أحببته ولم أراه للكاتبه سالمه خالد عبدالله الحوتي

رواية أحببته ولم ٱراه

الحلقة الثانية من رواية:
احببته ولم اراه:-
عهوود:يا بنااااااااات
الياس:نعم كنك
عهود:بكرة عمتي امل جيتنا وجايبة امعاها البنات بتبات خميس وجمعة
لجين:الله
افنان:احلفي
عهود:والله الله باهي
الياس:الله عليك جووو
لجين:افنان صاح بعد خطرها عليش امبدري فرحانة كنك شن في
افنان:طاح سعدك يا بتي حسستيني اول مرة نفرح
لجين:والله الله في حاجة ما عمرك ما فرحتيها الفرحة هذي
افنان:بااهي خلاص تو نحكي
الياس:ازي يعني كان ماقالتش لجين راك ما قلتيلنا
افنان:تبني انقوللكن ولا نسكت
عهود:لالا خلاص احكي يا بنات اسكتن خلاص
افنان:يا حنة او انا امروحة امبدري طبعا حطينا شذا في طريقنا وانا اخر حوش اشويا قالي
مروان:افنان نبي نسألك معليش
افنان:تفضل خير ان شالله
مروان:انتي مرتبطة
افنان:تلبكت لالا عليش
مروان:والله يا بنت الناس عاجبتيني وانا والله شاريك بالحلال راه متخفيش اني نلعب بيك
لجين:ان شالله صاحب الحافلة
افنان:اهاااا
عهود:لنقنها طرف
الياس:مش وقتك عهود باهي احكي
افنان:بعدها قلتلها والله شن بنقولك كان عاجبتك وهكي تعال اخطب حوشنا وتعرفه
مروان :ان شالله خوذي من هلك موعد او قوليلي
افنان:ان شالله
عهود:باااهي
افناان:هذا الباهي خلاص بعدها وصلت انااا نزلت
الياس:احسن ما درتي
لجين:باهي انتي شن رايك فيه
افنان:تبن الحق ولا ولد عمه
اليااس:اكيد الحق حاجة معروفة هذي
افنان:اناا ديما عاجبني مروان انحس فيه راجل ليا سنة كاملة امعاه وتوا في الثانية معمرش ققل ادبه مع بنت ديما في حاله رجل محترم اكويس
عهود:الله الله البنية امكبدة
افنان:ازي يا حقيرة لا والله ما هكي بس فعلا ديما عجبتني شخصيته
الياس:ان شالله اتكونو من نصيب بعضكم
افنان:ان شالله
لجين:بنات بنعدي الماما بنقوللها عمتي امل بكرا جيتنا او بايتة بيش انكلمو حتى رانيا
الياس:عدي قوليلها او بعدها تعالي او قوليلنا شن قالت
لجين:تمام وبعدها اطلعت من يلا البنات خشت ع امها لقتها هيه او باتها ايهدرزو قعمزت يلاهم
جمال:شوفي بنتك ما تجي هنه الا تبي حاجة
امينة:😂😂
لجين:لا جاية بنقوللكم ان بكرة عمتي امل جاية او بايتة ونحنا بنكلمو رانيا را
امينة:مرحبتين بيها
لجين:ها شن قلتي بنكلمو رانيا راه مش تعلميها اتقولي صبايا اعمامكن اللخرات يزعلن اني قتلك قد اعذر من تنذر
امينة:ديرن رايكن
لجين:تصبحوو ع خير اوكي
جمال،امينة:وانتي من هله
وطلعت تجري ع البنات ماما وافقت قالت كلمن رانيا
(اهااا امل عمتهن ورانيا مرات عمهن بس اصغيرة في العمر ودايرات امعاها دلاله كيف جيلهن تقريبا اتهبل بكل حتعرفو عليها في الرواية اكثر)
خذت لجين فونها ورنت ع رانيا
لجين:الوو رنوش شنجكم
رانيا:والله تمام الحمدلله شخباركم انتو شخبار امينة وجمال والبناات والعيال
لجين:الحمدلله اكويسين بخير
رانيا:دووم ان شالله
لجين:دوم عزك قتلك
رانيا:نعم
لجين:بكرا جيتنا اعميمة امل او باينة تعالي او باتي
رانيا:والله ع صالح كان عليا نااا عادي
لجين:عطيه ليا ليحة (قصدها صالح سيدها)
صالح:الووو لجوني كيف حالكم
لجين:الحمدلله بخير شخباركم انتو شخبار جدتي
صالح:الحمدلله اكويسة
لجين:قتلك يا ليحة
صالح:نعم
لجين:بكرا جيب رنوشة عندنا اه
صالح:والله مشعارف ع حسب الضروف
لجين:باهي يا الويحة وراسك جيبها والله بكرا اعميمة امل جاية انديرو جو
صالح:ان شالله ما يصير الا الخير
لجين:يعني اموافق
صالح:اهااا تو انجيبها اتكسد في العشية
لجين:باهي عطي الفون للرنوشة
صالح:هاكي هه
رانيا:الووو
لجين:بكرا تعالي او باتي اه
رانيا:مش حيخليني ليحة
لجين:انتي غير جيبي ادبشك بس والباقي ما عليك
رانيا :ان شالله
لجين:هي سلام وسلميلي ع جدتي
رانيا:يوصل ان شالله هي اوكي باي
لجين:باااي وسكرت
البنات:هااا شن قالولك
لجين:قال ان شالله تو انجو
وبعدها هدرزن البنات اشويا وبعدها ارقدن ناضن ثاني يوم ع نفس الروتين عدن عهود ولجين للمدرسة وافنان للمحد والياس للجامعة مر الوقت روحن البنات مع الساعة12:30 معادا الياس ودارن حمامات وغيرن دبشهن وبرمن ع الحوش وبعدها تغدن مع الساهة 2:30 يغسلن في الماعين مع خسة الياس خشت دوشت وتغدت وبدها خشن البنات للنوم عسبى يصهرن في الليل ناضن ع صوت دربيك ع الباب
ردينة:او يا البنات عطنها غيطة حي حي حي حي
بثينة:وتعيشن في دار عزيزة حي حي حي حي
عهوود:عطنها زيطة يا حمارة مش غيطة
سحر:هيا نوضن صبن
ناضن البنات وسلمن ع خالتهن ودارن قهوة وحلويات وبعدهااا دق الباااب طلع رواد يفتح
رواااد:لجيييييييين😳

انتهت روايتنا اليوم قولكن شن قصة البنات وشن قصة مروان او افنان وشن قصة رواد وشن بيقول كله حنعرفو في الحلقة الجاية

كانت معكم الكاتبة:-
سالمة خالد عبدالله الحوتي❤️🔥