أحببته ولم أراه للكاتبه سالمه خالد عبدالله الحوتي

رواية أحببته ولم ٱراه

الحلقة التاسعة من رواية:
احببته ولم اراه:-
ردينة:سند😳😳
سند:اهلين بنات امتى جيتو
لجين:صبت تمام سنودي شن جوك وسلمت عليه شن جو اعميمة وسيدي والبنات
سند:تمام الحمدلله بخير هوي انتهن كنكن ما اتسلمن
الياس:اهلين سند
افنان:اهلين شنجوك
ردينة:شنخبارك😒😒
سند:كنك اتبحتي هكي وقالبة وجك قاتل امك ولا بوك انا
مع خشة مؤيد
مؤيد:اووو الشلة قاعدة كلكم هنا
لجين:شنجك يا نصي وينك ازح
مؤيد:والله ظروف يا طيري شن خطرها الجية هناااا
لجين:عطلة 15 خلاص والله معاد نقعدو في الحوش😂🤣
مؤيد:والله امعاك حق احسن اقعدي هن والله امرايفين عليك
لجين:حتى قاعدة منيش متحركة 15 يوم امكملتهن هن
مؤيد:احسن باهي وشن سحر وعهود غريبة ما جنش
لجين:وزعناهن مع اعميمة امل باهي انت مقتليش وين التيوس اللخرين
مؤيد:كلا مجد قاعد ايكلم وكلا زيد قال بنعدي انجيب جو وكلا مجدي قاعد برا ايدخن وهكي
لجين:ايوه ايوه
الياس:بنات خلنه انخشو جوا خير ما جتي اتجي تقلب العلل
لجين:بالنسبة ليا انا بنقعد امعاهم بتعدن انتن عدن
خشن افنان وبثينة وردينة والياس (او بنات انسيت انعرفكن ع شباب العائلة كلا مؤيد ولد سيدهن الكبير محمد وكلا سند ولد سيدهن الوسطاني حمد وكلا زيد ولد عمتهن اميرة مش مذكورة واجد بس زيد مذكور وكلا مجد ولد عمتهن اللخرة حميدة حتى هيا مش مذكورة بس هوا مذكور وكلا مجدي ولد عمتهن منى بس لجين متحبش بكل ايزعملها في كبدها المهم خلنا انردو للروايتنا)
لجين:هيا مؤيد فكنا منهن كتلة النكد هذي تعال نلعبو غمزولي وكوز لوز موز
مؤيد:تم يا نصي
وعدو للمربوعة اشويا هك ويدق الباب يعدي مؤيد يفتح يلقاهم حسام ورضوان
جت لجين بالشوية لقت مجد ايكلم انتشت منه الفون
مجد:يا نعن شكلك بكل اوووو لجوني واضبطها شنجك
لجين:تموم التموم من يلي قاعد اتكلم فيها
مجد:بنت جيرانه
لجين:متقولش المليسة ريااان
مجد:هيااا بحد ذاتها
لجين:طاح سعدك من قلة البنات ما لقيت الا اتكلم هذي
مجد:الله غالب العمليه امقحطة
لجين:معقولة مجودي ايكلم وحدة مزيتة كيف هذي تو انجيبلك وحدة احسن منها
مجد:نجك ليا والله انتي احسن وحدة
مع خشة حسااام
حسام:هوي اجعرو ازح وين المواعيد واخرى في المربوعة قدام اوجوهنااا راعو شعورنا اشوية
لجين:القنك الا خارب وكلامك خارب وتفكيرك خارب وكلك ع بعضك خارب قتلك يا مجودي تو انعدي انشوف البنات وانكلمهن نلعبو غمزولي بس يا ريت المخمج المقرف هذا ما يلعبش
حسام:والله كان ما خششتوني انخربها اللعبة هي
زيد:جووو مفرخ اوووو لجوني  لجين جاته تجري واظبطاته وينك ازح لك وحشة
زيد:انتي اللي وينك كنتي اطياح عندنا
لجين:انا نفهم في ذوق ونروح مش انتو نين قطنتو هنا
زيد:خزي عليك المهم اتقول حاس بيك جبتلك جولاطي بالفستق
لجين:احلف
زيد:والله الله
لجين:نجك ليا يا قرعتي
حسااام:🙄😡 هوي عادي انتو وضعكم وكاين مستغرب كيف لجين هكي منطلقة مع الشباب
لجين:اوووو انسينك انت يا اجنبي Soryتموم هكي ان شاء الله فهمتني نحنا علاقتنا ببعضنا كيف الخوت لا اكثر ولااقل وانت بتقعد امعانا يا خريج امتاع 8 اسنين برة تقعد كيفهم كان ما هذا ممنوع استحاب الاطفال
حسام:بنعرف كنه اسلوبك امعايا هكي بس ليش انا من دون العيال
لجين:وانت الكذاب طبعا حتى مجدي امعاك من عند ربي ما انحبكش كل حاجة بالغصب الا حبني يا ابنادم عاد ولالا يا اودي ومجودي وزيودي
الشباب:صااااح😂😂
لجين:المهم توا اتشاو بنكلم البنات وانجيكم بس دبرولنا منقدروش نقعدو في المربوعة
سند:انا هلي عند عيت جدي تو نرقو للحوشنا فوق
لجين:نجك ليا يا سنودي المهم تعال نبيك
واطلعو من المربوعة
سند:نعم كنك
لجين:راه ردينة ناقمة عليك نقمة دير رايك
سند:والله ما حبيت وحدة خاطيها والله ما كلمت حد غير هيا هك مدرعنها من فرخة الحرام يلي جاية ودويتلها عليا وهيا امصدقتها
لجين:ما عليك يا طيري تو ان شاء الله ما نروح نين انحلها المشكلة
سند:نجك ليا يا نصي
مجدي:او جوجو شنجوك جيتي
لجين:بصوت واطي اهو جا البارد لالا مزلت ما جيت وبعدين اسمي لجين مش جوجو
مجدي:باهي بالشويا كنك متعقدة
لجين:سبحان الله بعد انشوف خلقتك ايتعكر مزاجي
مجدي:لاه لاه لاه
لجين:والله ما فيها لا لاه لاه ولا لاه لو هك من ربي
سند:منسحن من الضحك🤣🤣
مجدي:خزي عليك بنعرف ليش ما تحبينيش بس
لجين:لا اله الا انت سبحانك اني كنت من الظالمين من عند ربي يا راجل ولا انقولك انا فاضية اللي ندوي امعاك المهم سنودي ارقا للوشكم وافتح الباب وطلع كراس وبنينة وطبعا حسام ومجدي مفيش في اللعبة او تو انكلم البنات وانجي
سند:تموم
عدت لجين خشت للدار جدتها
لجين:تدوي بصوت عالي لان جدتها ما تسمعش يا جتييييي راه نحناااا كلمتناااا رانيااا تبيناااا تو انجو
جتتها:باهي عدن وما اطولنش خلي الراجل والولية ايهدرزو مع بعضهم راه ما دبينهم ما جابو اعويلو مزلو عرسان
لجين:ييييييييييييي عليك مطرة بتبدا جتي في الاسطوانة امتاعها امباااااهي تماااام يا جتي وانتن صبن يا فرخات الربا ابسرعة
ردينة:بالشويا وبعدين يا كذابة امتى كلمت رانيا كان هذا راه سمعناها
لجين:الشباب كلهم في شقت عيت سيدي هل سند بنلعبو
ردينة:عدن انتن انا منيش ماشية
الياس:يا احمارة ارقي امعانا متخليش ايحس انك اتحبيه عدروحك خلاص انسيتيه خليه هوا ايجيك كيف اجريو
لجين:حشاااه سنودي
افنان:انتي اسكتي يا شركة لقووو
بثينة:صااااح كلام الياس صبن هيا
وصبن البنات ورقن لبشقة فوق كانت حوش مش شقة كبير بكل كبر الحوش اللوطاني قعمزو في الصالة وافتحو المكيف مع جية حسام
حسام:واقسم بالله كان ما اتلعبوني ردينة وبثينة ما يلعبنش
لجين:بديرلناا جو مفرخ توا عدي كره بثينة وردينة لكي 8 اسنين امسيبهن
سند:خليه يلعب وخلاص
مع جبة مجدي
مجدي:يلعب حسام انا نلعب
لجين:زبر قيسه ليلة طويلة اليوم
مؤيد:اسكتي يا فرخة تحشمي خلاص يا مجدي خش تو انسجلوك هي سجليه يا لجين
لجين:I'm sorry بعد ايجي دورهم سجلهم انت انا ما انوصخش ايديا بأسماهم القذرة
مؤيد:باهي خلاص سجلي انتي بس وبعد ايطق في دورهم تو انسجلهم
وسجلت لجين وبدو في اللعبة وكان اول طرح اسم مؤيد لان اكبر واحد(انجي انقوللكم قوانين اللعبة مرات تلعبوها طبعا يسجلن الاسماء بالكبير تحت بعضهن وينادرن اوراق اصغار بكيف الاسماء ويطبقوهن بالمقلوب بيش محد ايشوف الاسم وطبعا ايرشوهن زين ويطرطشوهن وبعدها كل واحد ياخذ ورقة ويلي ايجي الاسم الاول طبعا يلي هوا بالكبير مثلا مؤيد يغمز للي يبيه ولازم ما ايخلي واحد واهم حاجة ان ابواحد هذا ما يحقش او هوا يغمز وبعد ما يغمزلهم كلهم ايحطو ايديهم فوق بعضهم ويلي يقعد ايقولوله عند من كان قال الشخص اللي عنده صاح معناها الشخص ياخذ ح وكان قال اسم واحد اخر معناها هوا ياخذ ح وطبعا يقعدو بالدور ع الحالة هذي نين يقعدو 2 بس لان حتستمر اللعبة وحيقعد يلي جاته ح حتجيه م حتجبه ا حجيع ر او طبعا كان بنت حتجيها عند ه ياخذو ورقة يكتبو عليها حمار او حمارة ويلصقوها ع ظهره ويقعد يمشي بيها)
بدو يلعبو وجا اسم مؤيد عند مجدي بدا همك مجدي يغمز وغمز للجين مبتش اتحط يدها قعد يغمزلها مبتش اتعدل عليه قعد يغمزلها مبتش اتحط يقيعد يغمزلها اخرى
لجين:لا اله الا الله يا راجل منبيش انحط يدي خليك في حالك ازح المهم يا مينتك فضحت بيه وحصل ح وبعدها كملو الطرح الساعة 5 الفجر
لجين:حي ع امه بكرة بعدين الساعة 7 ماشيين للبحر
الياس:😱😱
لجين:بس احسن حاجة اسبوع اطياح في الشاليه
الشباب:الله عليك جووو
خلاص جو اطلعو من الباب وبينزلو وتقابلهم
البنات:حي علينا حي والله معاد فيها رقدة اليوم😳🥺🙄😭
الشباب:هي نهربو فوق اسطاح🙄😳😢

انتهت روايتنا اليوم ازعما برضو شن ايصير في قصص البنات وشن الحاجة يلي لقوها ع دروج كله حنعرفوه في الحلقة الجاية

كانت معكم الكاتبة:-
سالمة خالد الحوتي ❤🔥