الحلقة الرابعة عشر من رواية:
احببته ولم اراه:-
عهود:افتحت الباب او حقت حسام جايب ورد وجايب تورتة كبيرة
عهود:اشهقت وبتحكي سكرلها حساام فمها
حسام:سكري فمك يا فرخة واطي صوتك منبيش حد يسمع
عهود:باهي عليش جايبهن متقولش بتخطبني
حسام:فكيني من برادة عهود مرزن دمك توا نبيك اتمثلي امعايا ان لجين جابتها جيد واندسو الحاجات هذين
عهود:قصدك لجين انجحت 😃
حسام:اهاا او اخرى نجاح سمح بكل غير توا هيا بس
خشو للكوجينة وحطو الحاجات وطمروهن وجا للدار امتاع البنات
حسام:كيف حالكم بنات شن جوكن
البنات:تمام الحمدلله شنجوكم انتو والبنات كنك ما جبتهن امعاك
حسام:والله شن بنقول جاي على موضوع وماشي على سريع مش حنطول
البنات:شنوو احكي
حسام:لجين 😓😔
لجين:حسام كنك😰😥
حسام:اطلعت النتيجة اليوم وانتي جبتي ممتاز الترتيب السادس على مستوى ليبيا
لجين وهيا مش فاطنة الروحها نطت من الفرحة واقعدت اتنطز واضبطاته شكرا حسام شكرا شكرا لانك انت او خواتي الحاجة الوحيدة يلي عايشة عسباها
البنات:😳😳😳
حسام:لجين😳انتي امصبيه على كرعيك
لجين:بحتت في روحها انا امصبيه على كرعيا وووه انا امصبيه على كرعيا الحمدلله يا ربي الحمدلله واطلعت تجري يا ماما يا ماما
امينة:كنك اتعيطي يا ابنيه😳😳
لجين:قعدت نمشي قعدت نمشي ووووه🤣😆 واخيرا
امينة:طاحت على ركبيها واقعدت تبكي من الفرح
لجين:وانزيدك اخرى نجحت الترتيب السادس على مستوى ليبيا وووه يا ماما مش امصدقه اول مره نفرح هكي بعد وفاة بابا بابا اكيد فرحان توا صااح صااح يا ماما🥺🥺
امينة:اكيد فرحان ابنيته انجحت من الاوائل ورفعتله راسه وصبت على كرعيها
الياس:بابا كان قاعد امعانا توا راه فرح اكثر حتى منك ديما امنيته ان نحنا نرفعوله راسه
لجين:تذكري الياس بعد بابا كان ايفرز فيك علينا ايقول هذي مكيفها حد هذي دكتورتي ناا تذكري بعد قلتله حتى انا قالي غير خوذي الثنوية وانجحي فيها وبعد انحق شهادتك بعيني انشوفك تطلعي دكورتي ولالا
الياس:ليش نحنا كل ما نفرحو اتصير حاجة صااح مش مكتبولنا الفرح بكل🥺😭
افنان:الله غالب كان بابا قاعد راه شاركنا فرحتناا🥺🥺
عهود:بنات تذكرن بابا بعد تضربني لجين ايهزب لجين وايصبي امعايا ايقول هذي دلوعتي
لجين:يا ريته قاعد🥺🥺والله الله معاد نضربك ولا انجي شورك يا ريته قاعد توا
الياس:فعلا حياة بدون اب اعي مفيش حد ايصبي امعاك الا باتك مفيش حد يفرح النجاحك كيف امك وباتك الله يرحمك يا بابا خليتنا مقهورين ومكسورين بلاك كسرت ظهرنااا الله يرحمك ويسامحك
لجين:بنات اتصدقن ان خاطري نظبط بابا توا وانقوله شوف شهادتي اني انا دكتورتك اتصدقن خاطري في اللحظة هذي الله يرحمك يا بابا كل حاجة انتمنوها وخاطرنا فيها ادير فيها لنا الا هذ فعلا الاب ما يتعوضش
يقين:باهي فكنا من نكد الله اينكد عليكن لجييين😳😳
لجين:نونااا نمشي على كرعيا قعدت واظبطتها واقعدن يبكن هن الاثنين
يقين:اتصدقي امرايفة على عمو جمال كان هذا راه توا باركلنا واظبطناا وقال سلم ابنياتي رفعلي راسي
لجين:الله يرحمك يا بابا خليت فجوه كبيره فيناا مفيش شي يبنيها
افنان:نونا بيش نجحتي انتي
يقين:ممتاز الترتيب 8على مستوى ليبيا
لجين:انا السادس
يقين:صاااح واظبطن بعضهن واقعدن اينطزن هن الاثنين ويجارن
كانت العائلة كلها فرحانة بنجاح لجين وبتصبايتها بس في فجوه فيهن كلهن اصغيرة ومستحيل اتعوض وهيا توفايت باتهن مستحيل حاجة اتعوضها
المهم اقعدت لجين تجري وتضحك ومرةتذكر باتها تقعد تبكي
حساام:يا هووو راني جبت امعايا تورتة وجبت هدايا هي نحتفلو بالنجاح
لجين:صااح مقلتليش ردينة بيش انجحت
حسام:ممتاز الترتيب العاشر مكرر
لجين:مشاء الله شلتنا كلها من الاوائل خاطري بنعرف من الاول
حسام:تقريبا اميرة محمد من البيضاء مش هنا
لجين:اهاا باهي اسمع اوكي نحتفلو بس انعدو انا وياك انجيبو البنات ومنها انديرلهن مفاجآة اني صبيت على كرعيا
حسام:اوكي باهي البسي ابسرعة على ما ولعت السيارة
لجين:هيا هي اصبر وخشت تجري البست ودارت ميك اب خفيف هذي اول مرة اتمكيج بعد توفاية باتها وبعدها اذكرت باتها مسحتها واطلعت
عدو للبناات وخشن والبنات افرحن بأن لجين صبت على كرعيها واذكرن خالهن اقعدن يبكن اشويا وبعدها اطلعن جن في حوش البنات دارو حفلة وكلمو اسماء عمتهن ورانيا ودارو جوو خيال بعدها عاد دارو العشاء
حسام كلم لجين في الحاجر برا لجين طلعتله
حسام:مقلتيش شن تبي هديتك
لجين:اممممممم
حسام:مفيهش تفكير هذي انا جبتلك وفضت
لجين:وشن جبتلي ان شاء الله 😌🤨
حسام:تعالي امعايا جوا للصالة وخش طبعا الصالة كانن فيها امل وامينة واسماء ورانيا والبنات كلهن اسمعوني كلكم انا اليوم بنعلن خطبتي للجين قدامكم كلكم
لجين:😳😳
حسام:ركع على كراعه تقبلي اني نخطبك💍
لجين:ركعت حتى هياا اكيييد
الكل:ووووووه 🤭🤭
امل:مشاء الله خير ما اخترت يا اوليدي قتلك يا امينة اموافقة ان اناسبوكم
امينة:او وين نلقاا زيكم اناا ونلقا زي حساام اللي درته زي اوليدي
رانيا:وين يا لجين على رومانسية والجو اديرو في ارواحكم اتراك
امل:بالنسبة ليا انا مش مستغربتها اولدي كاين يقرا برة اكيد متعلمها هل خصلة بس يلي امحيرني لجين اللقطة يلي دارتها وقعمزت وصباته هذي من وين متعلمتها
لجين:مسلسلات ونت منوحلو في شي يا اعميمة😁
البنات:😂😂
امينة:تحشمي يا فرخة
لجين:المهم حسام هذي هديتك
حساام:اهاا كيف مش عاجبتك🙃
لجين:لا هيا اكويسة بس نبي هدية وحدة اخرى
حسام:مثلا
لجين:البنات ايباتن اليوم نبو انديرو جو او هكي
حسام:انفكر
لجين:حساام فكنا من السماطة عاد خليهن والله لنا زمان ما بتنا مع بعضنا
حسام:امباهي وانتي شورك التجداي
لجين:نجيه يا خية😁
امينة:تحشمي يا ابنية
لجين:🙃🙃
روحت امل واقعدن البنات ويقين روحت للحوش هلها دوت الباتها على لجين انها صلت وقالتله بنبات او هوا قاللها باهي جابت شنطتها وجت التمن عاد البنات وخشن في الدار الياس في تركينة تدوي مع اسلام او ردينة ردت هيا او سند من ايام العزاء وبثينة دايرة علاقة مع مؤيد وسحر وعهود الباردات فاتحات على شير ويهدرزن مع بعضهن وافنان امكسدة على فونها او جوها مش تمام
لجين:نونا
يقين:نعم
لجين:بحتي شن اندير وعدت انتشت من البنات كلهن الفوناات
الياس:انعن محماط اسلام على خط
لجين:الو اسلام عرفتني صااح
اسلام:معقولة ننساك لجوني
لجين:المهم معليش سامحني بنسكر اشويا انا جعانة بيش الياس اديرلنا صحور
اسلام:😂😂تمام تمام خوذي راحتك
لجين:نجيه يا خية😁
اسلام:اوكي وسكر
لجين:مشاء الله الوليد ذوق
الياس:ما نحكيلك اكيد حبيبتي
خذت يا حنة لجين الفوناات كلهن وطمرتهن في دار امها برة وعدت للعلبة امتاع يلي تفصل في الضي نزلت المفاتيح واطلقت شعرها وجت يلا البنات من الباب تزحف
الياس:بنات وحدة اتولع فونها شكله الضي انقطع
ردينة:لجين خذت الفوناات كلهن واطلعت ادس فيهن واتجيهن عمتك لجين من عند اكراع ردينة واتكرها
البنات:ووووووووه ووووووه عفريتة عفريتة
ردينة:يا نعلي يا باتي انقذني ووووووووه ووووووووه
لجين اتسيب ردينة واتكر افنان
افنان:انقذني ووووه ووووووه يا بنات واقعدت لجين اتعض فيهاا من اكراعهاا وووووه ووووه قطعتلي اكراعي هذي اكيد عفريتة محمود الهبل
عهود:يا نعلي يا باتي ووووه مزلت بنعيش مزلت بنعيش
اشويا هكي او ولع الضي لقن عمتك لجين طالقة شعرها لجين انفجعت من ولع الضي ويتعرمسن عليها البنات كلهن انتي يا واطية عطك ما يفجعك ايواااا
لجين:يا نعلي يا بنات قتلتني قتلتني
ويسمعن صوت الباب ايدق وووه الباب ايطق
الباب
دق دق دق
افنان:بنات بعد خطرها بندويلكن موضوع🥺😔
انتهت روايتنا اليوم قولكن شن حيصير في قصص البنات وشن بتقول افنان للبنات ومن ايدق على بابا كله حنعرفوه في الحلقة الجاية
رواياااااات: بنتك يا ابلادي ❤️🥺 كانت معكم الكاتبة: سالمة خالد الحوتي🥺❤️
أنت تقرأ
أحببته ولم أراه للكاتبه سالمه خالد عبدالله الحوتي
General Fictionاهلين بنااات طبعا انا هذي تعتبر اول رواية ليا لان من قبل كاتبة رواية بس مش امكملتها تمااام وهيه رواية: احببته ولم اراه🥺💚:- المقدمة: تحكي على 4 قصص واقعية وفيها اشويا من خيالي بس مش واجد طبعا انجو للاول بطلة اسمهااا اليااس عمرها 20 سنة كانت بنت جر...
