ريم، مر هذا الاسبوع كل يوم نطلع للسوك اني وامي وساره تذب حجي عبالك راح اتزوج حبيبهه المهم خلص الاسبوع واليوم العقد متوتره كلش رحت للصالون اخذنه حسنين بسيارته وراحت وياي ماما وخالتي نهاد وبنتهه اسمهه نرجس اني وياها صديقات سويت مكياج خفيف مو كلش طوخ، ،حطيت ايلاينر بارز اسود وكحله من جوه بيضه ومورد وفونديشن وسوتلي ام الصالون قبلهن تنظيف بشره وحمره لونهه لحمي ولبست بدله من فوك ضيكه ومن جوا نفشه لونها كريمي وبيهه ذهبي طلعت كلش حلوه لبسوني تاج اميره فوك التسريحه والاكسسوارات همات طلعت كلش حلوه اباوع الروحي ممصدكه والله المهم، ،، لبسوني الكبوسه وخابرنه حسنين اجانه طول الطريق يصفكن ويهلهلن حسنين شويه هادئ مو من النوع اللي يحجي هواي خلصاها بس ابتسامات خجول ههههههه وصلنه للبيت لكيناه مكلوب كلاب ناس ملتمه وصديقاتي كلهه جايه وخالاتي وعماتي همات كعدوني وامي تصلي على محمد كلساع تكول لا يحسدونج شويه وسمعنه كالو اجت المشيه مال الزلم سيارات كلهه فخمه نباوع من الجامه نزل هو بهيبته طالع اشششرد يخبببش لابس قاط زيتوني وبنطرون زيتوني وقميص ابيض وربطه زيتوني و دخلو للديوانيه من الباب البرا هو والشيخ واصدقائه خطيه يكولون ابوه ماجاي تعبان رجال جبير ماكدر يجي اجه بداله عمهم جمال بناته زمايل خصوصا ريحانه كلبه تزحف عل جاد وتباوعلي بطرف عينهه بالعقد المهم كعدوني اني ورا الباب وبده الشيخ يردد واني اردد وراه بعدين وافقت وكلت، ،نعم وانت وكيلي وهو كذلك بعدين رجغوني المكاني والهلاهل والدبك اشتغل شويه وكالو سوو مجال العريس يدخل واني لزمت ايد حنين بكل قوتي وهيه تهدي بيه شويه ودخل ايجنن صدك صاك وحبيته اي اني حبيته من اول ما دخلني لمحاضره ماهر اللي بيومها طردني منهه وضليت ابجي ورجعت اتذكر هذاك الموقف وعرفت انو اني حبيته من هذيج اللحظه
جاد، دخلت النسوان كلهه تبارك وتهلهل ابوي ماكدر يجي فاجه بداله عمي اخو ابوي اسمه جمال لان ابوي تعبان دخلت وجنت متشوق اشوفها رفعت راسهه وكامت واني ضليت صافن بجمالهه عمري وحياتي كلهه ماشفت بنيه مثل ريم ولا راح اشوف كلش احبهه اي اعشقهه تذكرت لما اتصلت بيه وكالت الحكني من ماهر طلب ايدها طردت الافكار عل صوت امي
ام جاد، بيهه الخير ويستاهلهه بيهه الخير ويستاهلهه كلللللووووووش
ام ريم، هيه طماطه ولا تكول محمره كلللييييش
ريم، تقرب مني باس راسي كلش خجلت اني اللي مااعرف الخجل خجلت وعرفت معناه بهاللحظه ههههه كعد يمي بس عينه عليه امي كالتله لا تاكل بنتي بعيونك وضلو يضحكون رفعت راسي اجت عيني عل ساره وهي تحجي وي ريحانه بنت عم جاد ماركزت وياهن لان جانت هوسه واغاني ردح مشغليت دبكات المهم طلعو الحلقات لبسني الحلقه وايدي ترجف اني هم لبسته والله خفت توكع واتفشل كد ما متوتره بعدين كصصنه كيك وعصير وكلني ووكلته وشربني وشربته شويه وقرب مني همس
جاد، عيونج احله شي بيج
ريم، ابتسمت بخجل ودنكت شويه وصاحو طلع وبدت الناس تروح بس المشكله ريحانه راح تبات هيه وامها لان امي لحت عليهم استغفر الله ناس غربه ما يستحون يبقون هنا اني صعدتني حنين ليفوك تساعدني بنزع البدله نزعتهه ورحت سبحت ونمت گبل كعدت باليوم الثاني الساعه 2 الضهر عل صوت امي وهي تكعدني
ام ريم، كوووومي خطيبج منتظرج ولج عيب يكول اتصل بيهه ماترد واريد احجي وياها كومي فشل من الولد
ريم، شنووووو كمزت طحت من الجربايه للكاع ركضت للحمام
يتبع....
حبايب فدوا دوسو عالنجمه حته انشر اكثر
