الحلقة الثالثة من رواية:
احببته ولم اراه:-
رواااد:لجييييييين
لجين:نعم عطك داء
رواااد:يقين جت
لجين:احلف
رواد:والله مع خشة يقين
لجين جت تجري نوناااا وسلمت عليها كنك ما قلتيلي انك جاية اليوم
يقين:والله هلي توا عدو للخالتي قلتلهم منيش ماشية قالي بابا متقعديش ابروحك في الحوش تو انشيلك للجين
لجين:نجيه خالي وينه هوا قاعد برا
يقين:اهاااا
لجين:انعدي انسلم عليه
يقين:تموم
عدت لجين سلمت ع باات يقين لان تعرفه كيف باتها ولان هيه ويقين صحبات من هنه اصغااار فالعيلتين متعودين ع لجين ويقين
المهم خشت يقين للدار البنات سلمت عليهن وطبعا البنات دايرات امعاها دلالة لان كيف اختهن وديما اتجيهن وقعدن ايهدرزن مع بعضهن لعند ما دق الباب
اليااس:افنان وراسك عدي افتحي
افنان:من اعيوني عدي افتحي لجوني
لجين:حاضرين نونا عدي افتحي الحوش مش غريب عليك راه
يقين:يا بتي انكسر كلمة صاحبتي عهودي انتي كيف خيتي اصغيرة صاااح عدي افتحي
عهود:حاضر يا خيتي الكبيرة ردينة عدي افتحي
ردينة:بثينة عدي افتحي
بثينة:سحر عدي صغير القوم خادمهم
الياااس:ووووه انعن محماط الباب اقريب ينقلع وانتن اللي هذي ادز في اللخرة ايااااد
اياااد:نعم
الياس:عدي افتح الباب راه انحرش فيك مراد (طبعا هيه قالتله هكي لان مراد اموصيه قاله متخليش البنات يفتحن الباب)😂😂
اياااد:حاضر وعدا فتح الباب طلعت رانيا
رانيا:وينكن يا صبايا
البنات اطلعن يجارن عرفنها رانيا سلمن عليهااا
الياس:والله عرفتي اتجيبيه ليحة (قصدهن سيدهن صالح)
رانيا:والله من بدري نجدا فيه انجو بدري قالي انقيل قبل باهي شخباركن وشن جوكن عاد
لجين:والله يا حنة حال الكساااد
رانيا:كلنا والله
خشن البنات واقعدن ايهدرزن مع بعضهن هنه والصبايا
امينة:هي يا امل ورانيا صبن خلنا انديرو امقطع
الياااس:يع فكنا منه
امل:خلينا انديرو رز جاري
بثينة:اعي هذيصما اتقول قاعدين ف العصر القرمنلي مفيش الا الاكلات هذين توا
امينة:باهي خلنا انديرو حساء
لجين:افنان ورانيا ويقين ميحبنش
امل:بنات اخر زمن والله نحنا معمرنا درناه هالخبر شن اع واعي
لجين:عاودي انتو هذكوم مش نحنا
امينة:باهي خلاص وانتن ما فلحات غير في الجلاطة باهي توا شن انديرو العشاء
عهود:مكرونة جارية حانطة حارة اديرها لنا الياااس
ردينة:الله
سحر:خلاص هيه يا الياس ديريها لنا او راسك
الياس:باهي بس بشرط
البنات:هاااا
الياس:اتخشن امعايا كلكن للكوجينة
البنات:تم
وخشن البنات الكوجينة وبدت الياس ادير وحدة تفرم في الخضرة او وحدات ايديرن في المصير او وحدات ايديرن في السلاطة
لجين:بنات شن رايكن انديرو بابا غنوش
يقين:الله غالي عليا
لجين:معناها يا حنة عري ذرعانك او تو انديروه انا وياك او ردينة لان الياس اطيب وبثينة وافنان ايديرن في السلاطة وسحر وعهود ايديرن في المصير
وبدن البنات في البابا غنوش
لجين:نوناااا
يقين:نعم
لجين:بااتي وراسك انديرو جو
يقين:مش شوري شور بابا كان عليا نااا منتحرك من هنه بكل
لجين:ما عليك فيه خالو تو انكلمه
يقين:كلميه كان وافق
لجين معناته تعالي ابشري الثوم علي ما جيت
يقين:تمووم
اغسلت لجين ايديها وعدت رنت ع بات يقين
لجين:الووو خالو ناصر
ناصر:هااا بنتي كنك تبي حاجة
لجبن:لا سلامتك بس بنقولك انا بناات عمتي جياات اليوم وبيتات نبي نونا اتبات امعانا باهي وراس خالي ناصر خليها عاد ناا معنديش خوت اكبار (طبعا للي اتقول ليش قالت هكي هما ما يخلوش في بناتهم لان في شباب وهكي وطبعا الشرقاوية عارفة عادتنا كلا بالنسبة للغرابة الله او اعلم شن روتينهم المهم خلونا انردو للروايتنا)
ناااصر:باهي حاضر بس ناا بكرة عندي شغل احتمال منجيهش راه
لجين:معناها مفيك مجاها حتى بعد بكرة تو اتبات وانعدو للمدرسة مع بعضنا
ناصر:اوكي ديرن رايكن
لجين:نجك ليا يا احلى خالو
ناصر:باهي اوكي صكري توا وصكرت خشت ع البنات
يقين:شن قالك
لجين:قال لالا
يقين:يا خسارة
لجين:انبصر قال باهي او اخرى بايته عند الاحد
يقين:احلفي
لجين:والله
يقين:كيف ايصير في شنطتي ودبشي
لجين:ما عليك تو انرنو ع مروة اختك وانقولولها اتوتيلك كل حاجة ويعدي رواد ايجيبه حوشك اهو خطوتين تعزقي حيطة اطب فيه
المهم طاب العشااء وجت مكرونة جارية وحانطة وحارو واتهبل كيف ما كانن يبنها البنات🥘🍝🍜
وكلن وكملن العشاء
عهود:بانسبة ليا انا وسحر تو انخشوو للماعين بس بعدين دورت الصحور واماعينه مش شورنا
البنات:تمام
خشن عهود وسحر للماعين والباقي ابرن ع الحوش وبعدها قعمزن اقعدن ايهدرزن اشويا هكي مع جية سيدهن صالح اطلعله وامسكن رانيا او جا وقت التفريش والجو
لجين:انا هن مرقدي امقابل المكيف حولي
يقين:في عرسك يلي ايطب ايطب
الياس:طاح سعدكن ايش دوة كل وحدة افراش انا او عهود او سحر قعدنا بدون افراشات تواطن ولصقنهن في بعضهن والمكيف يوصللنا كلنا
البنات:امباه ولصقن الفراشات وجابن بطاطين وامخاد وجابن جوو زريعة وتساليلت وشكلاطات ومكسرات واقعدن ايهدرزن مع رنة فون افنااان
افناان:بنات😳😳
انتهت روايتنا اليوم قولكن شن مزال مستني البنات وشن قصة فون افنان كله حنعرفوه في الحلقة الجاية
كانت معكم الكاتبة:-
سالمة خالد الحوتي❤️🔥
أنت تقرأ
أحببته ولم أراه للكاتبه سالمه خالد عبدالله الحوتي
General Fictionاهلين بنااات طبعا انا هذي تعتبر اول رواية ليا لان من قبل كاتبة رواية بس مش امكملتها تمااام وهيه رواية: احببته ولم اراه🥺💚:- المقدمة: تحكي على 4 قصص واقعية وفيها اشويا من خيالي بس مش واجد طبعا انجو للاول بطلة اسمهااا اليااس عمرها 20 سنة كانت بنت جر...
