السلام عليكم ورحمة الله وبركاته 💕
فريق العفة غني عن التعريف .. وانا بحثت في الواتباد ما لقيت كتاب عنهم .. وفي بنات ما عندهمش فيس بوك يقدرو يدخلو على مجموعتهم او صفحتهم .. انا هنقل اللي هم بينشروا ان شاء الله .. انا مش منهم ولكن كصدقة جارية لي وله...
الموضوع دا بعتبره من أهم المواضيع في #ست_البنات الأول عايزين نعرف يعني إيه اختلاط ؟! اختلاط يعني تعامل بين شباب وبنات ، طالما حصل تعامل ما ينفعش تقولي إن مفيش اختلاط. في الأول كدا هنسـأل نفسـنا سـؤال " هو أنا ممكن أعيـش من غير ما #اضطر إني اكلم #راجل :/ !!
طيب دلوقت حصل ضرورة للاختلاط دا "وهنوضح كلمة ضروري دي بعد كدا إن شـاء الله عشـان الأمور متبقاش سـلطة " اتعامل ازاي :/ ، وازاي احمي نفسـي من الوقوع في فتنة لو حصل الاختلاط دا :( !! احنا عندنا دين هو اللي بيحركنا وأي خطوة هتعمليها لازم ترجعي لدينك عشـان ميحصلـش أي حاجة احنا في غنى عنها :) 1_ غض البصر.. الكلام للبنات والشباب : ) 2_ الكلام ميكنش في خلوة ، يعني بلاش ممكن لو سمحتِ كلمة على انفراد -_- !! 3_ الكلام ميكنش فيه خضوع بالقول، بلاش دلع -_- 4_ منرفعـش التكاليف يعني انتِ هتقوليله أسـتاذ "اسـمه" وهو هيقولك أسـتاذة "اسمك" وطبعًا من غير خلوة زي ما قلنا ;) 5_ الكلام يكون في الشغل ومنخرجـش برا الموضوع. 6_ الالتزام بحجابي الشـرعي ^_^ <3 طيب الفيـسبوك :) هنتعامل عليه ازاي ؟! الفيـس بوك طبيعي مختلط ، عايزين نراعي حبة حاجات واحنا فاتحين فيس : )
البيدجات الهادفة ^_^ <3 يعني دلوقت فيه بيدج معروف إن الأدمن اللي فيها #ولد، مينفعش ادخل أنا كبنت وابعتله رسالة بمشكلة مثلًا .. !! لو حسيتِ إن الكومنت فيه ضرر أكتر من نفع فبلاش.
البنت الأوفر 3:) البنت دي بتكون متابعة بيدج بعينها هي ممكن تكون فعلًا بتسـتفاد من بوسـتات حضرته.. لكن اللي مش عادي بقي طريقة الرد اللي فعلا شوفتها من #بعض البنات :/ "نفـس اللي كنت بفكر فيه، سـبحان الله مـش ملاحظة إن فيه تشـابه بينكم أوي :/ " "بجد ربنا يرزقني بزوج صالح زيك <3 ، طب حضرتكـ مرتبط؟ " "أنا متابعة حضرتك على فكرة البوسـتات جميلة بجد ودايمًا بتيجي في وقتها ياريت كل الناس زيك " ..(خلاص عرف إنه متراقب). وغيرها من التعليقات اللي ممكن توصل لصاحب البوسـت إن حضرتك معجبة بيه مـش بالبوسـت نفسـه -- #عيب بقى لو هتعملي كومنت يبقى مختصر وميخرجش عن سـياق البوسـت، ولو حسيتِ في لحظة إنك بتعلقي أو متابعة عشـان خاطر صاحب البوسـت يبقى خديها نصيحة من أختك بلاش يا طيبة وابعدي : )
اقرأي معايا الحكاية دي .. " بنت بتحكي.. شـوفت بالصدفة بيدج لشـاب على الفيـس دخلت وقريت البوسـتات وعجبتني البيدج جدًا وبقيت كل ما ادخل الفيـس لازم أسـاسي عندي إني ادخل البيدج دي واقرأ #كلامه .. حسـيت بكلامه كأنه بيكلمني بقيت ادخل الفيـس بـس عشـان البيدج دي تقريبا أنا أول واحدة اعمل لايك وكومنت، بقى عندي فضول انت مين ؟!! دخلت بروفايله وبدأت اتابع أخباره خلاص اتعلقت بيه وتمنيته زوج لي مع إن كل اللي أعرفه عنه كان مجرد #كلمات على شـاشة جهازي !! "
إيه الحكاية الأوفر دي هو كل بنت تعمل كومنت لواحد معنى كدا إنها معجبه بيه :/ -_- !! إطلاقًا :D القصد من الحكاية دي واللي هي مش متألفة ولا حاجة : ) إن الوسطية حلوة في كل حاجة والأفورة وحشة جدًا ، نعمل كومنت بس بلاش يكون مبالغ فيه.. الكومنت على البوست مش على صاحب البوست : )
الكلام عن الاختلاط مخلصش لـسـه هنكمل مع بعض إن شـاء الله ونعرف ازاي ممكن اتعامل مع المدرس بتاعي وازاي اتعامل مع قرايبي هل لو ضفت حد في الاصدقاء دا كدا اختلاط ولا عادي :D "اللي عندها أي ملاحظة أو اعتراض تتناقـش معايا، #ست_البنات مش معمولة عشـان نقرأ ونركن احنا هدفنا التغير لي وليكِ " الواجب العملي هنطبق الضوابط اللي في أول البوست #واقعيًا ;) #ست_البنات .. #أسماء_منقولة .. #فريق_العفة ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
