قزومة الاستاذ جاد(كامله)

بارت 43

ليش هليام ما تعلقن ولجن 😒 ،،،،،الماتعلق اعضهه من زردومهه 😂

++++++++++++++++++++++++++

ريم، مرت 5 ايام عله وفات عمي الناس بعدهي تجينه بس مو مثل اول يوم وهمه ما سوو فاتحه جبيره لان لما فتحو وصيه عمي الله يرحمه لكو كاتب

اولادي واحفادي واخواني وزوجتي، ،،لا تحزنون على فراقي، ،،ولا تجعلو لي عزائا ضخما،،،يكفي ان اراكم سعيدين في حياتكم وزوجاتكم،،،من يريد ان يتزوج في العشيره،،،لا تؤجل زواجك وهذه احدى وصياتي، ،،فالتعيشو بامان ولا تؤجلون افراحكم لاجلي زوجو حفيدتي جوري للشاب حسنين، ،،بينهما حبا لا يعلمه الا انا و الله تعالى،،واجعلو زواجهم فخما لانها حفيدتي ❤️

ريم، شفنه الوصيه ودموعنه تجري ماوكفت وبهالحجي جان يقصد زواج حسنين والكل ضل مصدوم عمي شلون عرف وجوري عاصره ايدي من الخوف جانت خايفه من عمهه جاد وابوها وامها لكن اللي فاجئنه هو بردوة جاد بالرد

جاد، مثل ما سمعتو وصية ابوي راح تتنفذ الفاتحه ماراح تكون جبيره خلص سبع ايام وهاهيه و جوري راح تتزوج حسنين بهاي الايام وماعلينه باليحجون

ام جاد،اني وياك يمه مادام ابوك هيج راد معناها ضاله بنفسه

رائد،هففف جوري من يمته عدها علاقه بحسنين

جوري، احم بابا معندي علاقه باحد صدكني بس اجوز جدو جان شايفنه مناسبين البعض فوصاكم بهالشي واني طبعا راح اسوي اللي يريده جدوو

ريم، همستلهه هجم بيت الجذب

جوري، اكلي تبن انتي

جاد، ريم لحكيني

ريم، تمام اترخص اني،،،صعدت وراه دخلت للغرفه لزمني من خصري وسحبني اله ها جاد شبيك حبيبي

جاد، مشتاقلج وتعبان

ريم،تقرب عليه واخذ شفايفي تعبان من فراگ ابوه ادري بي شبكته وتفاعلت وياه اخذني للجربايه وفجاه حسيت روحي لعبت مره ثانيه دفعته وركضت للحمام استفرغت وهو اجه وراي عجيب شبيه هليام دخيلك ياربي

جاد، حبيبتي شبيج ريومه خيرج

ريم، مااعرف جاد دايخه ولعبانه نفسي

جاد، خليني اخذج للدكتور

ريم، ماكو داعي تعال ننام، ،،،اخذني للجربايه ونمنه
😴😴

ريم،باليوم الثاني كعدت لكيت جودي حاضني ونايم حته ماكدرت اتحرك لزمت وجهه بين اديه التعب مبين عله وجهه فتح عيونه باوعلي بحده كالعاده عيونه اللي يباوعلهن يخاف بس كلبه طيب 😍

جاد، ليش تتحرشين بيه ترا اكل لهلي عليج

ريم، هههههههههه بكيفي انت الي اني وبسسس

جاد، اكيد الج، ،،،باجر يبدي الدوام

ريم، يي صدك ذكرتني محتاجه ملازم حياتي

جاد، تدللين

ريم، واااو راح اصير مرت الاستاذ

جاد، مو راح تصيرين صرتي

ريم، لزمني من خصري وباسني كمنه بدلنه ونزلنه،،صباح الخير

الكل، صباح النور

ريم، طبعا بدلنه اسود منا لدورة السنه يله نذبه عمتي ام جاد كالت ابو جاد الله يرحمه ميريدنه نحزن بس عيب من العالم فما ذبينه الاسود تريكنه وجاد صارت عنده شغله عافنه وطلع ورحت اني وجوري ننظف بالبيت

حنين، كعدت الصبح سعيد يمي، ،،سعيد،،،،سعيدد

سعيد،هممم 🤤😴😴

حنين، كوم اليوم جلسة العلاج مالتك الساعه بالتسعه تبدي كوم هم يالله هسه بثمانيه ونص حجيت هيج باوعلي وحضني بقوه وحط راسه بركبتي

سعيد، افييييش شكد مشتاقلج

حنين،لعب روحي مااعرف شبيه هليام دفعته بسرعه ركضت استفرغت مرا لخ

سعيد، لج حنييييين شبيييج

حنين، غسلت واجيته لكيته كايم عالعكازه يباوعلي بخوف،،،شبيك مابيه شي

سعيد،هليام ما عاجبتني كل شويه تستفرغين اليوم اخذج وياي للدكتور من اروح

حنين،حبيبي ماكو داعي اجوز مصخنه او مرضانه

سعيد، لا حنين اريد اتاكد من شكوكي

حنين،شكوكك؟شتقصد سعيد ماافتهمت

سعيد،بعدين تفهمين من نروح للدكتور يله خنبدل

حنين،هذا شبي، ،،رحت بدلت اني وياه وطلعنه من الصبح اخذ ويانه عمتي ورحنه اول شي راح للجلسه مال علاجه والدكتور كال بالايام الجايه راح يرجع يمشي طبيعي الف الحمدلله والشكر يارب بعدين طلعنه

سعيد، يلا للدكتوره النسائيه

ام سعيد، يا ليش يمه شنسوي

سعيد، يمه حنين مريضه

ام سعيد، يا صدك حنونه

حنين، خاله يمكن ماخذه برد بس ابنج طوخها

سعيد، انجبي ولج انجبي

حنين،ههههههه،،وصلنه للطبيبه دخلنه للعياده فحصتني كالت اسويلج سونار طبعا سعيد انتضر بره اني وعمتي دخلنه سوتلي سونار شويه وكالت

الدكتوره،الف مبروك حبيبتي راح تصيرين ام انتي حامل

حنين، هاااااااا

يتبع،،،،،