الحلقة الثامنة عشر من رواية:
احببته ولم اراه:-
لجين:افنااان😳😳
افنان:كنك😭😭
لجين:نسمع بنكد نين ريته بعيني هذيصما فكينا من النكد الله يستر بيتك
بثينة:والله صدقتي فيها
افنان:انتي مش حاسة بالشعور هذا تو تجوزي وتشوفي
لجين:والله منزل ادميعة على خاطركن نقعد انزغرت واندربك وندير جو
بثينة:ايوا الله🤣🤣
لجين:باهي هياا سيدة نكدية اطلعن بنحطو العشاء بيش انحنوك وانت يا سيدة انكد منها هيا انوتو السفر
بثينة،لجين:🤣🤣
واطلعن البنات عدن وتن السفر وافنان امقعمزة عااد عروس المهم حطن العشاء وتعشن وطبعا جايبين غسالة اماعيين والبنات اطلعن وتن الفراش وحطن عليه رداء ودارن امخاد وعدت هيا البست بيجامة الحنة وجابن رداء البنات وحطاته على راسه والبنات ماسكات والباقي كلهن تحت الرداء هيا ماسكة من قدام وحدة ماسكة من لاورة ويبرمن بيه ويغنن
الياس:دورو بيها دورو بيها
البنات:دورور بيها دورو بيها
الياس:وان شاء الله السعد ايواريها
البنات:وان شاء الله السعد ايواريها
واقعدن ايغنن ويبرمن بيها بعدها وقفن ارقدت افنان وجابن اللصقة وبدن رانيا واسماء وبثينة ايلصقن لانهن يعرفن اينسقن والباقي جايبات دربوكة وشايلات
لجين:مبروك الحنة فقدامك --والخير وراك او قدامك 👏🏻👏🏻💃🏻💃🏻
الياس:يا مبروك على حنتها وان شاء الله انشوفو ابنيتهاا💃🏻💃🏻💃🏻👏🏻👏🏻👏🏻
البنات شايلات
ردينة:هياا بنات جابها جت وربي
البنات:جابها جت وربي جابها جت او ربي جابها صغيرة في جلباها جت او ربي يا المولى جابك يلي صعيب عليا رفع احجابك يا المولى جابك يلي صعيب علياا رفع احجابك نا خايف ايجي يوم ايسكر باباك نا خايف ايجي يوم ايسكر بابك وايقولو صعب علياا رفع احجابهااا جابها جت او ربي جابها جت او ربي جابها صغيرة في جلبابها جت او ربي يا ميحي موحى سنفور قابل شرشبيل ابروحه يا ميحي موحى سنفور قابل شرشبيل ابروحه قاله اليوم بنضربك بلوحة قاله اليوم بنضربك بلوحة قاله تلقاني فوق من دولابها جابها جت او ربي جابها جت او ربي جابها صغيرة في جلبابهاا💃🏻💃🏻💃🏻💃🏻👏🏻👏🏻👏🏻👏🏻👏🏻💃🏻👏🏻
يقين:يويييييييا💃🏻💃🏻💃🏻💃🏻💃🏻
بثينة:يا متفرج عيب عليك شاركنا حتى بيديك👏🏻👏🏻👏🏻👏🏻
البنات:ايردن وراهاا👏🏻👏🏻💃🏻💃🏻💃🏻
الياس:حي حي حي حي هاا هااا هااا هااا ايديكن ياا👏🏻👏🏻💃🏻💃🏻
لجين:يلي ما تصفق حي عليها ان شاء الله راجلها يرخيها 👏🏻👏🏻👏🏻👏🏻
الصبايا كلهن اقعدن ايصفقن👏🏻👏🏻👏🏻👏🏻👏🏻🤣🤣🤣
والبنات مبنش ايصفقن
لجين:يلي ما تصفق حي عليها ان شاء الله اللي تبيه يرخيها وتنقلب الصالة كلها تصفيق
(بنات انوضحلكن حاجة بالنسبة لدورة الرداء هذين عادات وتقاليد عند الشرق والرداء اللي هوا يلبسن فيه العزايز وهكي هماا ايدير)🥺❤️
المهم اقعدن ايحنن فيها عند ما كملن واللي روح روح واللي بات بات بس الاغلبية باتو لان السياق في الصبح بيش يحضروه المهم دارن البنات الصحور ورقدن الصبايا والعزايز والبنات اطلعن في الحاجر واقعدن ايهدرزن مع خشة مجد او زيد وسند ورضوان وحسام يقين اول ما حقتهم خشت جوا قعمزت يلا افنان هيا قعمزت ورن فون افنان
افنان:جيتي وجابك ربي ردي وحطيه ليا على وذني
يقين:لالا مفيش بكرة بيقرو الفاتحة خلاص هانت
افنان:وراسك ردي
يقين:لالا مفيش تكليم خلاص بعد بكرة اتعديله نين اتملي منه
افنان:منملش من مرواني ناا
يقين:اشطح يلا
افنان:باهي وراسك🥺🥺
يقين:باهي باهي وانتي اتبكي الحيطة جت بترد فصل الخط
افنان:كله منك حقيتي
اشويا هكي او رن
يقين:انرد بس بشرط
افنان:شنو
يقين:انا سماعة وانتي سماعة
افنان:في عرسك
يقين:خلاص امالا دوري من ايردلك
افنان:خلاص خلاص باهي
ردت يقين وحطتلها سماعة لها وسماعة لافنان
مروان:ايوا
افنان:اهلين
مروان:ان شاء الله بصباغ
افنان:كيف عرفت اني درت حنة
مروان:قالنها ليا مرام او مودة
افنان:اهااا
مروان:باهي هدرزيلي شن جوك انتي
افنان:الحمدلله اهوو ماشيا
مروان:دوماات
افنان:عزك
مروان:عند وين حنيتي
يقين منسحنة من الضحك
افنان:عند الكعب كرعياا وايديا عند المفصل
مروان:تحكي من جدك😥😳
افنان:هاا امالا انبصر عليش كنك😂😂
مروان:غالي عليا الحنة ناا
افنان:باهي خلاص كان غالي عليك نغطس روحي في بتيه
مروان:مش هكي قصدي بس كنتي عليتيها اشويا عند الركبة😂😂
افنان:ما عندي عليش امعليتها انت حق ما حتحقها
مروان:او عليش مش حنحقها
افنان:محلاك وانا لابسة اقصير يلاك اكيد سراويل وقونات وهكي
افنان:ههههههه😂😂😂
افنان:دووم بس عليش
مروان:على كلمتك مش حنحقها
افنان:كيف هازي علياا
مروان:مش هكي بس انتي اتقولي في حاجات ايضحكن صراحة مرة انت ترقد في دار ونا في دار او مرة ايجني البنات يعيشن امعانا ومرة نلبس سراويل وقونات متجوز راجل نا ولا كيف
افنان:ها امالا عليش عابي
مروان:كل شي في وقته حلو
افنان:باهي اعيوني اوكي توا بنسكر بيش نرقد لان بكرة ورايا حنة صغيرة وكوافير بيش منقعدش مرهقة او ناعسة
مروان:اوكي اصلا نا ابروحي بنرقد بكرة ورانا نوضة بدري انجيبو الخضرة والسعي قصة المهم رنيت بيش نطمن عليك تصبحي على خير
افنان:وانت من هله
وسكرو
افنان:عليش منسحنة يا يقين
يقين:ووووه متتت من جدك اتقوليله هكي انتي🤣🤣🤣🤣
افنان:تي لا يا غبية انديرله في جوو استعباط وهكي
يقين:ووووووه بطني عطك الخير🤣🤣🤣
افنان:باهي صبي الله ايربحك عطشانة ناا كان في عصير جيبيلي
يقين:امباااه
أنت تقرأ
أحببته ولم أراه للكاتبه سالمه خالد عبدالله الحوتي
General Fictionاهلين بنااات طبعا انا هذي تعتبر اول رواية ليا لان من قبل كاتبة رواية بس مش امكملتها تمااام وهيه رواية: احببته ولم اراه🥺💚:- المقدمة: تحكي على 4 قصص واقعية وفيها اشويا من خيالي بس مش واجد طبعا انجو للاول بطلة اسمهااا اليااس عمرها 20 سنة كانت بنت جر...
