هلو حبايبي اسفه البارحه مانشرت عذروني حب
+++++++++++++++++++++++++++++++++++
يگلهه
وعيونج طالعات من خلية نحل
ادري عسلهن ميخلص حلاة ✨
#قزومة الاستاذ جاد
للكاتبه د.سناريا الحسيني Sosy274
ممنوع اخذ القصه دون ذكر اسم الكاتبه
ريم، حضرنه الغده وطبخناه وانتظرنه صارت الساعه ب12 دك الباب ركضت ساره فتحته ودخلوه حبيبي اخويه بالعربانه يدفعون بي وجهه شاحب ومتغير وضعفان خطيه دخل رفع راسه باوعلنه ركضت علي امي
ضلت تبجي وتبوس بي وساره تحمدتله عالسلامه كلهه الله يسلمج ودار وجهه عنهه تقربت اني بسته وشبكته،،الحمدلله ع السلامه سعودي حبيبي نورت البيت برجعتك
سعيد، بعد روح اخوج
حنين، دخلو واني كلبي صار يدك الف مشتاقتله كد الهوا دخلو بعربانته وبس تختل العربانه يتاذه حته عيوني دمعت ضعفات ومتغير ولحيته طولانه كلهم تحمدوله بالسلامه وورا حسنين وجاد، ،باوعتله وهو باوعلي بنظره ماعرفت شلون افسرها بيهه زعل وبيهه حنيه ومبين مشتاقلي واني هم مشتاقتله كلش تقربت منه كعدت كدامه عل ركبي متحملت وكعت دمعتي شبكته وضليت اشهك بالبجي حته همه كلهم ضلو يتهامسون بس ما اتحمل كلش مشتاقتله محاوطه ركبته بس هوه ما حضني همستله بذنه،،الف الحمدلله عل سلامتك هسه ردتلي روحي حبيبي بس ما سوا اي ردة فعل غير كال الله يسلمج عفته وكمت امسح بدموعي لزمتني ريم تهدي بيه دخلو للديوانيه وساعدوه شالوه حطو عالجربايه لان ميكدر يكوم واني عيني مانزلت عنه بس هو ميباوعلي اكيد زعلان لان شكيت بي كعدو كلهم يمه بس حسنين تعبان خطيه صارله هواي بالمستشفه لا مبدل ولا سابح كام صعد الغرفته كالهم راح انام مصخن من ورا المستشفه صعد نام واني سحبتني ريم حته نجيب الغده رحت وياهم للمطبخ اخذنه السفره وضلينه نوزع الصحون عل السفره وجاد يساعدنه بعدين الكل كعد ياكل اني اخذت صحن ورحت كعدت يم سعيد عالجربايه حته اوكله وهو حته ميباوعلي صافن بالحايط
ريم، حنين انتي ماماكله تعالي اكلي اني اوكله
حنين، لا ريم مااشتهي، ،كعدت انطي بالخاشوكه وهو ياكل بدون كلام خلصنه كمنه اني والبنات شلنه المواعين وغسلناهن ورحنه كعدنه يمهم كلنه انجمعنه بالديوانيه شويه وجاد كام كال يريد يروح للبيت يغير ملابسه ويجي طلع وريم راحت تكنس الطارمه وامهم راحت تصلي ركعتين شكر وساره همات كامت الغرفتها وبقيت اني وياه كمت تقربت منه كعدت يمه عالجربايه لزمت ايده نترها مني تقربت مرا ثانيه لزمتهه حيل ماكدر ينترها باوعلي عيونه حمر وكال ببرود عكس اللي بداخله
سعيد، تركي ايدي
حنين، هزيت راسي لا،،تقربت منه ردت ابوسه بشفته دار وجهه عني اني هنا حسيت صاعقه اول مرا بحياتي اشوفه ينفر مني وميريدني من دار وجهه ما سمحلي ابوسه عفت ايده بسرعه ووكعت دموعي هو باوعلي ضل صافن بوجهي كتله،،سعيد ،،اني مراح اكلك اسفه لان السبب مو بيه السبب باختك هيه اللي تامرت علينا حته يصير تنافر بيناتنه وشوف صار اللي جانت تريده، ،زعك بيه
سعيد، لجج هاااي اختي احترمي نفسج واحجي عدل
حنين، اني هنا بعد ما تحملت كلت راح اضل اشهك كدامه حكيت ايدي عل حلكي وركضت الغرفتنه دخلت سديت الباب وانفجرت بالبجي منا لمن تعبت ودموعي جفت كمت رحت دخلت للديوانيه لكيته بعده وحده متمدد تقربت انطيته كلاص مي باوعلي بحنيه كال
سعيد، قفلي باب الديوانيه
حنين، عقدت حاجبي ،،ليش
سعيد، قفلي
حنين، سكتت رحت قفلته ورجعتله انطيته كلاص المي اخذاه وحطا يمه عالميز درت وجهي اروح مااحس الا لزم ايدي وسحبني عليه شهكت ووكعت يمه عالسرير لزمني من راسي وسحبني عل وجهه وسحب شفايفي بين شفايفه بكل لهفه واني تفاعلت ويا لان مشتاقتله كد رحمة الله خلص وخرت عنه باوعتله باستغراب باوعلي كال
سعيد، احبج ومااتحمل قربج مني
حنين، خليت ايدي عل صدرا وكتله،،راح تطيب وراح نرجع مثل قبل
سعيد، هففف اني اسف،،صرت انسان عاجز،،حنين اني الصراحه جاي افكر اطلكج حته مااضلمج وياي
حنين، سديت حلكه ودمعت عيني كتله،اششش شنو هالكلام والله ماابريك الذمه اليوم الدين اذا طلكتني يا سعيد احرك روحي والله،،سعيد مااتحمل انو اعيش بدونك افهم افهم، ،تقربت بسته بشفايفه علكيف وعفته وكمت رحت ساعدت ريم بالشغل
ريم، طبعا واحنه نتغده جاد كل شويه يغمزلي شكد ميستحي يربي حته ضليت مااكل بسببه كمت رحت اغسل لحكني انتظرني يم الحمام،،شبيك اني دااغسل
جاد، مابيه حيل انتظرج
ريم، دخل وياي دناني بكتفه وصار كتفه طاخ بكتفي ويغسل وياي كمل طش مي عل وجهي وطگني ببوسه سريعه وشرد هههههه خبلني هذا غسلت ورحت معدت يمهم راح جاد للبيت يبدل ملابسه ويرجع يبات عدنه علمود سعيد هو وسعيد علاقتهم كلش قويه ورا ما رجع اني صعدت الغرفتي اخجل منه اخاف نبقه بمكان واحد وينحرف هههههههه نمنه نومة الضهر كعدت العصر نزلت لكيت جايتنه ام حنين واخوها محسن كعدت يمهم سلمت وكعدت
يتبع.....
insta: dr.sosy88a
