أحببته ولم أراه للكاتبه سالمه خالد عبدالله الحوتي

رواية أحببته ولم ٱراه

الحلقة الاولى من رواية:
احببته ولم اراه:-
الياس :تي نوضي يا فرخة وقت
لجين:تحكي بصوت نعسان خليني راقدة اشويا بس
اليااس:حي عليك الساعة 7 توا نوضي خشي للحمام هيه
لجين:وراسك خشو كلكم بعد ما يكملو وعوني
الياس:من بدري وااعين كلنا نوضي هيا
افنان:لجين يقين اترن
نطت لجين وين فوني
عهود:تضحك والله عرفتي اتوعيها
افنان:امالا شنوو
لجين:ازي متفقات عليا والله اتشوفن وناضت وقعدت تجري وراهن وهنه يتعايطن
الياس:وهيا داهشة خلاص والله تعبت راني مش نااا هنه والله هنه الله
افنان :طح سعدك طلعتي منها يعني راهي تكذب
عهود:اوسي حسستيني مش انتي خططتيها الخطة
لجين:عارفتها الياس متكذبش وهذين حركات افنان منيش غابية فيهن
الياس:نجيها خيتي المهم حي عليكن الساعة 7:30تو يحطوكن في التأخير
عهود:كله منك يا فرخة ديما مأخرتينا
لجين:ازي عليكي باهي اوكي بنعدي نلبس وخشت تلبس اشويا هكي ويسمعو صوتها عالي سرواااااااالي الواسع وين
البنات برة في الصالة
الياس :حي عليكي يا افنان
افنان:شن اندير
عهود:عدي اجري اسلحيه ابسرعة
افنان :باهي نا شن نلبس
الياس:البسي امتعي غير عدي فكينا من حسها
عدت افنان تجري مع جية لجين وين سروالي
الياس:ها شوفي مش لابسته
عهود:حتى نااا
لجين:افنااان اكيد هيه صاااح يا افنااااان
افنان:اطلعت من الباب نعم
لجين:وين سروالي
افنان:سلحته لكي قاعد معزوق غادي
لجين:عليش سلحتيه كان قلتيلي راه خليتك تلبسيه
افنان:يعني انرد نلبسه😃
لجين:عدي البسيه قتلك الياس
الياس:نعم
لجين:نبي سروالك الواسع
الياس:عدي خوذيه من الحبل ناشرته ماما
لجين:منورة وخذت السروال والبساته والبست الزي المدرسي هيه وعهود اشويا هك وتكت عليها يقين
(اهاااا انسيت انعرفكن ع يقين هذي انتيم لجين وكيف اختها)
المهم عدن للبنات للمدرسة الثانوية يلي هنه لجين وعهود والياس شالها باتها للجامعة طبعا تقرا طب (بشري) وافنان تقرا في محد صيدلة جاتها حافلتها او خوتها عدو للمدرسة  دارت امهن الغداء مكرونة امبوخة وسيقت السقايف وضمت الحوش ونشفت ودارت جوو عاد وبخرت وسكرت الرواشن او ولعت المكيف مع الساعة 12:30دق الباب
امهن امينة:من يلي ع الباب
لجين:حلي يا ماما
عهود:ابسرعة حمووو بكل برا
امينة:هيا هيا
وفتحت الباب خشن البنات يجارن الله مكيف
لجين:يا ماما وراسك امية ولا عصير امصقع ابسرعة
امينة:والله تبيها اتجيك جلطة ولاشنوو مش ناقصني انعاني بنت منجلطة
عهوود:والله صدقتي فيها
مع جية افنان من المحد خشت
افنان:السلام عليكم
امينة:وعليكم السلام خشي
خشت افنان
عهود:مش منك يا حنة جوك سمح يا عوينك جاية في حافلة ومكيف والدنيا شايلة مش كيفنا نحنا طيحات سعد
افنان:خمسة وخميسة قولي مشالله يا بتي طاح سعدك
مع طلعة لجين من الحمام
عهود:طيب فيك اللي طلعتي قبل بنجيبلك افراش او مخدة جوا
افنان:صحة صحة
لجين:سلمك اهو الذوق تعلمي منها اشويا وانتي ركبتي فيا
عهود:امتى امروحة الياس
لجين:الساعة 1:45 اشويا وتجي وبعدين عدي خشي واغسلي شخشيرك اه راك تنسيه
عهود:باهي اوكي
خشت لجين ع افنان
لجين:افنان كنك فرحانة اليوم
افنان:يا بتي حتى الواحد ايخش فرحان متخلوه
لجين :مش هكي بس غريبة يعني
افنان:لالا مش غريبة ما غريب الا الشيطان
المهم مشا الوقت والبنات ابرمن ع الحوش وبعدها جت الياس خشت غيرت دبشها ودوشت وروحو العيال حتى همه وتغدن هذك المكرونة المبوخة كانن كلهن ايحبنها وبعدها خشن الياس ولجين للمعين وعهود وافنان للحوش بخرن وكملن وبعدها خشن للدارهن قيلن ناضن مع الساعة4:30 صبت عهود دارت سينابون ونسكافيه او وعصرن البنات بعدها لمن حوست المعين وخشن للدارهن يلي هذي طلعت اكتباتها يلي تكتب يلي تقرى يلي تحفظ مر الوقت والبنات يقرن ويكتبن جابتلهن امهم العشاء وكاين فصوليا بلفلفل الحمر امتاع الشطة وطاحن فيها البنات بعدين صبن غيرن التشكيلة العكس 2 عهود وافنان خشن للكوجينة واللخرات للحوش خلاص كملن وقعمزن كلهن ع التلفزيون
لجين:هاتن الريموت بنحط ع مسلسلي
الياس:في عرسك نبي انحط ع فيلم رعب
افنان:عدي ملحن انتن الاثنين حطن ع ذفويز كيدز
عهوود:يا بنااااااااات😳😳

انتهت روايتنا اليوم قولكن شن قصة البنات وشن قصة الحاجة يلي فأجأت عهود كله حنعرفوه في الحلقة الجاية

كانت معكم الكاتبة:-
سالمة خالد عبدالله الحوتي❤️🔥ر المستخدم