أحببته ولم أراه للكاتبه سالمه خالد عبدالله الحوتي

رواية أحببته ولم ٱراه

الحلقة الخامسة من رواية:
احببته ولم اراه:-
اطلعن فرشن في الحاجر برة واقعدن ايهدرزن مع بعضهن ع خشة حسااام
الكل:😳😳
حساام:كنكم اتقول خاش عليكم داعشي
جاته تجري امه تضبط فيه
امل:وينك يا وليدي وينك يا جنيني رايفت عليك امتى روحت من المانيا وكنك ما قلتلنا
حساام:تي غير وسعي بالك يا امي وقعد ايحب ع ايدها وراسها والله رايفت عليك يا نبع الحناان مع خشة رضوان
رضوان:حسااام😳😳
حساام:الله خويا صار منه وقعد راجل
جن ردينة وبثينة وسحر يجارن اضبطنه
ردينة،بثينة،سحر:😭😭😭وينك يا خييي رايفناا عليك لكي 8 اسنين برة
حسااام:والله حتى نااا رايفت عليكم وينكم اكبار ازح مش كيف في الفون المهم اهو 8 اسنين معدنش ع الفاضي روحتلكم الدكتور حسااام بس هذين من اوو عمتي امينة
امينة:اضبطاته الحمدلله ع سلامتك وينك يا وليدي كيف صاير امعاك في الغربة وبحت باستغراب
الياااس:اوو احسومة اكيد انسيتناا عاد انا اليااس
افنان:مش منه يا حنة حق الاجنبيات نسى بنات خاله انا افنان
عهووود:طبعا انا اكيد مش ناسيني اناا عهوود
لجين:اهلين انا لجين☺️
حسااام:اهلين بيكن بنات خالي سمحني حقكن ع العين وع الراس بس والله 8 اسنين واجد راه يعني نا عديت وانتن مزلتن اصغار
خشت لجين تجري للحمام واقعدت تبكي
لجين:معقولة نساني وانا من عمري 7 تسنين نعشقه عشق معقولة حتى تذكير مش متذكرني هالله ع الدنيا قديش دواره اناا حبيته حبيته وانا محقيتش عشت في وهم حب (احببته ولم اراه🥺💔)
حبيته طول 8 اسنين كلهن عدا وانا عمري 10 اسنين وانا انحبه بس طبعا هوا اناني معمرش بحت فيا حتى بالكذب اوكي لجين امسحي ادموعك ميستحقش انك تبكي عليه اناا قوية وحنواجهه
يقين:طبعا بعد اسمعت ان ولد عمتهن جت خشت للدار وقعدت تكتب في واجبها لان عيب عندهم تقعد بره استغربت ان لجين خشت للحمام لجييين افتحي
دق دق دق
لجين:هيه يا يقين وانتي حتى الواحد ايخش للحمام متهنوه
يقين:ابسرعة مطوليش
لجين:بصوت عالي الصبر حاجة الزينين كانك عليه يا يقين تقدري
يقين:اسكتي يا بقحة طاح سعدك صوتك عالي
عند البنات في الحاجر برا
افنان:اوسيي
اليااس:نعم
افنان:غريبة لجين مدوتش شي وسلمت عليه عادي وخشت تجري صااح
اليااس:مشعاارف تو انشوفها بعدين المهم انا بنسمع الكلام حسه شوقني بكل الله يا ريت ايديرولي بعثة برة
افنان:القنك الا فاضية بس بحتي الموقف مؤثر بكل بحتي البنات كيف متضبطات خوهن فعلا الخوت عزوة(طبعا الامثلة يلي انقول فيهن امثلة ايقولو فيهن الشراقة فالغرابة ايتعلمو مناااا اشوياا😌😌)
رضوان:يرا كنك ما قلتلناا جاي راه درناا عشاء ودرنااا جوو
امل:باتك عنده علم والله امرايف عليك راه
اسماء:نجك لبا رايح كابر
حساام:كيف تبيني ديما اصغير وين ميرال سيبتها عمرها شهر مع جية ميرال والعيال
اسماء:او هذي ميرال وهذا رائد وهذا رءوف
حساام:مشاء الله الله او اكبر نجكم ليا والله صارر منك يا اسمية وجبتي 3 اعيال اكبر مني 4 اسنين بس
اسماء:ازي عليك المهم شن جو المانيا امعاك
حساام:تموم التمووم
ايماء:دووم
حساام:لالا صقع عليك ما تغديت الا غادي امعاه وجيتكم بعد الغداء
امل:وكيف رضوان مش تغديت مع باتك معناها عالم
رضوان:معقولة ارضيوة يغفل ع حاجة
لجين:اطلعت بصوت عالي لا لا يبتي ارضيوه يغفل ع حاجة بس تو انقولك شن صار حساام رن ع ارضيوة قاله انا جاي عدا استقبله ارضيوه ومشو للحوش تغدو مع عمي واتفق مع ارضيوة قاله متقولهش ودير روحك متندريش وارضيوة داير فيها فيلم هندي خوياا مش عارف شنو طبعا لازم ما يخش مع الدور فهمتي او هوه خش بدرجة غير طبيعيه لدرجة ان حسسني ان جاي من فراش الموت😒😒
حساام:كنه حسيته مش عاجبتك جيتي يا من
ردينة:لجين
حسااام:يا لجين
لجين:والله تقدر اتقول كيفللي امينة:هياا خشوو جوا عدن يا بنيات ديرن قهوة
الياس:حااضر هيا بنات انخشو وانتن يا بنات خليكن مع خوكن هدرزن
ردينة، بثينة،سحر:تمووم مردودة يا اوسيي🥺❤️🤝🏻
الياس:مش بينه
تسريع في الاحداث صبن البنات دارن قهوة وكيكة وبعدها دارن عصرية وبعدها جا بات البنات او روحن ع المغرب اقعدن اسماء او يقين او رانيا دارن عشاء طاجين بطاطا تعشن او روحت رانيا
خشن البنات للدار وامعاهن اسماء
افنان:اعميمة اسماء بندويلك موضوع
اسماء:احكي خير ان شالله كنك
افنان:دوتلها موضوعها هيه او مروان وهذا يلي صار
اسماء:باهي توا شن بديري
افنان:بندوي للامي حسيت روحي متحشمة منها
اسماء:نجك لياا نجيها المتحشمة لالا كان ع الموضوع هذا تو ندويلها نااا امينة معليك فيهااا
مر اليوم كله هدريز وجو وصحور وضحك ولعب ولعبن بنك الحظ ودارن جووو ايهبل
لجين:اسمية
اسماء:نعم
لجين:شن رايك في عطلة 15 انجوكي غادي وانغيروو جوو عندك غادي عند ربيع وعشب وقعمول وقمحي مع اني منحبش وغرنبوش واكريشة وخبيز وخروب وبطوم و اشماري وضمخ(اهااا يلي تسأل اتقول شنو هذين ياكلو فيهن الشرااقة كلهن امشرق يطلعن في الربيع والشتاء طبعااا انا خبيرة في المواضيع هذين شرقاوية😌😌)
اسماء:باهي مقلنالكش اذكريلنااا الاعشاب راه المهم مرحبتين بيكن والله انديرو جوو ايهبل بس المشكلة انتن متجنش
الياس:لالا ان شالله حنجوو المره هذي خلاص مزال ع العطلة اسبوع بس الشتاء كمل نحنا حتى المكيف انولعو فيه فلذلك حنلغو الفكرة شن رايكن انعدو شليه
لجيين:الله
اسماء:عهوود افنان يقين شركنااا في الحديث
افنان:😢😢سااارحة
عهوود:راقدة😴😴
يقين:نكتب اناا والله ماني فاضية
اسماء:نجيها طالبة العلم
لجين:افناان وين سارحة
افنان:لا شي
الياس:اليوم نايضين من 10 انحس في روحي مدقدقة نبي نرقد
اسماء:حتى ناا
لجين:مع ان مش جاايني نووم بس حنرقد وخلاص امري لالله
افنان:تمرقدي تمرقدي مرقد جدي هذك
لجين:ازي
وما رقدن البنات نين ضمن الحوش كله وبخرنه وضمن حوسة الكوجينة
--------------------

تحت اشراقة يوم جديد ⛅☀️
الساعة 11:30
اسماء:هيا يا بنات نوضن بعد الغداء طول بنروح نااا راه
ناصت يقين صباح الخير
اسماء:صباح النور
عدت يقين خشت الحمام وجت ع البنات جابت امية وكبتها ع لجين
لجين:ناضت مفجوعة انعن محماااط يا فرخة الحرام فجعتيني
يقين:😂😂
ناضن البنات يجارن عسبى يقين متكبش امية عليهن وافطرن البنات وبدن في الحوش ضمنه كله وخشن امينة واسماء دارن الغداء رز امحبب ودارن عجة وامصير وعدروحهن دارن جوو
وجا وقت الغداء حطنه وتغدن وطول بعد الغداء روحت عمتهن اسماء اقعدت يقين بس كملن لماعيين وخشن للدار غيرن جدولهن وبدن في واجباتهن وكمل هذك اليوم مفيش اي احداث ناضن كيف الروتين في الصبح البسن البناات وعدن للمدرسة البنات 3 مع بعضهن وافنان للمحد والياس للجامعة
عند البنات وهنه مشيات في الطريق
فراس:عهوود عهوود وقفي اشويا
عهوود:😢😢

انتهت روياتنا اليوم قولكن شن ايصير في قصص البنات وشن قصة فراس اللي وقف عهود وشن ايصير في قصة افنان او مروان كله حنعرفوه في الحلقة الجاية

كانت معكم الكاتبة:-
سالمة خالد الحوتي❤️🔥