عشكت جنوبية

البارت الرابع عشر

هلو اسفة لأن البارت مانزل البارحة بس جان عدنه خطار ومافرغت اكتب 🤗 واليوم النت ماكو

وهالبارت طويل تعويض الكم

متابعة ممتعة
*
*
*
*
لبنى: اخو هنادي؟ !

هيثم: اي وجيت لهنا هي عالمود اختي لأن راح اخلي اخوج يطلگها غصبآ عنه مستحيل اخليها وياه ولا دقيقة بعد هذا اليوم

لبنى: واني هيثم ..اني شنو جنت بالنسبة ألك ؟!
انته جنت تعرف اني اخته؟ !..لو هسة عرفت؟ !
فهمني فدوة هيثم ..اني شنو انته صدوك حبيتني لو جنت جزء من الخطة؟ !

هيثم: انتي سمعتي مني كلمة احبج؟ !
..لا ..انه اعترفتلج بهالشيء؟ !
..كتلج عندي مشاعر اتجاهج؟ !
لا ..
انتي الي اجيتي الي وعترفتيلي بحبج وانه ما سويتلج اي شيء
لازم تشكرين هسة لأن انه جنت اگدر أئذيج وانتقم بيج من اخوج بس ماسويتها لأن انه مو من هالنوع ولا تخافين ماعندي ولا صورة الج بالتلفون ..بس حبيت اكلج لأن ماضل شيء كلها يوم وراح اجي لبيتكم ..

بجت وگالت: بس اني حبيتك من صدوك وجنت مستعدة اغير نفسي لخاطرك انته ..اني صرت وحدة ثانية عالمودك ..شلون هيج؟ !
ليش تكذب عليه وتجرحني ..كله بسبب اختك الله ياخذها

صاح: هي انتبهي لكلماتج انه ما اسمحلج ادعين على اختي ..هنادي جانت ضحية واخوج هو المسؤول الوحيد عن كل هالشيء ليث واحد حقير وما يخاف الله ..رغم هو متأكد من برائتي راح سجني كله عالمود يضغط على اهلي وينطونه اختي
بس انه راح اندمه وعد راح اخليه يندم على الساعة الفكر بأذيتنه بيها ..وراح تشوفين

لبنى: تركني وراح ولا كأني موجودة ولا كأنه كسر گلبي ..واني الي بنيت احلام وردية بدون معرف منو هو ..شكد غبية انتي لبنى ..شلون خليت شخص مثله يكذب عليه ويلعب بمشاعري هيج؟ !
كله بسبب هنادي ..اليوم حموتج ياهنادي ..حموتج

**

هنادي: صار وقت الضهر وگعدت ويه خالة اسراء بالمطبخ وام وسام اجهز الغدة

گالت: حبيبتي هنودة انتي ليش تلبسين شالج گدام عمج هالشيء مو حرام

گلت: اي خالة اعرف بس متعودة مااعرف انزعه بس اذا جان البيت فارغ ..

ضحكت وگالت: هاي واحنة معدنة احد لو جان عندج حموين شحتسوين ساعتها

شوية اندفع الباب ودخلت لبنى بس مو نفس ما طلعت جانت عيونها مورمة من البجي وشكلها مبهذل
خافت امها وراحت الها بسرعة

اسراء: لج ماما لبونة انتي شصاير وياج؟ !
شنو هاي ليش شكلج هيج؟ !..
احد متعرضلج ؟ احد مأذيج ؟...لج احجي