس تقدري تتعايشي عادي لو المواصفات دي مهياش موجودة في البني آدم دا زي مثلا إنه يكون غني أو وسيم :D 3:)

وخدي بالكـ أنتي بتختاري حد لما ياخد بإيديكي وتاخدي بإيديه للجنة أو حد كل ما تحاولي توصلي يوقفكـ !!
أنتي بتختاري حياة جديدة خالص غير اللي كنتي عايشها في بيت أهلكـ بتختاري طريق إما يوصلكـ للجنة أو .. " )

ومش معنى كلامي إنكـ تفضلي على حالكـ وتستني لما هو يجي يغيركـ محدش بيغير حد يا غالية ^^ قلبكـ هو بداية تغيركـ للأحسـن ;)
فـ أنتي بقى مش هتركزي مع أي كلام وهيكون عندكـ يقين بالله لو كاتبلكـ تتجوزي في الدنيا يبقى حتى لو عندكـ أربعين سنة هتتجوزي في الوقت المكتوب ليكي ومش بحب لفظ #يــأس دا أبدا لو عندكـ يقين بالله اليأس مش هيعرف يوصل لقلبكـ " )
اثبتي ومتضايقيش نفسكـ وارضي باللي ربنا كاتبه ليكي والله العظيم ليه حكمة في كل حاجة بتحصلكـ !!

هيفرحكـ وهيكرمكـ أوووي <3 بس نصبر ونملأ قلبنا باليقين " ))

يا سيتي اسكتي بقى اللي إيده في الميه مش زي اللي إيديه في حاجة تانية -_- -_-
أنا بسمع كلام يضايق وغمز ولمز ومصمصة شفايف ومش هتتجوزي بقى وكأني أنا اللي هروح أخطب لنفسي :(
للأسـف هو دا المجتمع اللي إحنا عايشين فيه فهقولكـ بصي لنص الكوباية المليان ^_^ الناس كدا كدا هتفضل تمصمص في شفايفاها على الغلط والصح " إلا ما رحم ربي " !!!!

هديكي مثال بنت لسه متجوزتش اتخطبت يقولوها الله مش هتتجوزي بقى -_- اتجوزت البنت الحمد لله ^_^ أنتي مش هتجبيلنا نونو بقى :/ وكأنها هى اللي بتصنعه " الله المستعان " وحتى بعد لما تخلف تطفل فظيع من #البعض >_<

فدا طبيعة موجودة مش هنقدر نغيرها ولكن إحنا مسؤلين عن نفسنا ونقدر نغير فينا ;) " كن أنت التغير الذي تريد أن تراه في العالمـ "
وبعدين ليه شايفة إن السعادة بس في الجواز فيه حاجات تانية ممكن تفرحي نفسكـ بيها لحد ما ربنا يكرمكـ ويرزقكـ بالزوج الصالح <3

بنوتة تقولي أنتي مش فاهمة :( أنا نفسي أكون أم وكل ما أكبر كل ما فرصتي في إني أكون أم بتقل :( :(
هقولكـ لا عارفة كل الكلام دا بس اللي مقتنعة بيه جدا إن بردو لو ربنا كاتبلك، تكوني أم هتكوني أم مهما كان سنكـ !!
وفي كتير اتجوزوا وربنا ما أردش إنهم يخلفوا على الرغم إن سنهم #صغير !
وفي برضو اتجوزوا وسنهم كبير وربنا رزقهم بأطفال !
دا موجود ودا موجود وطالما أنا واثقة في ربي مفيش #مستحيل في رب كرمه ملهوش حدود " )) <3

اصبري يا عفيفة وعلى قد صبركـ ربنا هيديكي ومتخليش حد يحبطكـ اللي يقولكـ أنتي لسه متجوزتيش -_-
قولي هتجوز إن شاء الله في المعاد اللي ربنا وحده عالم بيه ^^
#مفيش_مستحيل_في_يقين <3
#ست_البنات " هي أنتي يقينكـ بالله ^_^
#معا_للجنة ..