أحببته ولم أراه للكاتبه سالمه خالد عبدالله الحوتي

رواية أحببته ولم ٱراه

الحلقة الخامسة عشر من رواية:
احببته ولم اراه:-
افنان:بنات بعد خطرها بندويلكن موضوع🥺😔
لجين:الله يستر بيتك فكينا من مواضيعك توا من ايدق على بابا ازعماا🤔😢
ردينة:مشعارف هي انعدو نفتحو الباب
يقين:تواطن انتي وياها قاعدين في حوش بروحنا بدون راجل كبير مدرعناا من
الياس:صااح بس منقدروش نقعدو هكي لازم ما نفتحوو تو انعدي نفتح انا
لجين:اصبري انعدي امعاكي
افنان:بنات فكنا مرات شي واحد ايخش علينا ولا شي حاجة
عهود:سكفممك انتي خوافة
بثينة:اصبري خلينا انعدوو مع بعضنا
سحر:وكل وحدة تمسك صباط بيش نفتحو ونطلقوهن في وجه تو ايخاف ويهرب
لجين:هالله عليك خوف واجرام جو فيلم هندي قعدنااا😂😂
يقين:حتى انا حسيته
وعدن البنات كلهن باتجااه الباب جت الياس بتفتح الباب
لجين:اصبري يا فرخة الرباا امعش في صوت دق على باب شكله عدا
الباب دق دق دق
الياس:اهوو ايدق نفتح بسم الله الرحمن الرحيم اشهد وان لا الله إلا الله واشهد وان محمدا رسول الله حي على الصلاة حي على الفلاح قد وقاطعتهاا لجين
لجين:انعن محماط مقلنالكش اختمي القرآن نحنا
يقين:لالا انا حسيتها كأنها خشت في اقامة الصلاة جو اتصلي بيناا
افنان:حتى انا حسيييت
واقعدن يضاحكن😂😂
جت الياس تفتح في الباب افتحت الباب وانصدمت
الياس:😳😳😳اسلام شن ادير هناا
اسلام:سبراايز شن رايك
الياس:عارف ان نحنا بنات ابروحنا شن ايفكرو الناس علينا
اسلام:تي غير وسعي بالك بس
الياس:عارف الساعة كم توا
اسلام:الساعة ١ وكل سنة وانتي طيبة وانتي امعايا وان شاء الله عيد ميلادك الاخر وانتي جنبي
الياس:صااح عيد ميلادي 😄😅
اسلام:عارفة اني انحبك وانموت فيك واني من ١٢ هنا ونسمع فيكن اتقرمن وتضحكن وانا نستنى فيها تهلب ١٢
الياس:وانت عارف انك احسن حاجة صارت في حياتي واني بلاك ما نسووا شي
اسلام:خطف منها بوسة على فمها على السريع
الياس:😳😳
البناات:اوووووووووو وين الرومانسية هذي😂😂🙃😁
اسلام:اسكتن فضحتن بأمنا وبعدين من امتى وانتن هن
لجين:من اول ما افتحت الباب🙊🙈🤭
اسلام:تخزرط او وجه قعد حمر اهاااا
😅🤗باهي المهم جايبلك تورتة وهدية في السيارة دزي عهود وسحر ياخذنهن مني
افنان:الله الله عليك زيطة اليوم شكلها
الياس:سكفممك يا فرخة الرباا فضحتي بأمنااا😂😂
عدن عهود وسحر جابن التورتة وجابن امعاها شكاير عررم وخشن يجرن للداار وقعمزن عليهن
الياس:يا فرخاات الحرام جيبن الشكاير هن انشوفهن ناا واول حاجة خذت بوكس اللي فيه التورتة فتحتها لقتها بالكرمييل والنوتيلا والكيكة بالكاكاو مش بيضة يعني كيف ما اتحب هيااا اتجنن وافتحت الشكارة الاخرى ثقيلة لقت فيها كبابي عصير طبيعي حاسب خواتها وخوتها وامها يعني 8كبابي وافتحت الشكارة الاخرى لقت فيها توتة بناتية لونها بودري حلوة بكل وامعاها ملابس داخيلية وافتحت الشكارة الاخرى لقت فيها انواع الشكولاطات اللي اتحبهن كلهن وامعاها تسالياات وزريعة ومكسرات وافتحت اشكارة لقت فيها جميع انواع الفواكه وشكرة وحدة اخرى فيها ثلاث اطباق جولاطي العائلة وافتحت اخر اشكاره لقت فيها بوكس فتحاته لقت فيه ساعة فضيية حلوة بكل وامعاها عطر وامعاها سلسلة ذهب فيها صندوق اصغير تفتحيه مكتوباات اسمائهم هما الاثنين
البناات:مصدومااات😳😳😳😳
لجين:الله واكبر هذا شكله حط مرتبه كله في عيد ميلادك😂😂
افنان:مشاء الله ابصدق عليك جيب جابه تهيالي حتى في اسيااق ما ايجيبووه هالجيب
ردينة:ابدع الوليد ذوييق طلع😅🙃
يقين:عارفة يا الياس شكله ايحبك بكل ربي يحفظكم من العين
بثينة:بس بنسألك
الياس:تفضلي🙃
بثينة:يعني توا لكم اقريب سنة ونص مخطوبين مفيش اي جديد
الياس:لا هوا قالي انطلعوو الفرح وهكي اشويا نا قتله بابا ملهش شي وهكي خلاص معش فتح الموضوع
افنان:بناااات🥺😔
بثينة:نعم
افنان:امبدري مروان رن علياا وقالي اسمعي راه يوم الخميس بنجي بنحدد العرس انا اكبر واحد وامي اتزنلي بتجوزني
لجين:وانتي شن قتيله
افنان:انا سكرت في وجه حسيت روحي فرحت وفي نفس الوقت وجعتني ان بابا يعني ما يحضرش فرحي
ردينة:بس انتي لعند امتى وانتي هكي ان شاء الله كثر خيرهم الرجالة اصبرو عليكن شبه سنة امسكرة خلاص خالي الله يرحمه كلا قعدتكن في الحوش متبيش اترده راه انتي والياس توكلن مقعدتن الا واجد
الياس:انا منبيش نجوز انخلي ماما وخواتي ابروحهن
بثينة:يا احمارة هذا مش حل لازم ما تجوزي انتي وافنان بيش يقعدو في رجالة في الحوش مرة تقعدي انتي هنا مرة افنان هكي محد ايقول بنات برواحهن فهمتي وبعدين اخويلة امينة لعند امتى وهياا هكي فرحنها راه الام معندهاش كيف فرحة بعد اتحق بناتها متجوزات ومتريحاات
لجين:صااح صاااح كلامهن صاح ردينة وبثينة لعند امتى وانتن امعنزات هناا عدن او وسعن علينااا وصبت تجري صبت لحقتها يقين
يقين:كنك يا فرخة فيش اتحسي
لجين:اتصدقي مش متخيلة حوش بلا خواتي بلا الياس اختنا الكبيرة بتطلع خلاص وبلا افنان اللي ديما تسرق في ادبشي يعني بيجوزن هناا وبعدها انا وبعدهااا عهود وانتفرقو يقعد حوشنااا فاضي بعد كان كل لعبناا فيه وضحكناا وعرايكناا وعياطنا خلاص حتنتهي كل حاجة
يقين:كنك انتي يا مطرشقة هذي سنة الحياة صيورنا كلنا متجوزين وامسيبين حواشيين هلناا
لجين:بس بحتي كيف تمرمدنا نحنا في حياتنا هذي ايام وانا كنت 3اعدادي او خواتي مزالن اصغار يعني الياس كانت 2ثانوي بعد بابا سافر حقيتي انتي كيف اكذبو علينا اسيادي وكيف بطلو الياس من القراية وشوهو سمعتنا قدام الناس اكذبو علينا انتي سمعتي شن قالو سمعتي قالو ان الياس دايرة علاقة وايجيها عند الحوش ويقعد عندهم واكذبو ع ماما وقالو طالعاات كيف امهن يعني اطعنو شرف ماما خلاص نحنا حياتنا ادمرت من الكذبة هذك يعني الياس حصلت طرايح من اسيادي وبابا بس فعلا ربي يخلق مصيبة وايجيب الصبر امعاها سبحان الله الصبر اللي نزل على الياس الفترة هذكاهي معمريش حقيته عند واحد يعني انتي ابروحك كان ايصير امعاك تهربي ولا اديري في روحك حاجة بس الياس اصبرت وخلت بابا ايحق الصدق في عيونها خلت الناس كلها تحكي على ادبهاا لبابا خلت بابا يوثق فيها ثقة لدرجة ان كان دارت هكي صاح مستحيل ايصدق🥺🥺
يقين:فوتي توا البنات فرحانات فكينا من النكد خلينا انخشو جوا وانخلوهن ايوافقن نبو فرح ازح
لجين:هالله لنا اقريب سنتين مخشينش فرح عارفة من قبل ما ايموت بابا الله يرحمه مفيش فرح اصلا وبعد مات بابا نحنا معش حضرنا بكل
يقين:تي هيا خشي توا حنديرو عرس امطنطن من عين عينه
لجين:الله خاطري في فرح
خشن البنات او اقنعن افنان بأن اتوافق
ردينة:بنااات
عهود:كنك شن تبي
ردينة:جعاانة نااا
يقين:تواطي يا عازة عارفة الساعة كم
ردينة:كم🤔🤔
يقين:4:30يا يااام تواطي
لجين:حتى ناا جعانة خاطري في مثرودة🥺😁
افنان:تواطي فكينا من الحوسة كره
الياس:الله واتجيك امعاها اكبيبايت اللبن المسقعة حي عليهم🤗🤗
لجين:باهي وراس الياس صبي انديروهااا
بثينة:طاح سعدكن تواطن تمرقدن الصباح ربااح
يقين:هيا يا لجوني انصبو انديروهاا الله
لجين:هياا كلكن صبن وحدة تعجبن عجينة الفطاحة او وحدة اتضربهاا او وحدة اتصبي على طاجين اطيبهاا او وحدة اتقعمز اتكسرها او وحدة تاخذ التمر اتفصفصه او وحدة اتوتي الحليب اديرله سكر واطيبه او وحدة اطلع الزبدة اتسيحها
الياس:مشاء الله عارفينك حافظتيها بس انتي شن اديري يا آنسة
لجين:انا تصباايتي ابروحها تكفي😌😌
ردينة:الله افرط عليك اشاطرة
لجين:وووك راكن تاكلني انبصر تو انخلطه على بعضها نااا
يقين:في عرسك ساهلة التخليطة يا ياام
لجين:سكفمممك انتي يا فرخة عنجد ساهلة التخليطة صدق اللي قال اللي ما يعرف ايقول اسبول(بناات بنقوللكن على مثل امتاع اللي ما يعرف ايقول اسبول عيب راه مرات اتقولنه يلا باتكن او خوتكن غير طلع حسب المحادثة والهدريزة بس😁)
افنان:باهي خلاص توا بتخشلناا على احكام وهكي معش انديرو توا بكل
لجين:صادجة ما قصرتشي على مقاويل سبيتشة😂😁
الياس:هيا يا فرخة انتي وياها
وخشن البنات للكوجينة كلهن اعجنت الياس وبعدها ضربت بثينة وطيبت افنان وكسرت يقين او رينة وسحر او عهود قعمزن على تمر حبه ايفصفصنها او حبة يكلنها او لجين طلعت الحليب و الزبدة وحطتهن على ناار مسرع ما كملن فعلا حمل الجماعة ريش زي ما ايقولو الشراقة المهم خلطت لجين هذك المثرودة منسهفكنش بيها اتجنن مش ناشفة بللنها بالزبدة والحليب واجد ومش سامطة او تمرها واجد او اخرى لقن باكوين لبن النسيم في الثلاجة طلعنهن الكلام هذا مع 6:30حطنها او وعن امهن قالتلهن كولن نا بوشراح منبيش قعمزن عليها كملنها كلها وضحك ولعب عليها واعباد الله تهيالي قرمنهم كلهم 😂😂😁
المهم اغسلن المااعين ورقدن ناضن ثاني يوم الساعة 2على غداء تغدن كاين الغداء كسكسوو ايهبل (طبعا نحنا الشراقة بالخضرة يعني كوسة وابكيوة او بطاطا او هكي بس الغرابة انتو اتقولو بالبصلة مشعارف كيف بس تهيالي حسب ما فاهمة نااا نحنا هنا انقولو بالتقلية بس انتو مشعارف عاد المهم انردو للروايتنا بس قبل ما انرد كان وحدة تقرا في الرواية غرباوية اتخش اتقولي شنو كسكسو بالبصلة الواحد ايتعلم على حاله😂😂)تغدن يا حنة بعدها سحر او عهود دكنهن في الماعين والبنات نكتن الحوش كله عاد الخميس العرب بيجو ايحددو او هوا كاين ثلاث خلاص عدت الياس دوت الامها ان عرب افنان بيجو ايحددو الفرح او امهن افرحت ان بناتها خلاص فكن الحزن وافرحت لان اي ام تفرح ببناتها بعد يبن يجوزن المهم كملن البناات غسل وتسيق وتنشيف وحك ومسح وتلميع وهكي خلاص عاد قعمزن باطلات مع الساعة 5 جابن عهود او سحر نسكافيه او كيكة بالدانيت دايراتها هنا لان قالنلهن امسكن الكوجينة مع المغرب جا رضوان بيروح بالبنات وكانت بالصدفة يقين طالعة للحوش هلها بتجيب دبش اخبطت فيه
يقين:انعن محماط عطك ما يعميك متحقش
رضوان:والله يا آنسة انتي اللي اتهرسي تهيالي انتي مفروض اتبحتي قدامك
يقين:بلا اطروح كره بديرلي فيها فيلسوف توا او عدت او سيباته
رضوان:انعن شكل ام الجلاطة معمره حتى بالكذب دوت امعاك بنت هكي ديما يجارن وراك بس هذي بعقولة بعقولة😳😳(ههههههههههههه ووووه يا اهنيوة بعد طقيت في كلمة معقولة خطرتي علياا انتي قلت والله انديرها بعقولة😂😂😂😂🤣)
خلاص خش رضوان سلم على مرات خاله والبنات او قال للخواته هيا بس امينة مسكتهن قالتله لالا خليهن بيجو رجالة يوم الخميس ايحددو حتى امك خليها اتجي او باتك حتى هواة نبو راجل كبير ايتفاهم امعاه او قالتله كلم خوالك الكبار اللي هما محمد واللاخر وهكي المهم عدا الثلاث على بنات تعب كله طبعا يقين جابت دبش وردت اقامة ناضن يوم الاربعاء في الصبح عاد بيش ايديرن ضيفة الرجالة اللي خذت الشاورما واللي البيتزا واللي البوريك وجت اسماء او رانيا بايتات واقعدن ايديرن مع بعضهن عااد كمل اليوم مفيش اي احداث ناضن ثاني يوم في الصبح افطرن بعدين انطلقن للحوش اللي اطلعن للحاجر ايسيقن فيه واللي خذن الحمامات واللي الحوش الجواني طبعا امينة وامل او رانيا واسماء هذين ايديرن في الغداء دارن مكرونة جارية او محشي عسبى اسياد البنات او خوالهن جو كلهم عاد اصلا رجالة جييين بيحددو تغدو كلهم وخشن البنات للكوجينة يغسلن في المااعين او وحدات اطلعن للحوش ايضمن ويبخرن كملن البنات او خشن للدار ايوتن في ارواحهن
عهود:ووووه ووووووه 😳😭😭
لجين:كنك يا فرخة الربااا احكي😥😳
عهود:نبي انقول...😳😭😳😭
البنات:😳😳😳😳😳

انتهت روايتنااا اليوم قولكن هل حتكمل مسيرة البنات هكي او لا هل حتاخذ الياس اسلام او في حاجة حتصير اتفرق بينهم وهاكذا افنان او لجين او عهود شن حقت ولا شن اسمعت نين خشت على بناات منفجعة او تبكي كله حنعرفوه في الحلقة الجاية

روايااااات:
              بنتك يا بلااااادي🥺❤️

كانت معكم الكاتبة:-
سالمة خالد الحوتي🥺❤️