قزومة الاستاذ جاد(كامله)

بارت 40

هيلاو

ريم، كاعدين نحجي واني اضحك وريحانه ميته قهر بس تخوزر

جاد، حبيبي ريومه روحي سويلنه جاي ولو اتعبج

ريم، لا حبيبي تعبك راحه كمت رحت للمطبخ اجت وراي جوري

جوري، ولج شبيج تضحكين

ريم، اضغط بريحانه شفتي شلون جاد يكلي حبيبي كدامها 😂😂

جوري، يييي ههههههههه

ريم، سويتلهم جاي بودي احطلهه بي سم فار بس حرام رحتلهم وزعتلهم وكعدت يم جودي نشرب جاي وسوالف وضحك طبعا ابو جاد خطيه كلش تعبان بالفراش بغرفته ميكدر يكوم اجه هم ابو جوري

رائد، السلام عليكم

الكل، وعليكم السلا ورحمة الله وبركاته

ام ريحانه، بعد كلبي انشالله البنات والبنين يطلعون حلوين مثلكم

جاد،امين

ام جاد، امين يارب

ريم، اني عود خجلانه ههههههههه شويه وكمت اودي الاستكاين جان تجي وراي الحربايه باوعتلهه لزمتني من زندي حييييل وكالت

ريحانه،لا عبالج اخذتي مني منتظرتج ايام سووووده

ريم، نترتهه وجتفت اديه وكتلهه ببرود،،،تؤتؤتؤتؤ يا حرااااام حب من طرف واحد تؤتؤتؤ

ريحانه بغضب، لييييج احترمي نفسج ملطخه وجهج بالمكياج عبالج تمشي عل جودي اصلا يشبع منج ويذبج

ريم، متحملت من كالت جودي، ،،،اكلي تبن وولي من وجهي وكولي مره ثانيه جودي الا اكص السانج واشمره للجلاب وجه الطاوه انتي ماشايفه خلقتج ملامحج جنهه علج مر منين ما اكضج منفوخه دولي يله رحت توني اريد اطلع من المطبخ ما احس الا وقوري الجاي شمرته عليه وكع عله صدري وهيه شردت عطت بصوت هز البيت هز،،،،اااااااااااااااااااااااااااااااااااااااااااا

جوري، جنه كاعدين وفجاه مانسمع الا صرخة ريم بصوت عاااالي كلهه ركضت للمطبخ وعمو جاد اول واحد ركضنه لكيناها طايحه بالكاع وواكع عليهه الجاي الحار ركض عليهه عمو ووامي ضلت تصيح هيه وبيبي وام ريحانه عزا وعزا وريحانه شويه واجت شهكت وكالت يااااا شبيهه بس عمو جاد اتسودن ضلي يصيح عليه

جاد بصياح،جوووووريييي ركضي جيبيلهه عباااايه بسرعهه

جوري، ركضت جبتلهه عبايه لفلفاها بيهه وشالهه للسياره ردنه نجي بس عاط بينه كلنه كعدنه وبيبي ضلت تدردم عليه لان ماخلانه نروح وياه ركض بس هوا وبابا واني كعدت ادعيلهه باوعت الريحانه لكيتهه تبتسم يححح شلون مااجت ببالي رحت عليهه كتلهه تعاي ورحت اجت وراي للمطبخ لزمتهه من ايدهه بقوه وحجيت بعلامة تهديد،،،ولج انتي شلووون تسوين هيج شنو هالصلافه عبالج عمو راح يحبج بهالتصرف دشوفي اذا ماافضحج مااطلع اسمي جوري نترتني وكالت

ريحانه، انتي بس فكري تلعبين بذيلج وشوفي شسوي الا افضحج انتي وحبيب الكلب حسنيييين اخو جوري عبالج ماادري بيكم

جوري، انصدمت لمن حجت هيج هاي شدراها بس اني وياه مابيناتنه شي اصلا بعد عليش اخاف باوعتلهه وابتسمت وكلتلهه،،احجي اللي تردينه محد يصدكج ادبسز وجه القوري عفتهه ورحت كعدت يم النسوان كلهه تحجي عله جاد وريم وبابا

ريم، احس بروحي طارت للسمه فتحت عيوني لكيت نفسي عالسديه بالمستشفه تذكرت اللي صار وشلون شمرت عليه القوري اني اعلمهه والله اذا بقه اثر بصدري الا اخلي اثر بكل جسمهه من الكتل اجاني جاد خايف وعيونه تتفحصني وهمه لافين صدري بشاش

جاد، حبيبتي كعدتي الحمدلله عالسلامه غير تنتبهين خوفتينه عليج

ريم، لتخاف حبيبي مابيه شي بس وجع قليل

جاد، شلون صار هيج

ريم، كلت اكله بس بعدين ترددت لان اذا اكله راح تصير مشكله بينهم وبين عمامهم واحتمال توصل للعشاير سكت وكتله،،وكع عليه بالغلط

جاد، هفففف ولج خليتيني افرفح عليج همزين ما تاذيتي الدكتوره كالت مراح يبقه اثر الاصابه جانبيه عله جلدج جان متت وراج لو صاير بصدرج الحلو اثر 😉

ريم، عزاا جاد شقضيه عيب

جاد، ههههههه ماكو عيب بين الحرمه وزوجهه

ريم، حبيبي

جاد، عيونه الحبيبج

ريم، يمته اطلع

جاد، بعد شوي

ريم، طيب ممكن طلب

جاد، طلبي روحي انطيجياها

ريم، سالمه روحك،،،اريد اروح الاهلي فتره وارجع مشتاقتلهم

جاد، اي عادي بس طيبي

ريم، لا هو هسه اول منطلع اخذني الهم ابقه عدهم منا لمن اطيب

جاد، ياااا

ريم، يييي

جاد، حبيبتي اشتاقلج مااكدر بدونج

ريم، فدوه حبيبي الخاطري

جاد، ماشي اللي تردينه يصير

ريم، باسني براسي وسوالي خروج وطلعنه رائد راح للبيت واني وصلني جاد عله بيتي طبعا اهلي عدهم علم هوا كاللهم بسته ونزلت فتحتلي الباب حنين حضنتني ودخلتني وجاد راح

يتبع،،،،،،