أحببته ولم أراه للكاتبه سالمه خالد عبدالله الحوتي

رواية أحببته ولم ٱراه

الحلقة الثامنة من رواية:
احببته ولم اراه:-
الياس:يا بنااااات😢🥺😭
افنان:كنك تبكي
الياس:معقولة بعد العمر هذا كله بنطلع من الحوش هذا اللي ضحكنا فيه ولعبنا فيه وبكينا فيه وتعاركنا فيه خلاص يعني انتهت لمتنا وكل حاجة ايام لمتنا وايام كوارثنا وفجاعينا
لجين:فكيني من اطروح كنك اتقول اتودعي😂🥺
افنان:معقولة بتعدي وتسيبينا🥺😭
عهود:😭😭
يقين:بنات هذي سنة الحياة كنكن انتن صيوركن كلكن طالعات منه الحوش هذا
لجين:اناا مستحيل😌🥺
الياس:انا منيش اموافقة
لجين:فكيني من نوبرة كره نبو فرح نبو عرس مش ديما قاعدتلنا عوانس هنا وسعن علينا خلنا ندلعو اشوية
الياس:بس يعي الجواز والسنة هذي ليش مش مستمرة حياتنا هذي ديما هكي ديما ملتمين ونقرو وضحك وهكي ليش لازم ما انكلمو نص دينااا🥺😭
لجين:انا بنعدي للحمام نفتك من نكدكن اشويا
وعدت تجري للحمام خشت واقعدت تبكي كانت ادير في روحها قوية قدام خواتها ومتبيش اتبين انها تبكي
لجين:ليش الدنيا هكي ليش لازم ما اتفرقنا ليش مش ديما نقعدو مجتمعين وفرحانين ليش ربي هكي دار ااااه كيف بتحملو طلعة الياس من الحوش كيف حيكسد الحوش بلاها من ايوعيني في الصبح من يلي ديما اتحللنا في مشاكلنا من يلي ديما اتهزب واتضم من يلي ديما نفجع فيها ليش الدنيا فراقة انعنبوها الدنيا اللي اتفرقنااا من بعضناا🥺😭🥺😭
عند البنات في الدار
افنان:باهي انتي بابا شن قالك🥺🥺
الياس:بابا قالي شاب اكويس او محترم وبشغله وتو نسأل عليه اخرى وقالي ها شن قلتي انتي اشويا انا قلتله اموافقة قالي خلاص بتطلعي وتسيبينا من يلي اتجي اتحرش فيا من دلعوتي من يلي ديما امرفعتلي راسي وخشت طب عسبى اتحقق حلمي من يلي ديما تسمع في كلامي يعني خلاص بتعدي وتسيبينا🥺🥺😭
افنان:😭😭الياس انتي اختنا الكبيرة باهي وراسك اقعدي امعانا المن بنشكو من بتحللنا مشاكلنا من اتهزبنا من اتصبي امعانا بعد مراد يبي ايبص البابا عسبى انمكيج من اترقع وتجي الهزيبة في وجهااا وراس الياس متوافقيش وانا تو انقولل للمروان متجيش وانعيشو ديما مع بعضنااا وهكي بس نقرو ونضحكو ونلعبو ونبكو مع بعضنا🥺😭🥺😭
عهود:كاشة في بعضها في الزاوية وتبكي متسيبينش يا الياس باهي وراس امك انتي كيف امناااا🥺🥺
لجين:امسحت ادموعها واطلعت من الحمام وجت اتخبط ع الباب هيااا هيااا صبن كره فكنااا من نكد ما ناقصنااا الا هذ وبعدين الاسبوع الجاي عطلة 15 تو انعدو العيت ليحة وانكلمو اعميمة اسماء واعميمة امل وانكلمو العائلة كلها وانعدو للشاليه
البنات:امسحن ادموعهن الله امتى يكمل الاسبوع هذا
لجين:فكرت فكرة مش يوم الخميس خطبة افنان خلاص انكلمو اعميمة امل ورانيا ايجن و انروحو معاهم
افنان:والله فكرة
لجين:المهم يا حناتي راه توا الساعة 12 بنرقد ييييي انسيت انقوللكن مش درت لليوسف حظر
البنات:اهاااا
لجين:خلاص تو فتحت نت جني رسائل فتحتهن القيتهن من رقم واحد اخر وكاتب فيه انا يوس وقالي كان درتيلي حظر مش حنستسلم وحنخش ان شاء الله حتى بشفرات العالم كله
افنان:😳😳
يقين:لا رسمي العيل امكبد باهي شن د رتي انتي
لجين:ما درت شي ما بيتش انديرله حظر خفته ايشحتر رقمي ولا شي حاجة
الياس:احين شوفيه شن يبي
لجين:قال بنتعرف فاضيه الا الهذ
الياس:المهم فوتيه خليه ينبح ايدز رسائل ومتعدليش عليه
المهم باختصار رقدن البتات ناضن ثاني يوم كيف العادة اغسلن وتوضن وصلن وعدن لجين وعهود ويقين للمدرسة والياس للجامعة وافنان للمحد وبعدها روحن وروحت يقين للحوشها روحن البنات كالعادة تغدن وقيلن وبعدها ناضن اكتبن واجباتهن وتعشن وارقدن وبعدها ناضن ثاني يوم كان اربعاء كيف الروتين ناضن وعدن للمدرسة روحن بس هالمرة غير قيلن اشويا وبعدها ناضن اكتبن واجباتهن وقرن وبعدها بدن ايديرن في موالح وحلويات لان لمباكر خميس وبيجو هل مروان
لجين:بنات بنعدي انكلم عيت ليحة واعميمة امل واعميمة اسماء
البنات:👍🏻👍🏻
عدت لجين كلمتهم وقالتلهم تعالو ورنت ع ردينة بعدها وقالتلها الخطة ان بيروحن مع عيت ليحة وقالتلها جيبن امعاكن دبش خلاص عطلة المهم كمل اليوم ع البنات كله متعب ناضن ثاني كالعادة كيف الروتين كيف العادة لجين وعهود للمدرسة وافنان للمحد والياس للجامعة مشى الوقت او روحن البنات وطبعا بدن في الحوش شي تسيق شي تكنيس شي حك شي تنشيف المهم كملن البنات تغدن كاين غداهن مفروم وغازي وهريسة عربية وهكي عسبى مفيش وبعد الغداء
لجين:بنات وحق ربي اعيوني ايغمضن ابروحهن منيش قادرة انقاوم
الياس:مفيش نوم
افنان:خليها ترقد حرام عليك خير ما ادوخ علينا بعدين
الياس:باهي وانتن حستني كفردية بس ايش ايوعيها
لجين:والله نسمع الباب ايدق انوض بس ولعن المكيف
افنان:عدي في عرسك مرات امه متحبش المكيف ولاشي خلي هوا ربي
لجين:بنعرف هوا ربي يلي اتحقي فيه وريه ليا
عهود:عدي ارقدي في المربوعة امظلمة والمكيف والع وبعد ما تسمغي الباب ولا واحد دق تو انجو انوعوك
لجبن:تمووووم وخذت مخدتها وفوطتها وكانت لابسة توتة راب اقصير وظابط وعلية ماليه اقصيرة ربع كم وعدت ارقدت واطلقت شعرها لان شعرها طويل بيش اتريح في النومة
المهم عدا الوقت والبنات ايوتن في الصفر اشويا دق الباب
عهود:عدت افتحت اهلين اهلين نورتونا اهلين اعميمة امل كيف حالك 
امل:والله الحمدلله اكويسة شن جوكم انتو
عهود:اكويسين تمام خشو خشو من جايبكم
سحر:حسااام
عهود:خليه ايخش للمربوعة
سحر:اطلعت قدام الباب كلمت حسام بمعنى خش
وخشو هما واقعدن البنات ايسلمن
انجو عند حسام دق ع باب المربوعة
حسام:خش ولع الضي ولقا واحد راقد هذا اكيد عمي جمال وقعمز يلاه وبعدين قال لالا لازم انوعيه عمي جماال عمي جمااال
لجين:خليني نرقد يا عهود كره
حسام:😳😳احم احم
لجين:صوت من هذا🙄حي ع امه صوت راجل
وطلعت من الفوطة هااااي انت😳😳😱😱شن ادير هنا
حسام:والله مربوعة رجالة انتي يلي شن خششك هنا ويضحك ع منظرها كيف ساق امرفع وماليتها اقصيرة وشعرها امبعثر ع وجها
لجين:انعن محماط وانت لا تخش لا احم لا دستور ازي ع شكيلات يلي كيفك يحساب روحه في المانيا
حسام:ايمحمطك هذي اولا وثانيا عارف روحي وين قاعد وبعدين المانيا كان بنخشو ع بنات منخشوش عليهن امخمجات ومرقدات😌😉
لجين:شن قصدك قصدك اني انا امخمجة صقع عليك
الباب دق دق دق
حسام:توكلي هي خشي جوا
لجين:منيش خاشة عندك مانع بنعدي نفتح الباب😌😌
حسام:متخلينيش انفلم عليك خشي غيرلك ايوه
لجين:منيش خاشة هي شن بدير
حسام:يا نعن.....🤬🤬😡تو انوريك شن اندير وجا رفعها
لجين:نزلني يا حمااار تو نمشي ابروحي نزلني فكيني من برادتك
حسام:حطها قدام باب الصالة وسكر عليها الباب انحقك مرة اخرى طالعة بس
لجين:نذل مستفز🤬😡
بناااااات
عهود:حي عليا انسيت لجين بكل 🤦🏻‍♀️🤦🏻‍♀️😢
افنان:ردينة تعرفي كيف اتهديها الله ايربحك
جت لجين متعقدة
لجين:العتب مش عليكن العتب ع البقرة يلي عابية عليكن
ردينة:اهلين لجوني شنجك من بدري نسأل عليك
لجين:لا واضح وخليتو فرخ الربا ايمهزلني تمام توا
الياس:منو
لجين:من غيره حسام
افنان:شن دارلك
لجين:دق الباب جيت بنفتح قالي متفتحيش قتله نفتحح وعاندته ايعدي ايشلني ويحطني قدام باب الصالة
ردينة:وووووه يا نعلي😂😂🤣
بثينة:حي عليك سلمتي ع ماما تو تزعل واتقول ما جنتش لجين سلمت عليا
لجين:حتى ماشية بالمرة اصلا حتر رانيا جت
البنات:صااااح
لجين:اهااا واطلعن البنات كلهن ايسلمن
وبعدها بشوي جت اعميمة اسماء وبعدها جو العرب استقبلنهم بثينة وافنان
وبدن البنات ايوتن وهنا ايمدن
نجلاء:وين كنتنا كنها ما تجي اتسلم
امينة:اهي تو اتجي وكلمت افنان
مودة:انا اخت مروتن اصغيرة
مرام:وانا تؤامه
افنان:اهاااا
المهم كملن البنات الحوسة والعرب روحو ودارن الصبايا عشاء واللي هذي دوت للامها او باتها انهن بيروحن بيش ايعدن شاليه
لجين:اسمعن لنات سيارة ليحة متسدنش كلنا بالجو هك
سحر:انا عندي فكرة اتروح امعانا عهود لان امبدري بعد دويت للبابا قال حسام حتى نحنا تو انعدو وقال انكلم شباب العائلة
المهم البنات وافقن وروحت عهود مع سحر واللخرات روحن مع ليحة ورانيت وخشن للحوش جدتهن نظرا لا عيت صالح يسكنو فوق عيت جدها وسلمن عليها وقعمزن اقعدن ايهدرزن مع خشة سند
ردينة:سند😳😳

انتهت روايتنا اليوم قولكن شن حيصير في قصص البنات وشن قصة سند يلي خش عليهم وعليش انصدمت ردينة كله حنعرفوه في الحلقة الجاية

كانت معكم الكاتبة:-
سالمة خالد الحوتي❤🔥