مرحباااا يا حلوين يله نبدي بالبارت 7
ريم، كعدت الصبح عل صوت جوري
جوري، ولج ريووومه عروستنه الحلوه مرت عمو كومي
ريم، عزه جوري ولج شلون صرتي
جوري، زينه زينه لا تغيرين الموضوع وغمزتلهه
ريم، تذكرت اللي صار امس كتلهه، ،هههفففف اكلج انتي ما تبطلين سوالفج، ،شعدج جايه من الصبح
جوري، ولج يا صبح الساعه 3 الضهر
ريم، شهكت،،عزاااا شلووون
جوري، ههههه اجيناكم خطابه 😹
ريم، عااااا جوري لا تخبليني منو جوه منو جاي وياج احجيي
جوري، شبيج امي وبيبيتي وبابا وعمو جاد
ريم، صخام انلاصت، ،وين كاعدين
جوري، النسوان بالصاله والزلم بالديوانيه
ريم، يبوو
جوري، كرصت خدودهه،،فدوا للعروسه
ريم، جوري ولي من وجهي، ،هسه شسوي
جوري، شتسوين يعني كومي لبسي فستان مرتب من فساتينج الحلوات وحطي شوي ميكاب ومشطي هالشعرات العسليات و رشي عطرج السندريلا بس مو تنسين حذائج يم الامير اووك
😹😹😹😹😹
ريم بعصبيه، جووورييي
جوري، ديله يله كومي سكتت كومتهه بشلعان الروح
ريم، متوتره كلش بس جوري لبستني كوه، ،لبست فستان تسعين ماروني وحذاء كعب اسود كوا امشي بي ما متعوده البس كعب كل مرا البس رياضي او حفايه المهم حطتلي مكياج خفيف وسرحت كفشتي الصارلهه سنه ما مشطتهه وحطيت شال ماروني خفيف عل راسي ونزلت واني لازمه ايد جوري بكل قوتي نزلت للصاله لكيت مره عجوز يمكن ام جاد ووياها ام جوري خاله منال، ،السلام عليكم
منال، ككككللللللللووووووووووش هله بعروستنه هله وبجيتهه هله هله
ريم، خاله منال كلش محبوبا وجوري طالعه عليهه هم حبابه كامت خالتي بوستني وتقربت من المره الجبيره اللي وجهه جان نوراني كلش حلوه رغم كبرها تقربت وبستهه
الحجيه، بعد بيتي شلون فكيتي الجبسه مال ابني صارلنه شكد نكله تزوج ومايقبل
ريم، ابتسمتلهه وكهدت يم ماما وساره اللي جانت تخوزر بيه مااهتميتلهه عفتهه تخوزر ابراحتهه لان اخر ايامي وياها همزين اخلص منهه جنت مقرره انو اقبل الزواج طبعا لان اخاف اذا مقبلت ينطوني الماهر مرا ثانيه وهذا الشي مرعب بالنسبه الي جبتلهم عصاير وكيك وطبعا فتحو الموضوع وي امي وتمت الموافقه والزلم كذلك وافقو وطلعو الكل بعديت اجتي ساره كالبه خلقتهه كالت
ساره، خطيبج بالديوانيه يكول صيحيهه احجي وياها
ريم، عفتهه ورحت دخلت للديوانيه بتوتر لكيته كاهد بهيبته المعتاده من شافني كام ويعدل بالربطه هو انت انيق وصاك بعد عليمن تعدل بيهه تقربت يمه وتفاجات لما ثرب باسني من راسي وخدي وكال
جاد، طالعه تجننين، ،شفته توترت كتلهه كعدي نحجي كعدت كتلهه،،ريم اني وياج حنسوي العقد بعد اسبوع
ريم بتفاجئ، اسبوووع استاذ شلون اسبوع ماالحك
جاد، ريم اسمي جاد مو استاذ تعودي
ريم، ههفف جاد ماالحك
جاد، اسمي طلع حلو بشفايفج
ريم، احس روحي راحت شلون برود يحجي ذوبني وياه
جاد، لتذوبين عل كيفج لاحكه ما طاير منج وغمزتلهه
ريم، عزه شكد عيييب كتله احم اي شلون اسبوع
جاد، اي بعد اسبوع كلش كافي باجر حتمر منال وجوري عليج ياخذنج للسوك ويجهزنج
ريم، اي بس،،،قاطعني
جاد، ثيمالا عفتهه وطلعت هههههه اريد ابينلهه عمد ثكيل 😹صعدت بالسياره وشعلت اغنية ثكيل وادندن وياها واضحك
ريم، عابت عفته وصعدت للغرفه بدلت ونزلت
ام ريم، يمن فدوه لعروسة بيتنه
سعيد، ها ريم مبروك العقد بعد اسبوع
ريم، يعني العقد بعد اسبوع ومن هسه تباركولي
ساره، اي جا مو زين
ريم، محد حجه وياج انتي لا تحشرين خشمج
ساره، مامااا شوفي شلون تحجي
حسنين، ساااره كافي اختج عروس تحجي اللي تريده
ريم، نيهاهاهاها سمعتي
ساره، هههفففف عفتهن وصعدت الغرفتي
يتبع،،،
