يگول الشاعر الكيكي 😹
صرت كيكه بغيابك مايعه هواي🍘
شكد قاسي غيابك اوووي عابتلك 😂😂
شبيكم اريد الطف جووو يلا نبدي
ريم، صارت الساعه 8 ونص بعد نص ساعه يجي لبست فستان بنفسجي طويل من ورا ومن كدام قصير رجليه طالعات تسعين وكعب ابيض وحجاب بنفسجي وجنطه صفح بيضه حطيت مكياج خفيف وتلفوني بيدي وشويه واجه حطتلي حنين عطر عبالك معرسه ههههه ونزلت سلمت ع ماما وحنين وسعيد وحسنين بس سارا ماهيه عفتهم وطلعت لكيته منتجي عالسياره باوعلي ضل صافن يباوعلي من جوا ليفوك ومن فوك ليجوا باوعتله عكد حاجبه ماعاجبه وصعد اني رحت صعدت يمه بالسدر مشه وهو ساكت باوعتله كال
جاد، شنو هذا اللبس هسه وين اضمج من عيون الناس
ريم، ابتسمت وسكتت بعدين كتله مو حلوا؟
جاد، شوف اني شكلهه وشوف هي شتكول ولج لو مو حلوا ما جان كتلج وين اضمج من عيون العالم ريم والله اني مااتحمل اخلي واحد غيري يشوفج
ريم، اي بس العالم خو ما تغمض عيونهه بسببي
جاد، هههههه يله وصلنه
ريم، نزلنه من السياره لزم ايدي حسيت بدفوو يجنن صعدنه عالرصيف وتمشينه للشط ضلينه نمشي ونسولف اشترالي ببسي وحب وضلينه ناكل ونمشي الى ان سمعت ولد كاعد عالشط ضل يصوفر ويكول
...ففففف(يصفر) صاررروووخ لونه بنفسجي
ريم، هو حجه هيج وما احسلك الا جاد نايم فوكاه يضرب بي بوكسيات والعالم التمت تريد توخره عنه ماكو خنك الولد خنك ويضرب بي ضل الولد ينزف من خشمه وهو ولا يمه ضليت اصيح،،جاااد لك جاااد الله يخليك كوم جااد، ،بالكوه كام وتفل بوجهه وهو نايم بالكاع الولد خله وركض شرد ويعرج برجله والناس راحت باوعلي عيونه حمررر تطلع منه شراره حته اني خفت منه جان يكول بعصبيه
جاد، هاااااا شفتيييي عرفتييي ليش مااريدج تلبسين هيجي مرا ثانيه تلبسين عباه لا احرك اهلج فاااهمه
ريم، شنو البس عبايه تذكر انو تني شرطت عليك قبل الزواج ماالبس عبايه لو نسيت كلت هيج ومااحس الا لزمني من زندي حييل ويمشي احاول افل نفسي منه ماكو صعدني السياره وشخطهه يمشي حيييل متت خوف احس كلبي صار ببطني من الخوف لزمت ايده اللس عالستيرن هو باوعلي كتله بخوف، ،ع ع علكيف فدوا خايفه الله يخليك جاد ماشي البس عبايه بس خفف السرعه من كتله هيج نتر ايدي بس قلل السرعه شويه وكف السياره بشارع عام فرك وجهه بيده وباوعلي اخذ بطل مي ونزل غسل اباوعله انوب متت من شفت طلع من خشمه دم عزاااا هاي شسويييت ارتفع ضغطه نزلت بسرعه ردت اقربله من شافني نزلت زعك بيه
جاد، ولججج صعدييي لا اطيح صبغججج
ريم، مااهتميتله ركضت اله وهو يباوعلي بستغراب اخذت البطل من ايده حطيت مي بيدي ومسحت الدم هو انتبه وخر عني واخذ البطل وضل يغسل باوعلي كال مابيه شي لتخافين صعدي رحت اني صعدت شويه واجه صعد بهدوء مشه وهو ساكت وكف كبال محل اكسسوارات نزل وكال انتظريني شويه واجه جايب علبه حطاها بحضني كتله شنو هاي ضل شاكت فتحتهه لكيت كلاده تجنن لونهه فضي سلسله ناعمه وبيهه فراشات ناعمات يخبلن باوعتله كتله هاي الي باوعلي باستهزاء كال
جاد، لا لامي الحجيه
ريم، ضحكت وحطيتهه بالعلبه وصلني ردت يهده لان بعده عصبي مااعرف شلون تجرات قربت منه وبسته بخده هو ضل يبلعم وتفاجئ باوعلي مصدوم عفته بسرعه وركضت نزلت للبيت دكيته فتحتلي حنين سلمت عليه كالتله ادخل بس ما قبل خله وراح واني صعدت الغرفتي وحنين خبصتني احجي شصار واحجي شصار حجيتلهه يله ارتاحت وراويتهه الكااده تخبلت كالت تخبل لبستنياها وكالت لتنزعيهه راحت واني بدلت وكعدت اقرا الامتحانات قربت بعدلهه اسبوع واحد ونمتحن اوف خايفه بعدين سبحت بمي دافي حته اهداأ وضليت بالبرنص كعدت عالانستا شويه وراسلني ثريت الرساله كاتب، ،ببوسه بالخد خليتي كلبي يربد لعد بالشفه شتخلين كلبي قريتهه فتت بهدومي من الخجل ثوله شلون بسته بس همزين عرفت نقطة ضعفه انو اتجرا وابوسه ههههههههه جا بعد كلمرا اسوي هيج عفت الفون وبدلت ونمت واني افكر بي معقوله خطبني وصدك حيجي يوم نتزوج اووف يربي خايفه ومتوتره من هسه والله حبيته ووكعت ومحد سمه عليه حته جوري الجلبه هليام متراسلني غفيت واني افكر بي
حياتووو شلونكم زينين 💋 عضم الله اجوركم
وهذا بارت هديه كلولي شنو رايكم بي قصير لو طويل والله 650 كلمه كلش تعبني بس انشالله ورا هالقصه دااحضرلكم قصه تجنن خياليه بس كلش حلوه متكده حتعجبكم احبكم ❤️
