هلو حبايبي تسرني انو اقصلجن القصه الجديده قصتي بعنوان (قزومة الاستاذ جاد) قصه واقعيه اتمنه تكون ناجحه وتعجبجن تفاعلو وي احداث القصه وعيشو اللحظه حته تشجعوني استمر يله نبدي
بسم ❤️ الله ❤️ الرحمن ❤️ الرحيم ❤️
جاد، اني جاد عمري 30 سنه مدرس مادة انكليزيه طويل طولي 186 و معضل وزني 74 بشرتي بيضه مايله للحنطيه جنت عايش وحدي بدولة الامارات بس قبل كم يوم انتقلت ورجعت البغداد وحاليا عايش وي امي مره جبيره وابوي هم رجال كبير بالعمر وعندي خوات متزوجات وعايش ويانه اخوي الجبير متزوج عمره 40 سنه زوجته منال عمرها 36 سنه عدهم بنيه اسمهه جوري عمرها 16 سنه طالبة رابع اعدادي اليوم طلع نقلي من مدرستي المتوسطه راح ادرس بمدرية جوري اعداديه ومدرسه بنات الله يستر هههه كعدت الصبح الساعه 7 سبحت وبدلت قميص اسود وستره سوده وبنجرون اسود احب هذا اللون حطيت عطر طبعا اني عندي لحيه وشوارب نزلت لكيتهم كلهم يتريكون، ،صباح الخير
الكل صباح النور
جوري، وااااو شنو هاي عمو طالع صاك اليوم بنات المدرسه كلهه راح تصادقني راح اصير مشهوره 😂😂،،،،،عمو متشوقه اعرفك عل صديقتي ريم راح تحبهه اكيد
جاد، ههههه يله كملي ريوكج اني طالع بالسياره مااشتهي اكل، ، رحت بست راس امي وابوي
الحجيه، الله ينور دربك وليدي
جاد، رحم الله والديج يمه يحفظج النه انشالله، ، رحت انتظرها بالسياره شويه وطلعت مشينه طبعا الجو بارد كلش لان شته واتمطر وخبصتني خبيصه بصاحبتهه ريم
جوري، عمو صديقتي ريم البارحه كتلهه عندي الج مفاجاه اللي هي انت هههههه هسه البنات كلهه تزحف عل عمو حبيبي الصاك
جاد، هههههه ديله نزلي بسرعه المطر يبللنه، ، نزلنه جوري راحت الشعبتهه واني رحت للاداره طول ماامشي عيون الطالبات عليه هذا هو السبب اللي يخليني ماادرس مدرسه بنات كعدت وي الاساتذه منا لمن دك الجرس اول درس اني بشعبه الرابع ب شعبه جوري
جوري، رحت للشعبه واني انتظر ريم شويه وشرفت، ،، اوووو هلا بالضلعه لج وينج مو كتلج عندي مفاجاه ليش تاخرتي
ريم، هاااي اني ريم عمري 16 سنه طالبة رابع اعدادي قصيره كلش كلش كلش يعني اوفر 😭😭😭😂 طولي 150 مربربه بس ناعمه شعري اسود الحد خصري بيضه عيوني كبار جوزيات وزني 50 عايشه وي ماما وبابا متوفي ،، اخويه سعيد الجبير عمره 30 مهندس واخوي الاصغر منه حسنين عمره 20 سنه اوله كليه قانون واختي ساره طبعا وجنتنه مرت سعيد اسمهه حنين ما الهه دور جبير بالقصه، ،،، طبعا اني اصغر وحده واحلاهم ههههههه اكثر شخص احبه بالعائله هو سعيد حباااب كلش واكثر شخص اكرهاااا ساره يعني مو اكرهها بس هيه اكثر وحده تحقد عليه بالبيت وتغار مني بشكل هيه اختي الجبيره عمرها 18 سادس اعدادي هيه اشطر مني الصراحه تهتم بمضهرها اكثر مني اني مالي خلك الهاي السوالف المهم بنص الليل خابرتني صديقتي جوري
