هديه منيييي ❤️💋
**************
ساره، طبعا جنت كاعده بالغرفه شويه واجتي ماما
ام ساره، ماما ساره اليوم راح يجون بيت ام حنين يخطبونج العصر يجون بدلي وجهزيلنه نفسج
ساره، انصدمت وفتحت عيني عل وسعهن
ام ساره،يله يله عوفي الصدمات هسه ادري بيج تحبين محسن وهو يحبج مبينين ونهاية المره بيت رجلهه ييمه يله كومي
ساره،عافتني وطلعت واني مصدومه والله وسواها استاذ محسن يربي اني معقوله صدك احبه اشو من اشوفه يضل كلبي يدك حييييل يبوو خل اكوم اسوي مثل مكالت امي، ،،كمت لبست فستان طويل بنفسجي فاتح كلش حلو شتريته لما اشترينه نيشان الريم كمت لبسته وخطيت كحله ولبست محبس ناعم حطيت حمره وردي ولفيت حجاب هم بنفسجي وشويه اجت حنين
حنين، ساره اجت امي واخوي نزلي
ساره، تمام نازله طلعت حنين واني اخذت نفس ونزلت واني مقرره انو اقبل بهاي الزواجه لان لكيته الانسان المناسب واني فكرت بعقلي هو مابيه عيب ولد طول بعرض وعنده شغل وحالته زينه والبنات تتسابق عليه اخاف ارفضه واندم واني افكر لكيت نفسي واصله للصاله لكيت نسوان ووياهن ام حنين تقربت وهنه كلهن كامن يصلن على محمد سلمت عليهن وكعدت كبالهن عرفت هذني عماته وخالاته المهم بدن يحجن ابنه هيج وابنه هيج اخر شي حجت الحجيه ام حنين
ام محسن، عيني ام سعيد احنه اليوم اجينه بطلب ايد بتكم المحروسه ساره لابنه محسن وانتي تعرفينه مو غربه عنكم وانطيناكم بتنه وهسه جايين ناخذ بتكم ونصير نسايب مره ثانيه
ام سعيد، والله خيه منلكه احسن من محسن لبتنه ساره بس مع ذلك انطونه مهله نفكر وناخذ راي اخوانهه وعمامهه
ام محسن، اي عيني اخذي راحتج بعد كلبي بس ها ترا محسن كال نسوي خطوبه اول ما تنطونه الخبر والعرس ما نطول بي يكول اريد اتزوجهه بعد شهر من الخطوبه
ساره بكلبي،ياء فشلنه مستعجل شماله اولغسل
حنين، اي يمه مستعجل 😹😹👌
خالتهم،ههههههه اي عمت عيني مبين يموت عل العروسه يحبهه كلش
الكل، ههههههههههه
ساره، خلصو سوالف وراحن واني صعدت للغرفه بالليل اجه سعيد وحسنين سلمو وكعدو عالعشه امي فتحتلهم موضوع زواجي من محسن
سعيد، اووو والله فاجئتوني واني اكول شبي محسن هليام اشوفه هواي طلع معجب بختي
الكل، هههههههههه
سعيد، اني معندي مانع اصلا محسن رجال ونعم الرجال
حسنين، اي اني هم ماعندي مانع وحته عمامنه يحبونه ويعرفونه فمحد راح يعارض خصوصا انو هوه منطي حنين السعيد فهالشي راح يسهل تقبل العشاير الهذا الزواج
ام سعيد، اي جا هاذهو باجر انردلهم خبر
ساره، خلصت عشه صعدت الغرفتي ادرس لان المدارس قربت واني افكر بمحسن اووف يا محسن
حنين، دخلت للغرفه كاعده عالتلفون شويه ودخل حبيبي تقرب مني كمت ساعدته كعدته عالجربايه تمدد وحضني شبگته وحطيت راسي بركبته اشم بيهه كلش مشتاقتله، ،،حبيبي
سعيد،هممم
حنين، اشو ريحة عطرك صايره احله شنو مغيره
سعيد، لا نفسه شنو المختلف
حنين، ماادري شو صايره حلوه اكثر، ،وضليت اشم بي صدك ريحته صايره حلوه اكثر من قبل شويه وكمت
سعيد، وين
حنين، جوعانه
سعيد عقد حاجبه،مو توج تعشيتي
حنين، مااعرف مشتهيه مممممم ككو وروبه وملح
سعيد، ولج شبيج حنين تخبلتي
حنين،لا والله صدك مشتهيه شي مالح اصبرلي هسه اجي،،ركضت للمطبخ جبت ليمونه غطيتهه بالروبه وحطيت فوكاها ملح مدري شجاني بس اشتهيتهه ورحت رجعت للغرفه كعدت يم سعيد عالجربايه وهو يباوعلي
سعيد، حنين عيع هاي شلون تاكلينهه ولج تخبلتي
حنين وهيه تاكل،،ممممم لا والله طيبه هاك هاك ضوك حطيتهه يم حلكه لزم ايدي واخذ شويه منهه انوب كح
سعيد،كح كح كح ولج عييييع شنو هذا شلون حبيتي الطعم عود اني كل يوم اكول مرتي عدها ذوق شمالج تسودنتي
حنين، ياااا والله طيبه اكلتهه كلهه وهو يباوعلي باستغراب خلصت رحت غسلت واجيت نمت بين ادي واشم بركبته وكل شويه ابوسه احس مشتاقتله كلش
ريم، كعدت الصبح عله جاد وهو يشم ويبوس بيه، ،،مممم جاد عوفني انام نعسانه البارحه مانمت من وراك
جاد ،ولج كومي عدنه خطار
ريم، رفعت راسي،،ياهو
جاد، ام ريحانه وريحانه واختهه مريم
ريم، كمزت شنووووو شجابهن
جاد، شبيج شنو شجابهن غير عمتي
ريم،اكرهاااااا
جاد، عيب
ريم، جاد هاي تزحف عليك شلووون نزلت كبالهن بدونيي شكتلهن
جاد، ههههههههه والله سوالف عدجن يالنسوان ولج نزلت سلمت عليهم سالتني عمتي عليج كتلهه العروسه بعدهي نايمه هاهيه وذيج هيه
ريم، هففففف كوم خل ابدل كمت بسرعه بدلت لبست فستان ماروني مخطط اسود وشال وحذا وحطيت مكياج لان بعدني عروس حطيت طوخ وهو يضحك عليه ترست روحي من عطر جاد وهو يكلي راح نخلصينه ولج ،،،اسكت غير حته تكول هاي جانت بحضنه
جاد،،ههههههههههههههههاااااي خرب يومج عل التفكير والذكا
ريم، لزمته من ايده وجريته،،يله ننزل،،نزلنه اني وياه اول ما نزلنه هلهلت ام ريحانه
ام ريحانه،كككككلللللللللللوووووووووش اللهم صل على محمد وال محمد شلونج يمه بعد كلبي تتهنون انشالله
ريم بكلبي،وين نتهنه من ورا بتج العفريته، ،،تسلمين خاله كعدنه اني وحبيبي سوا كدامهم وهو لازمني من كتفي وشحجيلكم عل ريحانه وجهه صار احمررررر من العصبيه هههههههههه حييييلللل
يتبع،،،،،
