قزومة الاستاذ جاد(كامله)

بارت 10

ريم، واكفين اني وحنين بصدمه وحده تباوع للثانيه ونسمع من باب الغرفه مال ساره

ساره، ريحانه لج حبيبي محسن راح بسببهه والله اله اخلي جاد يذبهه مثل ماذبني محسن

ريحانه، تمام بس شلون احنه لازم نلكه خطه حته ارجع حبيبي جاد واخذه منهه بواكه الرياجيل، ،بس اريد اعرف ليش ماطلعت ريم مثلج حبابه

ساره، هه اندري يختي هسه انتو راح ترحون مو،،شوفي اوصلي للبيت خابريني ونتفق عاللي حنسوي تمام

ريحانه، تمام حياتي يله بيباي

ريم، سحبتني حنين من ايدي بسرعه دخلتني الغرفتي ودخلت وياي واني مصدومه معقوله اختي تسوي هيج وتتفق وي وحده غريبه عله اختهه اوف يربي اوف

حنين، ريم انتي لازم تكونين حذره

ريم، لا، ،تسوي اللي تسوي، ،هيه عدهه ريحانهه بس اني عندي الله ورب العالمين اكبر من ريحانه واكبر مني ومنج ومن ساره ربج ما يظلم عبده هو اللي راح يحميني من شر الحياة ما راح اكون حذره ابدا

حنين، لج لتصيرين ثوله لازم تتحذرين

ريم بصياح، لجج من شنووو اتحذر من اختيييي،،من اختيي اللي من لحمي ودمي اهه اهه لج اني شمسويه شمسويه الهه كل القصه فرقتهه عن محسن لان محسن عركجي وحقير بعد شنووو السالفه اهه اهه

حنين، حضنتهه،،اششش خلص اهدي راح ينحل كلشي بس هدي شوي

ريم، عافتني حنين وطلعت واني لفيت راسي ونمت جان يوم متعب الي ومر مثل الصاعقه كعدت الغروب عل ايد تندسني كعدت لكيتهه حنين

حنين، كومي ولج ما شبعتي نوم

ريم، كعدت كعده عالجربايه وكفشتي طافره شفت الساعه 6 ونص وباجر اول ايام رمضان واقتربت الامتحانات اووف لازم ادرس لا ارسب، ،،كتلهه راحت ريحانه وامهه

حنين، اي الله فكنه منهن

ريم، كمت غسلت وكعدت اكروط خيار وادرس شويه ودك تلفوني باوعت جاد مسجلته استاذي الصاك هههههه رديت،،الو

جاد، اروح فدوه الهالحلك ابو الالو

ريم، من كال هيج شرگت بالخيار ضليت اكحكح شربت مي من يمي وهو يصيح

جاد، الووو ولج شبيج شكلت الووو

ريم، ها وياك

جاد، وجعاك انشالله ولج شبيج شركتي همزين ما متي شنو كاعده تتعشين

ريم، لا جنت اكل خياره بعده ما مستوي العشه وداادرس اراجع للامتحانات

جاد، اي تغذي زين منا وجاي رمضان

ريم، ايي

جاد، ريومه اي شي تحتاجيينه خابريني اني زوجج مو غريب

ريم، من كال زوجج توترت كلش احس الدنيه صارت حاره كتله، ،احم اي طبعا

جاد، اشتاقيتلج

ريم، يربييي هذا الفرخ راح يجلطني ،،اني هم الصراحه مشتاقه تدرسنه

جاد، ههههههه

ريم، شلونهه جوري وخاله منال والحجيه

جاد، كلهم زينين يسلمون عليج

ريم، اني هسه لازم ادرس عاتي بعدين نحجي

جاد،يقلد صوتها،،اي حياتوو عاااتي اووي

ريم، هههههههههه متت

جاد، روحي لا اجي اعرس بيج هسه

ريم، عزه شكد ما يستحي يفشل سديته بوجهه وضليت اقرا رياضيات شويه واجت ساره

ساره، كومي عيني الشاطره صبينه تعالي تسممي

ريم، ههففف جايه، ،طبعا يصير الاكل سم غير انتي طابخته عفتهه ونزلت ضلت تدردم وراي كعدت تعشيت وماما تكلي شبيج وجهج اصفر ومقبله عل زواج ومدري شنو خلصت صعدت توضيت وصليت ودعيت الله يوفقني بالامتحانات والزواج ويتقبل صيامنه ومر اليوم عادي بعدين نمت منا لليوم الثاني جانت عدنه محاضره اضافيه وصايمه ويبوو انوب كعدت الصبح لبست تنوره مكسره طويله اسود وبلوز اخضر وجنطه صفج سوده حطيت مرطب و مسكارا ونزلت سلمت عل ماما طلعت جان الكه جاد كبالي

جاد، صباح العسل يا عسل

ريم، احم،،جاد شتسوي هنا

جاد ،اخذج عالمدرسه يله ركبي

ريم، ركبت طول الطريق يتغزل بيه وفاتح اغنية ابي ارسلك قناابل شوگ،،تضمك من تحت ليفوك ويغني وياها انوب من كال المطرب، ،ابيك بكل حسن نيه هو باوعلي كال لا ترا اني نيتي مو حسنه زفره كلش هههههههه موتني ضحك خجلني وصلت للمدرسه البنات كلهه اجتي تباركلي عالخطوبه وكلهه تكلي صاك خطيبج هههههه خلص الدوام وطلعت منتضرته شويه واجه ضعدت سلمت طول الطريق ساكتين بس اغنية مشعل وصلني همات سلمت ودخلت كبل صعدت نمت

يتبع،،،