قزومة الاستاذ جاد(كامله)

بارت 42

اسفه لتأخر البارت بس جنه مسوين قرايه ببيتنه 😚

،،،،،،،،،،،،،

ريم، الو جوري شبيج ما تردون من اتصل جاد بي شي

جوري تبجي،اهه اهه ريم جدوو اهه جدو مات اهه اهه

ريم، شنووووو عمي ابو جاد ماااات

حنين،شهكت وضربت عله صدري

ريم، عزا جوري انتي تضحكين عليه مووو

جوري، ولج والله مات اخ لو تشوفين عمو جاد مكسور ضهره هو وبابا وهسه البيت كله ناس ريم خلي سعيد او حسنين يجيبج لان عمو جاد اخذو للمستشفى وهسه رجع تعبان كناله اصعد نام بس ماقبل وضل وي العالم اليعازونه البيت مكلوب كلاب وعمو جاد حالته موزينه حته بابا اشوه منه بس عمو كلش متاذي ومحتاجج محد يكدر يريحه غيرج

ريم، جوري تحجي وتبجي واني وحنين نبجي وياها كتلهه ماشي جايه سديت التلفون وركضت واني ابجي لبست صايتي وحجابي ونزلت اركض وحنين تركض وراي حسنييييين حسنيييين

حسنين، ها ريم ها شبيج

ريم، بسرعه وديني لعيالي

حسنين، شكو شصاير

ام ريم، يمه شبيج تبجين خير يا ساتر

ريم، يمه عمي مات والبيت مكلوب كلاب ومحتاجيني يمه يله باي ركضت للسياره امي ضلت تشهك وسعيد خطيه ضل كاعد وساره هم واني وحسنين رحنه للبيت بميت ياعلي وصلنه ركضت وحسنين وراي لان زلم هواااي بالشارع دخلني حسنين للبيت واني دخلت شفت البيت كله نسوان وعمتي تبجي وتملش بشعرها وتصيح واني دموعي تجري اجتني جوري شبكتني تبجي

جوري ،اهه اهه اهه ريم جدوو رااااح بعد مااشوفه ريم اهه اهه

ريم، ج جوري حبيبتي اهدي وين جاد

جوري، بالصاله يحجي وي ابوي

ريم، عفتهه ورحت للصاله هواي زلم شفته يحجي وي رائد وجهه تعباااان كلش ضعفان وهلكات وجو عيونه اسود وين ذيج الهيبه راحت ركضت عليه هو اول ما شافني ركض عليه لزمني من ايدي وجرني صعدني للغرفه مالتنه بعصبيه دخلني وقفل الباب

جاد بعصبيه، ولج ريييييم تردين تخبلينيييي شلون تجيني كبال الزلم اتسودنتييييي ناقصج انيييي ناقصجججج

ريم تبجي، اهه جاد شبيك حبيبي لزمت وجهه بين اديه، ،،حبيبي هاي شصاير بيك، ،،البقيه بحياتك شبكته وهو هم شبكني واول مره بحياتي اشوفه يبجي معقوله ذاك الجاد اليشوفه تهابه الفهود هسه هيج صاير بي انصدمت لما ضل يبجي بصوت بين حضني وحاط وجهه عله صدري ويبجي شبكته وكعدته عالجربايه كعدت يمه لزمت وجهه ومسحت دموعه، ،،،ليش تبجي، ،،انت مو اي احد انت جااااد

جاد، ولج ريم موت ابوي كسر ضهري احس مو اني جاد اني شخص ثاني متغييير متغييير اااااااخ يا ريم محتاجج وماارتاح غير بحضنج

ريم، احاول ماابجي بس مااكدر تمددت عالجربايه وسحبته حطيته عله صدري اول مره اشوفه هيج منكسر وضعيف كدامي،،،ماجان مبين عليه يحب ابوه لهالدرجه يعني حته ماجان يهتمله هواي انصدمت لمن شفته مكسور هيج شويه دقايق وحسيته صار ثكيل باوعتله نايم هله صدري ولازمني من خصري واني هم نمت واني دموعي عله خدي مااعرف شكد مر وقت و كعدت لكيت جاد تعبان بعده نايم مااكدر اكوم خاف اكعده فتح عيونه باوعلي ابتسمتله بحزن

جاد، احبج

ريم، بسته براسه وكتله واني هم وفجاه حسيت لعبت نفسي كلش وبطني لوتني دفعته وركضت وهو ضل مصدوم رحت للحمام استفرغت غسلت اول ماطلعت لكيته بوجهي

جاد، ريم شبيج

ريم، مابيه حبيبي هليام معدتي تعبانه

جاد، نروح للطبيب

ريم، لا حبيبي لتخاف يله بدل وانزل ناس عدنه وفعلا باسني وراح بدل ونزل وي الزلم

يتبع،،،،،