كلش اسفه عالتاخير
جاد، احس روحي راحت من سمعت صوتهه وهي تبجي، ،انتفضت بسرعه، ،ريم شكو شبيج صاير شي
ريم، طبعا بعد ما حاجوني بهالموضوع كلهم كالو تزوجي ولكن اني رفضت بس امي لحت كلش واخوي يكلي مابي شي حته ترفضينه وساره مكيفه يعني حسيت اني الوحيده اللي بهالمحنه والكل ضدي صعدت بسرعه الغرفتي وعفتهم دخلت وضليت ابجي وفجأه خطر عل بالي استاذ جاد بدون تفكير اتصلت بي رد عليه
اهه استاذ اريدك تساعدني الله يخليك معندي شخص غيركم بس انت وجوري
جاد، ريم اهدي كليلي انتي هسه وين
ريم، بالبيت استاذ 😭
جاد، تمام احجي شصاير بس اهدي لتبجين
ريم، كعدت وحجيتله كلشي صار احجي وابجي مااعرف ليش اتصلت وحجيت اله بس يمكن لان حسيته راح يكدر انو يقنع سعيد لان صار صديقه كملت كلامي كال
جاد، لما كالت خاطبهه ماهر احس عيوني نطت شلوون يعني خاطبج منهم شلووون،، وانتي لما رفضتي ليييش ما تقبلووو ريييم لا تخبليني
ريم، ضل يصيح عليه وزاد الطين بله، ،اهه اهه اني شعليه ليش تعيط عليه 😭😭
جاد، انتبهت عل نفسي اخذت هوا ومسحت وجهي بيدي وكتلهه، ،انتي ارتاحي اني راح اتصرف
ريم، استاذ شلون حتتصرف طبعا احجي واناشغ
جاد، بعدين يوصلج الخبر لتخافين راح اسوي اي شي في سبيل ما اخليج تتزوجين ماهر
ريم، ...
جاد، ريم
ريم، نعم استاذ
جاد، لتخافين تمام استاذج راح يحلهه خوش؟
ريم، حسيت بالطمأنينه لما حاجاني هيج حسيت انو لسى اكو الي سند كتله، ،م ماشي اشكرك استاذ
جاد، سديته وبدلت ونزلت
الحجيه،ها ييمه وين رايح مو توك اجيتو
جاد، لتخافين يمه طالع راح اتاخر لتخافين عليه سلمت عليهه وعل ابوي المريض ونايم بالغرفه وطلعت رحت عالشط افكر شسوي بعدين خطرت ببالي فكره بس ما متاكد راح تطون ناجحه اخذت موبايلي واتصلت بسعيد
سعيد، الووو هلا جاد
جاد، هلا بيك سعيد مو كلنه نطلع
سعيد، اي طبعا ليش لا بيش ساعه
جاد، هسه اذا تكدر
سعيد، اها تمام وين نلتقي
جاد، عالشط اني هسه
سعيد، تمام دقايق واكون يمك سديته وكمت بدلت بنطرون ابيض وقميص دگم نيلي ومشطت شعري توني ردت اطلع من الغرفه دخلت زوجتي حنين
حنين، اووو شنو هالجمال ريلي 😹
سعيد، ههه بستهه بخدهه وكتلهه، ،جمالج يعيوني انتي ،،بس مو كانو زعلانه خير شنو مضوجج
حنين، سعيد اريد احجي وياك بموضوع
سعيد، اوك حبيبي بس اني هسه طالع من ارجع نحجي
حنين، سعيد هسه لازم نحجي
سعيد، حبيبتي دااكلج طالع طالع
حنين،بعصبيه، ماشي لعد روح وخليني بس لا تعتب اذا عرفت رايحه لاهلي
سعيد، هووب هووب شنو هاي شبيج يمعوده تعاي تعاي لزمتهه وهي زعلانه عود كعدت عالجربايه وكعدتهه بحضني وكتلهه، اي حياتي احجي اسمعج اسف
حنين، ☺️☺️
سعيد، حنييين احجي حبيبتي
حنين، ههه تمام، ،اكلك حبيبي مو كانك قسيت عليهه
سعيد، منو قصدج
حنين، شبيك منو قابل ريم طبعا
سعيد، ههههفففففف، ،حنين هالشي لتدخلين بي بيني اني واختي
حنين، لا اتدخل لان اختك صديقتي، ،ريم واعرفها ما تفكر بالزواج وبعدين ترا هي بعدهي صغيره رابع اعدادي شتفتهم
سعيد، الصغيره تكبر كلنه جنه صغار
حنين، سعييد، ،دااكلك اختك متريد تتزوج يعني حتجبرها وتزوجها غصب ،،حرام
سعيد ، افكر بكلامج بس هسه لازم اروح ماشي حبي احبج بستهه وكمت نزلت وطلعت من البيت طول الطريق افكر بكلام حنين، ،وبعدين وصلت لكيت جاد عالشط كاعد عالمصطبه رحت سلمت وكعدت يمه
جاد، سعيد اني موبس جبتك حته نكون اصدقاء عندي طلب
سعيد، خير خويه اطلب
جاد ، اني اريد اتقرب
سعيد باستغراب، شلون يعني
جاد ،اطلب ايد اختك طالبتي ريم
