السلام عليكم
شلون الكحله ما ذابت عل جفونج ❤️
لج واني زلمه وذبت من نظرة عيونج 😀👄
ريم، ركضت للحمام اركض عزاااا انوب الساعه 2 الضهر غسلت وطلعت بسرعه كفشتي شكبرها كلت خل البس حجاب ماكو وقت امشط الكفشه ركضت عالموبايل لكيت 12 مكالمه لم يرد عليها من جاد يبووو جاك الموت يا تارك الصلاة اجتي حنين واني افتر بالغرفه
حنين،يااا ولج لهسه مامبدله
ريم، شبدل
حنين، جبتلج فستان من خانتي ادري بيج ماعندج فساتين بيها خير بس مال النيشان تعالي لبسي هذا اني حاطلع كملي وصيحيلي اسويلج الميك اب
ريم، تمام طلعت واني لبست الفستان اني وحنين نفس الحجم الفستان طويل لونه زيتوني وبيه احزام اسود ولبست حذاء اسود كعب وشال اسود مرقط زيتوني دخلت حنين خطتلي مكياج خفيف حمره برتقالي فاتح بلون الشفه و مورد همات بلونها وايلاينر ومسكارا طلعت كلش حلوه حته اني زحفت عل روحي 😹
حنين، الله يساعد كلبك يا ختيبهااا
ريم، اوي اوي خجليت دولي عن وجهي لا افكس عيونج
حنين، تعاي بعد اللمسه الاخيره
ريم، يا لمسه ولج،،كامت جابتلي عطر يجنن من غرفتها وحطتلي هوااي سبحتنبي بيه دفعتهه ونزلت قبل لا اوصل لزمتني ساره
ساره، ريم هه هاي شنو كلهه الاستاذ جاد شنو هاللواكه
ريم، ساره مو وكتج ولي عني نترتهه رجعت لزمتني وكالت بتهديد
ساره، رييم احترمي نفسج اني اختج الجبيره مو هبالج انخطبتي تتكبرين عليه
ريم بملل، اي وهسه شرايده دريت بيج اختي الحقيره يله شتردين هي هاي؟
ساره، اها هيج صارت خوش روحيله بس الا اشوفج العذاب اللي عيشتينيا
ريم، عافتني وصعدت الغرفتهه، ،عجيب يا عذاب اريد افتهم دا افكر وجفلت من صوته
جاد، شدسوين عالدرج سارلي ساعه منتظرج تعاي نزلي
ريم، نزلت علكيف وصلتله كال وهو صافن عليه
جاد، مليان جمال مليااان، ،لج ريم شنو ليش هيج متوتره اكو شي
ريم، ها، ،لا ماكو شي
جاد، تمام لعد تعاي وراي اني بالديوانيه
ريم، تمام جايه عافني وراح اني رحت للمطبخ
ام ريم، ولج تاخرتي هاج الصينيه مال الجاي وروحيله
ريم، يمه اذا اخذهه اتفشل واذبهه بحضنه ايدي ترجف
ام ريم، شمالج اسم الله
حنين، اني اخذهه وانتي ادخلي وراي هم اسلم عل رجلج وهم اساعدج
