قزومة الاستاذ جاد(كامله)

بارت 21

قسمتج الي والغيري متصيرين 💋
...........................................

ريم، طلع الكتور فجأه واني كمت بالكوه ساندني جاد وانكسر كلبي عل حنين كاعده بكاع المستشفه وتمسح بدموعها ويمهه حسنين

دكتور،لتخافون المريض اتخطه مرحلة الخطر لكن رجليه متاذيات وي الايام ووي العلاج انشالله يطيب بالعلاج الفيزيائي راح نسوي العلينه

حنين، دكتووور اهه اهه المهم يعيش الله يخليك دكتور مااكدر اعيش بدونه مصارلنه هواي متزوجين

دكتور، اختي لتخافين انشالله يكوملكم بالسلامه

ريم، راح الدكتور وحنين تعبت كلش واني هم نهد حيلي لو ما جاد لازمني جان وكعت والله باوعت الجاد بقلة حيله

جاد، لتخافين اني يمج ومراح اعوفج ما سمعتي الدكتور كال ما بيه شي تخطه مرحلة الخطر وهذا اهم شي

ريم، اهه اهه جاد احس رجليه متشيلني

جاد، ريم خليني اخذجن للبيت ميصيرن نسوان وتبقن هنا الرايح والجاي يباوع الجن وسعيد اني وحسنين نبقه يمه ونطمنجن ماشي حبيبي

ريم، لا لا جاااد مااروح اذا ما اشوفه

جاد، مااعتقد راح يخلوجن تفوتن

ريم، اووف اووف،،دنحجي واجه الدكتور، ،دكتور نكدر نفوتله نشوفه

دكتور، شخص واحد لا اكثر

ريم، باوعت الحنين خطيه تباوعلي وبعينهه الدمعه كتلهه فوتي انتي وهي خطيه ماصدكت كامت بسرعه وفاتت واني كعدني جاد عالكرسي و راح جابلي مي انطاني وكعد يمي يهدي بيه وحسنين كاعد يمنه خطيه حاط ايده عل راسه ويبجي ويدعي

............

حنين، فتت للغرفة ولكيته اول ما شفته احس طابوكه اجت عل راسي رجليه ترجفله تذكرت كل ايامي اني وياه تذكرت يوم عرسنه وكل الاحداث اللي مرينه بيهه اني وياه ورغم كلشي من تزوجنا لحد هسه مةعمري ما شاكه بيه شلوون شكيت بي وهوه هسه بسببي بهاي الحاله تقربت عليه ودموعي عشره عشره جسمه كله ملفوف بشاش وصابين ايده مكسورا ورجلي جو الجرجف وهم شادينهن ووجهه اخ يا وجهه الگمر صاير بي زراگ واحمر و شادين راسه بشاش تقربت كعدت يمه عالجربايه لزمت ايده بستهه ووكعت دمعتي عليهه دنكت بسته براسه وبخده وضليت احجي وياه،وابجي ،حبيبي، ، كلبي،،تدري شكد خوفتني عليك،،عمري وحياتي مخايفه مثل هالخوف، ،اهه اهه خفت اخسرك واخسر كل حياتي بعدك انت ابو بيتي وحبيبي و وعد اذا كعدت عمري مراح ازعلك وراح انطيك كلشي تريده بس كوم وارجع نور بيتنه بجيتك يا بعد روحي، ،امك واختك واخوك نهد حيلهم وانكسر ضهرنه يخايب عليك حته ساره الجانت السبب تبجي ومقهوره عليك حبيبي كوم اني بدونك ولا شي مستعده ابيع كلشي بالدنيه السلامتك بس كوم اهه اهه ابجي واحجي بقهر بس ميسمعني تقربت بسته بشفته بخفه وحطيت جبيني عل جبينه وضليت ابجي وكل دمعه من عيني توكع عل عينه كمت لمن سمعت فتحة الباب

الممرضه، اختي لازم تطلعين الدكاتره يردون يجيكون ع المريض

حنين، هزيت راسي وهيه طلعت رجعت بسته وطلعت واني ادعيله لكيتهم منتظريني كالو انتن ترجعن واحنه نضل بالكوه قنعوني ورجعنه جاد للبيت

ريم، وصلنه للبيت حنين نزلت قبلي واني ردت انزل بس جاد لزم ايدي باوعتله ودمعتي متفارق وجهي

جاد،باس ايدها،،حبيبتي دمعتج غاليه

ريم، متغله عل اخوي

جاد تنهد،ماشي بس لتضوجين روحج الحمدلله والشكر طلع سلامات من الحادثه لتخافين وعيونج الحلوه مااريدهه تذبل بالبجي

ريم، هزيت راسي ردت انزل بس تذكرت موضوع العرس كتله،،جاد

جاد، عيونه

ريم، العرس، ،،بعدني ما مكمله قاطعني

جاد، يتاجل يتاجل ماكو داعي تخافين

ريم، ابتسمت ونزلت صعدت الغرفتي وضليت ابجي واصلي واقرا قران شويه ونزلت لكيت حنين بغرفتهه تشم بملابسه اللي بالكنتور من شافتني ضلت تبجي بالزايد تقربت منهه وحضنتهه هالانسانه وكفت وياي هواي حته اختي ما وكفت وياي مثلهه ضليت اواسيهه واني احتاج واحد يواسيني شويه ودك الباب مال الغرفه كلنه ادخل وانصدمنه بساره،،،ساره انتي شدسوين هنا امشي ولي الغرفتج مااريد اشوفج

حنين، لجججج طلعييييي من غرفتييييي هجمتي بيتج وبيتنه ولج لو ماانتي جان هسه حبيبي بحضني عله هاااي الجربااايه انتي شنوووو من بشر وبعد الج عين تراوين وجهههججج

ساره تبجي،،اعرف اهه اهه اعرف السويته مستحيل يغتفر بس بس اريد اكعد وياجن والله اذا ماكعدت وحجيت وياجن وبجيت وياجن مستحيل ارتاح اموووت والله امووووت اهه اهه محد الي غيركم والللله ااااسفه اهه اهه والنبي ذبحوووني ذبحوووني عبالكم سهله اشوف اخوي يموت بسببي لااااا مو سهله اهه اهه اتعذب بكل دمعة تطيح من عيونكم بسببي اتعذذذذببب

ريم، تحجي وتبجي وكعت بالكاع تلطم صح غلطت بس بعد ما شفتهه بهالهستيريه والقهر انقهرت عليهه حنين راحت نامت بجربايتهه وتغطت وبقت تبجي واني تقربت من ساره وكتلهه

ساره صعدي الغرفتج بعدين نحجي خلينه نخلص من المصيبه الاحنه هسه بيهه والباقي الله كريم وفعلا هيه عافتني وصعدت ركض واني رحت لغرفة ماما لكيتهه تصلي وتدعي تقربت بوست راسهه ونمت بحضنهه ونبجي سوا

الكاتبه Sosy274 ممنوع اخذ القصه بدون ذكر اسمي

احبكم يا احله متابعين ❤️