أحببته ولم أراه للكاتبه سالمه خالد عبدالله الحوتي

رواية أحببته ولم ٱراه

الحلقة العاشرة من رواية:
احببته ولم اراه:-
الشباب:هي نهربو فوق اسطاح🙄😳🥺
لجين:تواطر انت وياه بعدها هذا وين عطبت امعيشتنا
حسام:باهي توا شن انديرو
لجين:غير اسكتو بس
جتي:تعالن هن تكذبن علي نااا وبصوت عالي اتقول فيها
الياس:سكتنها الله ايربحكن مش ناقصنا راه ينزلو علينا اسيادي
ردينة:يا جتي نحنا كنا مع رانيا ونحناا طالعين كلمونا الشباب جايبين بيتزا ونحنا جواعة خشينااا كلينااا وبعدها طول طلعنا فهمتي
جتي:اهااا ايوه ايوه باهي خشن رقدن الصبح طلع
لجين:وووه واخيرا😪😲
افنان:هيا خلنا انرقدو هالساعتين قبل ما ايجن عماتي ايوعناا بكرة ورانا وعية بدري بس صاح اين بحر ماشيله
لجين:الله او اعلم
وخشن البنات للدار طبعا ممنوع المكيفات
الياس:كنها جتي امسكرة الروشن حمووو افتحنه
بثينة:وووه عليك ظغط
لجين:تو انحله نااا وجت حلاتها
جتي:بصوت عالي لالالا تبن تقتلني انتن ولا شنو
ردينة:يا جتي والله حمو مفيش ريح برة راه
جتي:حتى او كان الروشن ما ينفتحش
افنان:يا جتي انا ايصيرلي اختناق من الحمو شن اندير
جتي:عدي بلا بلعطة فكينا من الكذب
الياس:بناات انا ما نقدرش نرقد في الحمو ديرن راي
لجين:انا فكرت فكرة
ردينة:مع ان افكارك سود نود كيف وجك بس شنو
لجين:انعدو لشباب
افنان:انعدوو لشباب انعدو لشباب شن عندك انتي بس غادي😉
لجين:صكفمك يا حقيرة والله نحكي جد انعدو لشباب انقولولهم ايباتو فوق ونحنا انباتو في المربوعة وانسكرو الباب بالمفتاح
بثينة:صاااح مفيش الا الحل هذا
الياس:يا بنات اسلام ايرن
لجين:شن يبي الساعة 5 الفجر ان شاء الله خير
الياس:ان شاء الله وردت
اسلام:الووو
الياس:اهلين شن جوكم
اسلام:انقولو حمدلله بخير
الياس:دووووم
اسلام:دوم نبضك
الياس:تسلم قتلك
اسلام:نعم
الياس:كنك ران توا خير ان شاء الله
اسلام:والله واحد ران بيطمن ع خطيبته فيها خير ان شاء الله
الياس:لا مش هكي بس اول مرة اترن عليا وهكي فهمت
اسلام:اهااا باهي شن جو القراية امعاك
الياس:الحمدلله لحدة الان تمام
اسلام:لا انتي طالبة ممتازة مشاء الله عليك
الياس:تسلم المهم شن اخبار حنين وهديل وغفران وخوك واللاخر فراس
اسلام:مشاء الله حفظتيهم والله اكويسين كلهم
الياس:اسلام راه انا قاعدة عند عيت جدي
اسلام:امتى عديتي وكنك ما قلتيلي
الياس:اسمع قبل مش عابية ع الجية بس زروني اسيادي روحت امعاهم ولان بابا قاعد مقدرتش انرن عليك
اسلام:عندهم اعيال اكبار اسيادك
الياس:اهااا عندهم
اسلام:عاااد ضيعي غادي
الياس:اسلام شن قصدك المهم انا قتلك لان بكرة ماشيين للبحر شاليه اسبوع واوكي وسكرت لقت البنات امرقدات وجوهن تمام عادي اووووف حمو بكل انعدي انفرش قدام المنور
وعدت فرشت قدام المنور ورقدت ناضن البنات ع صوت هرجة وتقربيع لقن جتتهن اتوتي في القوابي وجيات عمتهن عاد خشن اغسلن او توضن او صلن وسلمن وقعمزن يفطرن
لجين:اسمية اين بحر ما شيله
اسماء:والله ماني عارفة بس امبدري ايوصف صالح ع واحد شور سيدي خليفة هكي
لجين:يعيييي فكونا منه غادي هايج ديما ايقول كان تبي الربيع شرق وكان تبي البحر غرب
اسماء:اهااا قالوها له الشباب بس انتن وين ركبات
لجين:بالنسبة ليا انا اكيد مع مجد لان ميمتعش وامولع المسجل ع الاخير والرواشن حتى هنا
الياس:انا بنركب يا مع سند يا مع زيد ايمتعو ويجارو
بثينة:بالنسبة ليا انا تو نركب مع مؤيد ميجريش بس ايديرلنا في جو في السيارة
افنان:انا معاك
مع خشة رضوان جايب عهود وسحر
عهود:انا مع رضوان
سحر:حتى نااا بعدك انديرو جو في السيارة
المهم كملو الرجالة والشباب تنسيق وبدو يركبو في السيارات جت سوسن بتركب مع مجد سوسن بنت سيدهم بس مش مذكورة واجد ديما اتلصق ع مجد تبيه
مجد:معليش اسف مكان لجوني
لجين:نجك ليا ماسكلي مكاني
مجد:اكيد انتي اللي من قدام تفضلي
اركبت لجين من قدام وافتحت شنطتها واقعدت اتقربج فيها
حسام:شير المجد بيده بمعنى تعال
مجد:جاه نعم
حسام:شن قتلك يا را مش قتلك نبي سيارتك
مجد:تمام هاك المفاتيح او خوذها وخذا هوا مفاتيح حسام خلاص حسام خلاهم عند ما يركبو كلهم او عدو وقعد هوا اخر واحد وعمتك لجين ما تندري ع الدنيا وين فاتحة فاتحة شنطتها واتلقط في لوبان
ويركب عمك حسام
لجين:مجودي هاااي انت شن ادير هنا😳😳
حسام:والله يا انسة كيف ما اتحقي انا اللي بنسوق بيك
وطلع يجري بالسيارة عند ما وصلو للطريق السريع وله الاغاني ع الاخير وقعد ايمتع
لجين:ووووووه يا نعلي وراس امك مزلت بنعيش وراس امك حتى شهادة اعدادية ما خصيتها
حسام:مبش ايعدل عليها ولا كأن
لجين:اقعدت تبكي تنا منحبش يلي يجري وايمتع ليش اخترت مجد حرااام عليك شن دايرتلك نااا🥺😭🥺😭نزلني راه والله نفتح باب السيارة
حسام:قفل السيارة بالمفتاح انزلي هي
انجو في سيارة مؤيد مؤيد يجري والاغاني ع الاخير والدنيا شايلة (الحب ما قدرته يا ناااس الحب ما قدرته الحب ما قدرته يا ناس الحب ما قردرته الحب ما قدرته جربته مرة خسرته طبعا تحية لكل بنت لحنت الاغنية)والبنات شايلات امعاها افنان وبثينة
انجو في سيارة سند زيد بعد محد ركب في سيارته ركب مع سند والدنيا شايلة
الياس:قويهااااا وووووه واتميل مع السيارة ومولعين اغاني راب امتاع(كيف ننساك كيف ننسا غرامك كيف انعيش مجملهن ايامك)خلاص وعمتك الياس شاية مع الاغنية هيا او سوسن بنت سيدها
انجو في سيارة رضوان
عهود:وراس امك بنطلع مع الروشن
رضوان:لالا
سحر:باهي رضوان والله نحنا مزلنا اصغار راه ثانية ثنوي
رضوان:لا صاح اصغار باهي اطلعن من الفتحة يلي في نص السيارة وامولعلهن اغنية راب امتاع دبل واي (طبعا انا منحبش الراب وبذات دبل واي فلذاك مش حافظة شي )
واطلعن البنات من الروشن يلي في نص السيارة وطبعا الطريق كانت فاضية نظرا لان صبح وثانيا هما ماشييين للقمينس اصلا بحرها سمح او ميت ويتعايطن والدنيا شايلة انردو للسيارة حسام
لجين:الله اينكد عليك دنيا واخرة هيواا بحت البنات تو يقهرني ايقوللي ولعنا اغاني وتصفيق او جو وانا قاعدة نبكي
حسام:باهي بنسألك سؤال واحد بس ليش متحبينيش
لجين:زكر تي من عند ربي ازح هك كيف صاار
حسام:باهي ليش متحبيش مجدي
لجين:لان بارد ويتلصق عليا ويتعاب عليه جوووجو جيتي
حسام:والله جايبتيه🤣😂
باهي خلاص تو نفتحلك الرواشن او ولعي المسجل ع الاخير او انتي غني او تو نغلبوهم اقهريهم
لجين:الله باهي هي او لعت المسجل ع اغنية حمزة المحجوبي واحلام ادريم امتاع كبده منسحنه ما ملي كبده منسحناااا كبده منسحنااا ماملي كبده منسحنه كبده منسحنه يحكي غير علينا نحناااا واتعيط امعاها او حولت محرمتها وقعد شعرها طويل هذك اتشيل فيه الريح
حسام:فيش اديري البسي محرمتك😡🤬
لجين:باهي وراس حسومي خليني هكي نقهر البنات وبعدين الطريق فاضية
حسام:حسومي فعلا في وقت المصالح تأتيك الكلاب مشتاقة
لجين:شن قصدك 😡🤬
وطفت المسجل وسكرت الرواشن وخلت شعرها مطلوق البست سماعتها ع اغنية سيلاوي لالالالا هابو جي تي سيلاوي لالالا
المهم (طبعا انا مش جايبتها واجد الاغنية بس يلا )
ورقدت
حسام:لجين لجين
لجين:هاااا عطك دا
حسام:ايشيلك للجلاء
لجين:مرزن دمك
المهم اوصلو وانزلزو الرجالة دوو مع الراجل خذو للشاليه وكان شاليه كبير في 3 اديار وصالة كبيرة وحمامين ومربوعة وكوجينة كبيرة الرجالة والشباب خذو المربوعة والصبايا لكبار دار والدقدق اصغار دار(بنات اللي متعرفش معنى دقدق معناها العيال اصغار المهم)والبنات الشبابات خذن دار المهم حطن دبشهن وحوستهن وهكي
الياس:لجين مع من جيتي حقيت مجد جا في سيارة ابروحه
لجين:صاااح خطرتي عليا وين مجد
افنان:سمعته يحكي المؤيد قاله بنعدي اندخن قدام الشاليه
سوسن:اكيد اتحشم من بابا واسيادي نجيه يا خيتي
لجين:مش امغير ايتحشم😒😒المهم بنات اشويا وانجي وخذت امحبس اصغير وعباته اميه وجت بالشويا للمجد او هوا ايدخن مش فاطن واتكب عليه هذك الميه
مجد:وووووه يا نعن بوك بكل كنك انتي
لجين:هذا عقاب عسبى ضحكت عليا وبدلت السيارة امنور خليتني نركب مع الجربوع هذكاهي
حسام:انا مش جربوع هذي اولا وثانيا انتي اصلك رقدتي في السيارة يعني سوا امعايا او مع مجد راقدة راقدة
لجين:عارفة انا تو نقدر نقصفك بكلامي في نص جبهتك ولكن انا اتحسني نشفق ع امثالك
حسام:شكرا هي اقصفيني
لجين:انت حر طبعا بعد ركبت امعاك في السيارة جيت بننزل ما خليتنيش سألتي سؤالين وانﻻ جاوبتك ولالا وبعدها عدروحك حنيت عليا او ولعتلي اغاني وفتحت الرواشن وبعدها ما خليتنيش نطلع من روشن درت فيها راجل المهم خلاص درتلنا جو عزاء في السيارة ما ناقص غير اتولع قران فبطبيعي نرقد ولالا
مجد:لا صااااح
لجين:بس كان مع مجد راه يمشي علي ما هله وامولع اغاني ع الاخير ونطلع من روشن عادي وراه شرالي جولاطي وراه قتله مواضيع عرم بنقولهن له راه مرقدتش صاح ولال
مجد:صااااح
لجين:باهي اوكي توا باي بنعدي انعوم تو بعدين انتلاقو
وعدت للبنات وخلت حسام مصدوم من طريقة كلامها وثقتها في نفسها
لجين:بنات معش نقدر نصبر بنعوم راه
ردينة:حتى نااا
عهود:حتى نااا
سحر:حتى ناااا
لجين:معناها هي انعدو مع بعضنا والياس وبثينة وافنان هيا
البنات:هيااا واطلعن كلهن للبحر🏊🏻‍♀️🏊🏻‍♀️🤸🏻‍♀️
وعدن البنات وخذن امعاهن كورة⚽🏉
لجين:ووووه الرمله ساخنة
ردينة:تعرفن بنات احسن حاجة العومة توا لان شمس 9 و10 متسودش
الياس:اهااا صاح
لجين:المهم بنخش وعدت تجري وووووووه الميه وكل مرة تدير بيدها ع جسمها لين ازقبت صانتوو
البنات:الله ووووووه احسنتي
لجين:اطلعت من الميه وشعرها الطويل كله ع وجها ولبستها لصقت قعد منظرها ايهبل واقعدت اترش ع البنات بكرعيها
الياس:وراس امك لا تو انخش ابروحي
الياس كانت اتخاف من البحر متعرفش اتعوم
ردينة:ازقبت صانتو
افنان:ووووه العقبالي
ويجي من لاوره زيد ايطحها
افنان:ووووه انعن محماط المية امسقعة
مع جية مجدي
مجدي:قصدكن اتعومن
لجين:لالا نرقصو تي كنك يا راجل انت عبيط ولا تستعبط
مجدي:🙄🙄
لجين:زيودي عدي كلم ليحة وامير نلعبو صيد سمك(طبعا امير سيدهن حتى هوا اصغير بكل)
زيد:حاضر
وعدا عمك زيد اينادي فيهم
زيد:يا امير يا ليحة خلينا نلعبو صيد سمك
ليحة:هي هي
او بنات(حنقوللكم كيف لعبة صيد سمك طبعا واحد ايكون امصبي بعيد في تركينا واللاخر امقابله بس بعيد او واحد يمسك الكورة وطبعا يلي معندش الكوره ايصبو قدامه كلهم او هذك يعزق الكورة ويلي اطب عليه يطلع وبعدها ايعدو شور الاخر وهكذا وكان واحد من يلي يلعبو مسك الكورة من فوق قبل ما اطب فيه هكي ياخذ روح اذا هوا بيخليها عند ما يخسر بيش ما يطلعش ايخليها او مرات هوا بيخشش واحد من يلي خاسرين)المهم جو ليحة وامير والشباب كلهم واسماء ومنى يعتبرن حتى هنا اصغار يبن يلعبن بس منى كانت ادبيبة اشوي المهم بدو طبعا صالح وامير هما الصيادين والبنات طبعا منى واسماء والياس وبثينة وافنان ولجين وردينة وسحر وعهود ومؤيد وسند وحسام ومجدي ومجد وزيد الجمهور كله وبدت اللعبة الكورة كانت عند صالح
صالح:يا امير خليناا انطلعو الغلاض قبل عونه للمنى واسماء
امير:حاضرييين وشيرله ع منى لان هيا متحقش قاعدة قدامه ويعزق الكورة وعدت عمتك منى تجري واطيح ع لجين وردينة
لجين:وووووه يا نعلي اكراعي ردينة:اااه يدي طاح سعدك يا منى كسرتيلي
ايجي سند يجري
سند:ردينة اكويسة انتي ولا انشيلوك للمستشفى 😢
لجين:هابا ع بختي ما جاني حد نااا
مجدي:هيا انشيلك نااا
حسام:لالا تو انشيلها نا هيا وردينا😡🤬
لجين:شكرا ع لقاقة منيش مستحقة الحد سلم مجودي او زيودي قاعد ولا لا
مجد:تحت خدمتك اناا
زيد:هياا صبي راه يقعد اكراعك ولا شي حاجة
لجين:نجكم ليا انتو الاثنين وبحتت في حسام ومجدي😒😒
ليحة:ساهلة ساهلة
لجين:منى الله ايربحك ركحيلنا اعضيماتك كره والله الله ما عندي جهد
منى:هااا عيطتي امعايا طبت فيا الكورة
لجين:هذي هياا الساعة المباركة
قتلك(قتلك اهنيوة تذكريها منى بعد طاحت علينا انا وياك واستبرق يا نعلي كل ما تخطر عليا نضحك😂🤣)
منى:ازي عليك
لجين:والله ما فيها لاازي ولا خزي فيها حياة وموت هذي قبل عدينا فيهااا
زيد:🤣🤣🤣القنها اصدقت فيك يا منى
مجدي:كنكم تدو هكي مع امي
لجين:اسكت يا ولد امك بينا وبين عمتنا😒😂
زيد:والله اصدقت فيك
المهم كملو الطرح
افنان:لا وراس ليحة لا وراس امك وطاف اطب فيها الكورة والله عرفتكم بطلعوني الله
وبعدها اضربو الكورة بصدفة جت من فوق مسكها زيد
زيد:الله او واكبر روووووح
افنان:وراس امك خششني
زيد:خشي هي
وخشت افنان واقعدو يلعبو لعند ما اخسرو كلهم معادا اسماء لان كانت شاطرة فيها
البنات والشباب:واااااحد
مطبتش فيها الكورة
البنات:اثنييييين
مطبتش فيها الكورة
الشباب:ثلاااااثة
مطبتش فيها الكورة
البنات:اربعةةةةةةة
مطبتش فيها الكورة
الشباب:خمسسسسسسة
مطبتش فيها الكورة
البنات:ستتتتتة
مطبتش الكورة
الشباب:سسسسسبعة
مطبتش الكورى
البنااات:ثناااااانية
مطبتش الكورة
الشباب:تسسسسسعة
مطبتش الكورة
البنات:عشررررررة وووووووه فزناااى فزناااااا والشباب جو شالو اسماء عاد عمتهم وخالتهم واقعدو اينطزو فيها لان كان فازت بيلعبو طرح واحد اخر المهم
كملو البنات والشباب لعب وكان الغداء محشي ومكرونة جارية تغدو والبنات جن ايعومت لان الصبايا مشاء الله واجد قاللهم ما اديرن شي(بنااات اكيد حتى انتن خاطركن في مشية زيهم صاااح بس يلا الله غالب اصبرن فان ما بعد الصبر الا الفرج)المهم كملن البنات عوامة وخشن دوشن ورقدن اشويا ناضن ع المغرب ايديرو في اشوايات وجو عااد ولجين دارتلهم شرمولة طايبة حارة اتهبل ومايونيز وكتشب او سلطات وخبزة فطاحة امتاع اشوايا وبعد العشاء العبو طائرة فريق بنات وفريق شباب بس البنات هن يلي فازن وبعد العشاء عدو خشو للشاليه كلهم معاد البنات والشباب مع الساعة12
لجين:بنات هي انخشو
البنات:هي وخشن البنات
اللي هذي ع تلفونها اتكسد وبعدها العبن لودو مع بعضهن
وبعدها اسمعن صووت غريب
الياس:بنااات شنو الصوت هذا
لجين:مشعارف هي انشوفوه مع الساعة 2
افنان:انتي مغولية ولا شنو
لجين:شنو مغولية في توا متلازمة داااون مغولية عليك الفاظ بصدق انا بنطلع مش شوري
ردينة:هي حتى انا نطلع امعاك مغامرات
الياس:حتى نااا هي
وهن اطلعن
البنااات:😱😳😢

انتهت روايتنا اليوم قولكن شن حيصير في قصص البنات وشن الحاجة يلي لقنها ردينة ولجين والياس كله حنعرفوه في الحلقة الجاية

كانت معكم الكاتبة:-
سالمة خالد الحوتي❤🔥