أحببته ولم أراه للكاتبه سالمه خالد عبدالله الحوتي

رواية أحببته ولم ٱراه

الحلقة السادسة عشر من رواية:
احببته ولم اراه:-
عهود:نبي انقوللكن توا طلعت من الحمام سمعت ماما تبكي قالت لازم انقولوها لها
البناات:شنوو😳😳
الياس:بفجعة شنو في احكي😳
عهود:لجين لجين وردينة ويقين بيشيلوكن بعثة برة
لجين:احلفي😳😳
عهود:وحق ربي باهي بس
لجين:بس شنو
عهود:ماما قالت لا ما تمشيش
لجين:عليش😥😥
عهود:قالت لازم محرم ما محرم
لجين:والله ماشية ماشية مش شوري
ردينة:غير فكيني من الحلوفات اصبري خلينا نفهمو قبل وانتي امركبة فاس على هراوة😂😂(طبعا بنات هذا مثل شرقاوي ديما انقولو فيه نحنا الشراقة ويا الغرابة كان مفهمتوش معناها امركبة على روحك يعني مستعجلة او مجهجهة تمام😂😂)
لجين:خذت نفس تماام 😤😤
واطلعن البنات من الدار كان لابسات ومحبركاات وامكيجاات كلهن ايهبلن طبعا لجين مبتش تفتح الموضوع مع امها لان عماتها وصبايا اسيادها قاعدات فمبتش تدوي شي خلاص مر الوقت والعرب طبعا حددو الفرح بعد شهر والبنات افرحن بس في نفس الوقت وجعتهن ان بيصير عرس في حوشهن وباتهن مش موجود صاح باتهن له سنه وامعاها متوفي بس مزال مكانه فاضي ومستحيل يمتلى مكانه المهم روحو كلهم معادا عمتهن اسماء لان بعيد وراجلها عنده شغل في بنغازي فقاعدة كم واصلا هيا اتوحم بس اتجي العيت خوها هذوم متعديش للهلها لان مفيش من ايدير باله على اعيالها خلاص جت الساعة ١١ في ليل
لجين:وووووه اجهدي طااح يا نعلي اتقول ما عمرنا ضميناا فيها سنة
اسماء:😂😂
الياس:عليك نوطرة فكيني من تكبير اشورخ طشة اماعين خذيتيهن درتيها لنا بندقة علي العبد 😂😂
افنان:وووه بطني متت🤣🤣
عهود:صاح لجين شن صار في البعثة امتاعك🤔
لجين:صااح خطرتي عليا يا ماااامااا يا ماامااا بصوت عالي😲😲
امينة:اس اس عطك داء اقريب ايخشو عليك الجيران هالله عليك بلعومة فييك😠🤐
لجين:شن صار في البعثة يلي برة
امينة:من قالها لكي
عهود:ااا ماهو يقين كلموها قالتها الها
لجين:ها امالا تحسابيني منسمعهش ولا شنو
امينة:شن فيها ما صار قالو في بعثة برةوانا قلت لا
لجين:كيف لا اشرحيلي كيف لا
امينة:توا بنتي نحنا ليبين بالعقل مفيش بنت عندنا اتعدي بدون محرم وانتي خوتك اصغار وباتك الله يرحمه كان هذا راه عدا امعاك
لجين:كيف يعني بتحرموني اني انعدي ولا كيف ليش هكي ايصير امعايا ناا ااه ليش يا ريته حي بابا راه فرح وشالني راهو افتخر بياا نا مشوري بنعدي وخشت وطرقت الباب واقعدت تبكي
انجو عند البنات في الصالة
عهود:حرام عليك يا ماما عارفتيها امنيتها اتكمل اقرايتها برة ليش اتلطي في وجههاا
اسماء:امك امعاها حق متلطش في وجهها بس لازم ما امعاها محرم ولا اندزو مراد اللي حتى شهادة ثانوية ما واخذهاا
الياس:بس ناا زمان جتني البعثة وكانت في مشكلة بابا مبش ايوافق وبعد عرف بابا الحقيقة قال يا ريتيني خليتك اكيد كان قاعد امعانا توا حيفرح صااح
اسماء:الله يرحمه ما يجوز على ميت غير الرحمة
افنان:الله يرحمك يا بابا واقعدت تبكي اذكرت بعد باتها ايقوللها حساستي وديما ميرفضلهش في طلباتها لان مسرع ما تبكي واذكرت بعد تقعد متعاركة مع وحدة من البنات اتجي تكرس وراه(فعلا بنات البات نعمة ومستحيل ايتعوض ردبالكن من ابهاتكن راكن اتعيطن في وجوهن ولا اتواطن روسهم او بالاحرى اديرلهم اقرون قدام الرجالة يقعد ماشي بثقة يحساب روحه
امربي بناته وهم قاعدين يلاه ايقولو هذا بات افلانة هذا بات علانة بحتو كيف يمشي يحسااب روحه الا وين ردبالكن اتنزلن رووس ابهاتكن لوطة وهذا مش يعني اذا كان باتك ميت تفري السماء لا عدي عيون خوتك وديريلهم قدر وقيمة بين الرجالة يقعدو ايقولو هذا اخت افلانة نشهد بالله ان عائله محترمة راه العلاقات والوجيج اللي اديرهن فيه كله كذب وضحك قليل وين تلقي راجل ايحبك وايصونك كلا الباقي كلهم عويل يكذب عليك ويكذب على مية بنت غيرك متخذنهش كأمر خوذنها كنصيحة من اختك الكبيرة او في منك اكبر مني فخوذنها نصيحة من اختكن الكبيرة المهم خلينا انردو الروايتناا🥺❤️)
اسماء:تو انعدي ندوي امعاها نااا
وخشت عليها في الدار لقتها تبكي
لجوني كنك عادي حبيبتي حتى جامعات هنا اكويسات اهن تخرجن منهن بنات وقعدات دكتورات
لجين:بس ناا خاطري نقرا برة عارفة امنيتي الوحيدة وبعد ما تبي اتحقق لطو فيها
اسماء:انا عندي حل بيش اتعدي😌
لجين:شنو😥🙃😃
اسماء:ان حسام يقرا فاتحته عليك منها يكون لكي محرم واصلا هوا ماشي مع ردينة
لجين:بس نا منبيش نقرا فاتحة توا عند ما انتخرج
اسماء:انا مقتلكش انديرو فرح واجوزيه قلت فاتحة بس وانتي حرة كان خاطرك اتكملي اقرايتك صاح وكان وافقتي انا ندويله حسام او هوا متأكدة مش حيرفض لان هوا ابروحه متعلم ومتثقف ومنها حتى اديريلناا جوو بعد فرح نوني تو انكسدو
لجين:ازعمااا🤔😥
اسماء:متقعديش غبية مفيهش ازعما وامينة تو ندويلها نااا
لجين:تمووم وجت اظبطتها شكرا شكرا شكرا لانك حليتيلي مشكلتي
اسماء:العفو ولو مش بينا يا قردة
لجين:بحتت فيها بحركة كيف العيال اصغار امتاع تثني شواربها انا قردة🙁🙁
اسماء:اهاا قردة ونص وعشرة على مقاويل هذك البنت
لجين،اسماء:😂😂😂
اسماء:خلينا نطلعو انطمنوهن اكيد امك ايأنب فيها ظميرهاا
لجين:هي واطلعن يضحكن
الياس:مشاء الله مشاء الله ربي ايدوم ان شاء الله
اسماء:سلمك يا ياام ان شاء الله ان شاء الله
لجين:دووم عزك يا قلبي🥺❤️
افنان:لالا الوضع ما ايطمنش
عهود:لجوني فرحانة معناها اسمية لقتلها حل😂🥺
لجين:الحمدلله
اسماء:باهي لو سمحتن توا تقدرن اتعدن اتفرشلناا وانتي يا امينة تعالي نبيك
امينة:هيا هي
وعدت اسماء دوت الامينة وامينة وافقت على فاتحة وخشن كلهن للدار يضاحكن وجو سمح بكل
اسماء:عهودي🥺🥺
عهود:ان شاء الله نقدر عليه احكي ابسرعة
اسماء:ازي عليك🥺🥺😂
عهود:ما اصلا عارفة اتدلعيني معناها تبي حاجة
الياس،افنان،لجين:😂😂😂😂
اسماء:ديريلنا سنترة
عهود:في عرس ميرال ان شاء الله وعد مني يوم الحنة الصغيرة انجيبها من الكافي اخرى مش انديرها ناا وانوزع على معازيم كلهن هيجي هي😂😂
اسماء:ازي عليك انا حامل وخاطري فيهاا
لجين:متجدي حد يا اسمية تو انديرلك نااا
عهود:قعمزي قعمزي بلا قوقحة زايدة قالت عهود هيا مهيش واحلة في اسم لجين كان تبيك راه قالتلك وصبت
لجين:من الاول هيا عليك نوطرة😏😏
عهود:سكفممك ازي مستفزة واطلعت وسيبتها
اطلعت عهود دارتلهن سنترة وكلنها ورقدن ناضن ثاني كيف الروتين اقعدت كم يوم اسماء بعدها روحت وطبعا اقعدن البنات كل يوم ايعدن للسوق مرة ايشيلهن سيدهن صالح مرة حساام مرة مجد ابصدق مقصروش انجو للحديث في المحلات
لجين:افنان افنان
افنان:هااا عطك داء
لجين:بحتي الروب الازرق الملكي هذا ايجنن
افنان:عطك ما ايفضح بيك ايوا حتى انا اقطع جيبي لكي
لجين:باهي خلاص خلاص وبعدين مش جاية على سواد اعيونك انا جايا عسبى حسام جايبك بس
افنان:باهي المهم فوتي بحتي هذكي الاسود ايجنن صاح
لجين:كيف صار ما توا عطك ما يفضح بيك وبعدين اسود سود معيشتك ايوا
افنان:ماهو مروان غالي عليه اللون الاسود
لجين:باهي خوذي لنا ساعة ونحنا قاعدين في نفس الصفة
طبعا الكلام هذا كله وحسام قاعد برة عاد محل ارواب متحشم عدروحه خذن البنات 7ارواب واحد ايعايب على آخر وطبعا خذت حتى الملكي اللي قالتلها عليه لجين لان كان ما هذا نهارها اسود وخذت 3اتوت شرت ايهبلن بكل وخذت توتين امتعات اشكارة استرتشاات وكتات وخذت 4قفاطين حوش هبهابيت ايجنن خرقه وخذت 4طواقم ملابس داخليه واتوتها واروابها كلهن خيال ابصدق وخذت بدلة رقص عدروحها بترقص😂😂
المهم جن على كاسة بيسلكن خش حسام
صاحب المحل:شكله دبش عروس
لجين:اهاا😊
صاحب المحل:مبروك عليها ان شاء الله😉
لجين:الله ايبارك فيك
صاحب المحل:ايبحت في لجين😍😍
حسام:معليش يا خونااا سلكنا ورانا اشغااال😠😠
صاحب المحل:على مهل مفيش شي وراكم
حسام:امسكه من ماليته ايش خشش امك انت شغلك ايخشو الزباين يختارو وانت اتقوللهم على سعر وتاخذ الفلوس وانت امسكر فمك مش اتهدرز😠😤🤬🤬😡🤯
لجين:حسام خلاص اطلقه فوت
حسام:طبعا انتي اعجبك الجو عااد
لجين:شن قصدك😠🥺
واطلعت للسيارة لحقتها افنان اركبت لجين من لاورة واقعدت تبكي
افنان:لجوني فوتي الموضوع
لجين:سمعتيه شن قال قالي عاجبك الجوو بس والله اندمه عليها الله وامسحت ادموعها واسكتت وافنان عدت اركبت من قدام جا عمك حسام راقيله وجايب الشكاير
حسام:دين ام المحل هذا معش انجيبكن له وقعد ايعايب على لجين الله ايبارك فيك واهاا ومشعارف شنوو واخذة راحتها الهانم ودايرتلي اقرون مكأنش راجل بكل امعاها
افنان:ماسكة ضحكتها بالغصب لان عايب عليها بطريقة اتضحك 😂🤭
لجين:من لاورة منسحنة من الضحك🤣🤣
ولع حسام السيارة وروح بيهن وبحتن البنات للدبش وكلهن قالهن ايهبل ومشا اليوم عادي جدا مفيش اي جديد جا ثاني يوم جاهن صالح خذاهن عدت امعاها عهود لان يوم الماعين والكهربائيات يعني الكوجينة وبعدها جا مجد وعدت الياس للدبش الطلعة لان ذوقها ايهبل وبعدها ثاني جاهن صالح اخرى لان حسام قاللهم مش فاضي عدت لجين يوم المكيااج وشرنه كله ماركة ايهبل وبعدها اليوم الاخر جا حسام بس عدن الياس وافنان وعهود ولجين اقعدت في الحوش عدن احجزن في الصالون وشرن طاولة وشماعة وطاولة اكل ابصدق كملن البنات الدبش وكاين راقي كله وكم مرة ايجي حسام متطلعلش لجين وايكلم فيها على تلفون مقفل مبتش اترد عليه بكل خشن البنات في عولة الفرح عدن اجرن الفيلو وشرن طبعا البنات فساتين حلوات بكل واحجزن قاعة فينيسياا وخش اسبوع الفرح والاسياد والخوال والعمات والخالات كلهن اطياح طبعاا بيتاات كلهن واذاعة ودربوكة وجوو ايهبل بكل جا يوم الاحد تسفيرة الدبش والاثنين ايشيلوه والثلاث الرمو وطبعا في الليل اتحني والاربعاء السياق وفي ليل الحنة الصغيرة والخميس الحنة الكبيرة اللي هيا الفيلو والجمة اسبوع اللي هيا تلبس العربي خلاص البنات يلا ايعولن وايضمن طبعا اول فرح مش عارفاات عليش ايبدن يبن ايصفقن وايعولن وايمدن وطبعا التمو ضنا عماتهن واسيادهم وجايبين اصحابهم قايمين بالواجب مشاء الله
مجد:عهود عهود
عهود:نعم اطلع برا صبايا 
مجد:ثلاث فناجيل قهوة برة ابسرعة
عهودهيا هيا
كملن البنات واقعدن ايسفرن واغناء وجو طبعا امولعاات اغنية (النار كلاته حي عليه النار كلاته)المهم وشايلات عهود وسحر امعاها دارن العشاء وكملن البنات التسفير وقعمزن كلهن في الدار
لجين:سحر سحر
سحر:نعم
لجين:ولا تصغري جيبي الدربوكة ومديها للاسماء غير نا خايفة انصبي ياخذو مكاني
سحر:تماام وجابت الدربوكة وعطتهاا للاسماء
بدت عمتك اسماء ادربك💃🏻🗣️👏🏻
اسماء:هالنهار عليه اندور💃🏻👏🏻🗣️
البنات:هالنار ربيع امنور💃🏻🗣️👏🏻
اسماء:هالنار عليه اندور💃🏻👏🏻🗣️
البنات:هالنهار ربيع امنور💃🏻🗣️👏🏻
اسماء:هالنهاار ما ريتش كيفه💃🏻👏🏻🗣️
البنات:هالنهاار ما اجمل توصيفه👏🏻💃🏻🗣️
اسماء:هالنهار تمنيته💃🏻👏🏻🗣️
البنات:طلبت العالي والقيته💃🏻🗣️👏🏻
اسماء:هالنهار تمنيته💃🏻👏🏻🗣️
البنات:طلبت العالي والقيته💃🏻🗣️👏🏻
الياس:هوهااا يا هوهااا العايلة هذا جوهااا👏🏻👏🏻👏🏻👏🏻💃🏻
البنات:هوهاا يا هوهاا العايلة هذا جوهاا💃🏻💃🏻💃🏻💃🏻👏🏻
بثينة:ان هذين بنات العايلة :هابا لو ريتو العويلة💃🏻👏🏻
البنات:ان هذين بنات العيلة:هابا لو ريتو العويلة👏🏻💃🏻
الياس:يوييييييييا👏🏻💃🏻💃🏻💃🏻💃🏻
ردينة:ان شاء الله يا عين المعياان: اتجينا ومتلقيش مكاان👏🏻💃🏻
البنات:ايردن وراها وتصفيق واعياط والدنيا شايلة👏🏻👏🏻💃🏻
الياس:صبي ارقصي يا رنوشة
رانيا:لالا في عرسك ان شاء الله
امينة:صبي يا رانيا اسع انغنيلك
صبت رانيا اربطت محرمة
لجين:كان سلفتينا ما اتخافي كان سلفتينا
البنات:متخااافي
لجين:كان سلفتينااا
البنات:متخافي
لجين:ردادييين سلفنا وافي ردادين سلفنا وافي
علت اسماء صوت الدربوكة عرفاتها الرنة وضحك وعيااط وجوو(انديرلكن في اجواء افراحناا🤣🤣)
سحر،عهود:طبعا ايغنن مع بعضهن كيف السواديين حبهااا مكذبش عليهااا حبهاا
البنات:مكذبش عليها
عهود،سحر:حبهاااا
البنات:مكذبش عليهاا
عهود،سحر:حبهاا جا لماليهااا
لجين:وي وي وي
ردينة:ولعت يا حي عليها :ولعت ويش ايطفيها
البنات:ولعت يا حي عليا :ولعت ما فيش اميه
لجين:ولعت ولعت يا بابا:ولعت جوهاا الشراقة
البنات ايدن وراها
الياس:بناات خلينا انديرو لحن
لجين:لا خلينا انغنو يا الايام قبل
الياس:امباااه
لجين:يا الايام حنونات انتن يا الايام حنوناات انتن يا الايام بعد الوهاام الغالي جابنه الاقساام
البنات:حنوناات انتن
لجين:او جت زفتهم سيارات اصغار ودايرات طوابير
البنات:اصغار ودايرات طوابير
لجين:وجت البيضة بوريدات جديدة والسواق صغير
البنات:جديدة والسواق صغير
لجين:الغالي وامعاه الخياات اهويدة ومنيرة وعبير
البنات:اهويدة ومنيرة وعبير
لجين:وجت زفتهم سيارات ونا من الفرحة انريد انطير
البنات:ونا من الفرحة انريد انطير
لجين:وجابو باسطي وكباياات وراني وامعاه العصير
البنات:وراني وامعاه العصير
لجين:وجت زفتهم سيارات ونا من الفرحة انريد انطير
البنات:ونا من الفرحة انريد انطير
لجين:وفي الختاام طلعلي كله امغير احلام حنوناات انتن
البناات:يا الاياام حنوناات انتن يا الايام حنوناات انتن يا الايام بعد الوهاام الغالي جابنه الاقسام حنوناات انتن
منى عمتهن:وي وي وي لوللللي👏🏻👏🏻
لجين:قاعدة في وسط الوادي والموز احذاي عراجين
البنات:والموز احذاي عراجين
لجين:ومن يالا البطحة من غادي شلال هديرا تلحين
البنات:شلال هديرا تلحين
لجين:واطيوور السليوو اتحوم واتقيل فوق البطوم
البنات:واطيور السليوو اتحوم واتقيل فوق البطوم
لجين:واتقولي راهي راقية غاليتك شور الساقية
البنات:واتقولي راهي راقية غاليتك شور الساقية
لجين:شايلة المسكي في ايديها حجب يا مولاي عليها
البنات شايلة المسكي في ايديها حجب يا مولاي عليهاا
لجين:انقول يا مااا انقول يا من وانقول يا مااا انقول يا من وانقول يا ماا ايفسرلي هالحلامة انقول يا من
البناات:وانقول يا من وانقول يا ماا وانقول يا من وانقول يا ماا ايفسرلي هالحلامة انقول يا من
اطلعت عهود اشويا وبعدها خشت
عهود:لجييين يا لجيييين
لجين:هاا عطك داء ايش تبي
عهود:اطلعي ابسرعة نبيك في موضوع ضروري بكل
لجين:شنوو😳😥

انتهت روايتنااا اليوم قولكن شن مستني البنات وهل حيكمل فرح افنان على خير او لا وعهود شن تبي في لجين وهل حيصير من سفرتهن برة او لا كله حنعرفوه في الحلقة الجاية

روايااااات:
             بنتك يا بلااااادي🥺❤️

كانت معكم الكاتبة:-
سالمة خالد الحوتي🥺❤️