أحببته ولم أراه للكاتبه سالمه خالد عبدالله الحوتي

رواية أحببته ولم ٱراه

الحلقة التاسعة عشر من رواية
احببته ولم اراه:-
ما قبل الاخيرة🥺💪🏻
عهود:قولن شن سمعنااا
الياس:هااا
عهود:البنت المزيتة هذكي اللي لابسة اصفر عرفاتها
ردينة:اهاا كنها
عهود:قالت قصدكم هذي مرات طليقي
لجين:كيف شن قصدك
افنان:شنوو😳😳
عهود:وحق ربي باهي
الياس:عارفة روحك شن اتقولي
عهود:وربي باهي عليش بنكذب
بثينة:بلكي تدوي على ولية وحدة اخرى
سحر:لا يا بتي تحكي على افنان
يقين:معناها كاين متجوز
افنان:مستحيل
لجين:مفيش حاجة مستحيل مع الرجاله معمرك ما توثقي فيهم ما يملى عيونهم الا التراب يمكن ما عجباتش هذكي اجوزك انتي حقيتي
اشوياا هكي وجابو العشاء وبعد العشاء دارن شوط اغااني وبعدها قالولهن هياا
جن البنات ايسلمن على افنان
بثينة:بااي تو انرايفو عليك
افنان:معندكن عليش اترايفن علياا وربي كان طلع الموضوع صح بعدين في الليل انكون عندكن
بثينة:اتشوشلها فكيني من نوبرة او تواطي واقهريه خليه ايحق وما يطق ندميه على ساعة يلي دس عليك فيها واسمعيه قبل متحكميش عليه
افنان:ازعمااا🤔
بثينة:مفيهش ازعما تو بعدين اندزلك رسالة على واتس انشوف شن صار
افنان:تمام
لجين:بصوت عالي بثينة هيااا
بثينة:هياا هي امواااه امواااه سلمت على افنان واطلعت
روحن البنات للحوش وكل واحد روح للحوشه معادا رانيا واسماء والبنات اقعدن ايلمن وضمن الفرش كله وسيقن الحوش وكملن بعدها كل وحدة عدت لفراشها يلي اتكلم في خطيبها ويلي في حبيبها ويلي امكسدة على واتس مع صحباتها اشويا هكي او توصل رسالة للعهود
مجهول:كل عاام وانتي امعاياا كبرتي سنة توا وقعد عمرك ١٨ العقبال مية شمعة
عهود:من انت معليش
مجهول:تو ايجي يوم او تعرفي من كل شي في وقته حلو
عهود:اسمع قول انت من
هي
نحكي ناا
انت وينك
رنت عليه عطاها الرقم المطلوب غير مستعمل سكرت فونها واقعدت على فراش ما بين الافكار اللي اتعدي واتجي استسلمت للنوم وارقدت

رن فون سحر دايرته على عاام
ردينة:يا فرخة يا سحر فونك ايرن نوضي هاي نوضي مثقل نومك
سحر:هياا هي وانتي غجرية لقت الرقم مجد قلبها دق وكأن اول مرة يدوي امعاها ردت
مجد:الووووو
سحر:ايواا
مجد:شنجوك اليوم
سحر:الحمدلله بخير وانت
مجد:الحمدلله ماشية
سحر:شن تبي ران توا ان شاء الله خير
مجد:لا خير خير ان شاء الله بس بنسألك
سحر:تفضل
مجد:زعلانة مني عسبى الكلمة يلي قلتها لكي
سحر:اين كلمة🤔
مجد:سحر فكيني من العباطة
سحر:😂😂😂انبصر امعاك
مجد:دوووم ،باهي هاا شنو زعلانة
سحر:لا والله عادي معتبرتك كيف خوياا اص جت بتكمل الكلمة قاطعها مجد او واضح انه يدوي بعصبيه
مجد:تي افهمي يرا مش خوك ناا تي انحبك افهميها ازف معقولة على من لمح على مندير كل حاجة اتقولي خوياا مش خوك مش خوك بحت في الخط لقاه امسكر انعن شكلها بكل سكرت🤬🤬😤😠😡
سحر:سكرت الخط منصدمة من الكلمة خالطة عليها من جهة فرحانة ومن جيهة زعلانة ومن جيهة مش مستوعبة يلي صاار اقعدت تبكي او خلاص وهياا امغطية روحها بالبطنية وتبكي على صاامت وفي النهاية استسلمت للنوم
انجو عند مؤيد وبثينة هدرزو هدرزو وبعدها يلي هذا فيهم نعس واستسلم للنوم
سند وردينة كيف الجوو هدرزو وبعدين اللي هذا فيهم رقد