#البوسيفي23
و من كثر ما كنت مشوش و مش على بعضي قررت نمشيلها و نتكلم معاها .. كلمت هيثم قتله نبي نطلع عندي مشوار نبي نديره .. قالي رجلك مش ح تقدر تمشي عليها .. قتله بي القيلات عادي يمشي الحال ..
و حاولت انوض و نمشي على رجليا و طول حسيت بدوخه اضطريت نقعمز في مكاني طول .. و قداش بنحصللها أعذار !!
و بغض النضر ع الي بيني و بينها .. وين واجبها المهني و الأنساني أتجاه جريح !!
تاني يوم جاني بدر قتله نبي نروح .. قالي ليش هربت ؟ قتله شفت بنت تونسيه واقف عليها محمد خفت .. قلت نهرب خير من ننشد في موضوع فيه بنات ..
قالي تعرف وين انت ؟
قتله وين ؟
قالي في القراقشه .. يعني في قلب عصابات المخدرات ..
قتله شن جابني هنا ؟
قالي توا باش خشيتلك تفتشت تفتيش كامل ..
أنا 🤦🏻♂️🤦🏻♂️
به أفهملي الموضوع و لا نمشي لمركز او البحث او وين صاير الموضوع ..
قالي خليك لين نفهم كل شي ..
قتله البنت التونسيه ضروري توصل فيها . . و فاتوا الأيام الأولى و أنا من الفراش للحمام بس .. و كلمتني أمي تطمن عليا و هي تبكي .. و في كل مرة 👌🏻 و في كل موقف 👌🏻 كل راجل منا يزيد يتأكد أن أعظم إمرأة في الدنيا هي أمه ..
و بعد أسبوع بديت نتحسن و نقدر نمشي بالقيله .. طلعت أنا و هيثم من الحوش ..
كنت كل ما نتلفت نلقى أفارقه بسلاحهم .. و كأني مش في ليبيا ..
خطمنا من جنب بنت مسكرة الطريق بسيارتها .. قعدنا واقفين .. قعد هيثم يتسفه بالكلام ..
قتله فوتها يا راجل بنت ..
قالي تي جايه تاخد في دوختها هادي ..
تلفتت .. نعم ! 😳
قالي تشري في بضاعه ..
طلعت البنت و طلعنا وراها .. قتله ارفعني لمصحة (.......)
مشيت و كل ما نتحرك ندوخ .. نزلت و سألت عليها و قالولي ساعه تانيه و تجي ..
قلت لي هيثم كان عندك مشوار ديره و أنا بنقعد نستنى ..
قعدت مقعمز برا في الشارع .. و عيوني في الناس و في السيارات بالك يزبطني حد ..
بعد ساعه و نصف ممكن خشيت سألت تاني و قالولي جت ..
خديت موعد و ما أعطيتش أسمي الحقيقي و قعدت نستنى في دوري ..
خشيت بعدها و من الأول ما قامتش راسها و شافتني و بعد ما شافتني ناضت وقفت ..
قعمزت و جت جنبي و مش عارف من وين و كيف جابت الدموع وقتها فجأه ..
قتلي معاش عرفت كيف نتطمن عليك و كلمت ندى نبيها اطمني و معاش ردت عليا و ..............................................................
🤦♂️🤦♂️
هلبا كلام و هلبا أعذار قالتهم مش مفهومين ..
قتلها تعرفي ان رجلي صارلها ضمور ؟ بدت اضعف من الرجل التانيه .. و كانت على وشك يبتروها ..
ريان .... ياريتك جيتي يومها و انبترت رجلي .. تعرفي ليش ؟ لأني وقتها ما فكرت في حد غيرك .......
بوسيفي أنا كان أمجد جاي بيروح بيا و خفت يجي يلقاني مهناش و تصيرلي مشكله ..
قربت منها .. قتلها و ما خفتيش يوم جيتي لي ندى ؟ و من امته أمجد يجي يروح بيك ؟
انتي خفتي لاني قتلك مصاب .. يعني بوليس .. يعني مشكله ...
إنتي تعرفي إن الخوف الي في داخلك مرضي ؟؟
الخوف الي خلاك خسرتي كل شي .. حتى النطق ..
كانت تبكي بشكل غريب يا أخي و كأنها ما عمرها بكت في حياتها ..
موعد كشف كمل يا طبيبة قلبي .. موعد كشف نوعدك ح نبرأ منه 👌🏻 وعد 👌🏻
و نضت وقفت و أنا نتمايل من كثر الدوخة و ألم رجلي .. شدتني و هي تبكي و تقولي خليك ..
طلعت و أنا نقوللها باعدي من قدامي ..
طلعت و أنا نقول الحمدلله على كل حال ..
طلعت و أنا نقول نبيها قويه في وقت عوزتي .. نبيها جدعه .. نبيها فزاعه .. نبيها بي 100 راجل ..
و ما كانتش مغصوبه تجي تداويني .. و عندها حق تخاف على روحها ..
بس كيف قدرت تتجاهلني بعدها ؟ كيف قدرت ما تطمنش عليا ؟ و كيف و كيف و كيف !!
طلعت و قعدت مقعمز نستنى في هيثم .. و لما كلمته قالي بعيد شويه ..
خديت تاكسي و روحت ..
أنا الي جيت شفتك بدل ما نمشي نشوف أمي 🤦🏻♂️ أنا الي نيتي نظيفه .. أنا الي اعطيت ..
خشيت الحوش .. و بعدها جى هيثم لقاني متضايق قالي ولد شارعنا الليله مداير عشاء نمشوا نغيروا جوا ..
قتله ماشي تمام ..
قعدت في الفراش و جابلي عبدو الغذاء و ما بيتش نتغدى ..
و في الليل طلعنا على رجلينا كنت نمشي بالقيلات .. الزنق كلها عبيد أفارقه بسلاحهم ..
قتله هدا شنو ؟؟ وين كانوا في الصبح ؟؟
قالي حياة طبيعيه 😂 و من العصر تبدا الخدمه .. خشينا حوش يحيى رحب بيا و قعمزنا .. قالي انت الي هربت لما داهموا حوش العمدة ؟؟
قتله ايه ..
قالي غير جوك نظم امورك و ما تدور شي ..
في جنبي طاوله عليها كل أنواع الشرب و الحشيش و أرقى انواع السيجار ..
كل ما تتلفت تلقى صقر محنط .. جلد نمر و راسه محنط .. سيف كبير عليه نقوش ..
منظومة أغاني من قوتها تخليك تنسجم .. جابولي رجيله جنبي ..
الرجيله عليها نقش تمثال مجسم و أرضيتها الأهرامات ..
سألته .. الكرسي نظيف ؟
ضحك و قالي جرب يا راجل ..
قتله لا اعفيني ما ندخنش في حشيش ..
قالي غير مزاجك نظم امورك ..
رن تليفوني .. رديت .. قتلي انا ريان ..
قتلها نعم !!!!
قتلي كككككككككيف حالك تتتتتتتتتتتتتوا كويس ؟؟
أنا 🤦🏻♂️
شن دخلك في ...... كويس و لا ..
قتلي خيرك هكي تحكي معاي !
بري في حالك يا بنت الناس الله يربحك .. بدت تبكي و تقولي سامحني انا نحبك ..
و أنا دماغي بيتفجر 🤦🏻♂️ صكرت عليها الخط .. و خديت الرجيله ندخن ..
يخلوك تدخن حشيش .. تتعاطى .. تقتل .. و هما يبكوا .. مهمتهم دموع بس ..
قعمزوا معانا بنات .. و أنا دماغي دايخ خلاص .. مستريح .. هادي .. جوي مليح .. مزاجي عالي ..
في بنت بدت ترقص .. نشبحلها و نقول هادي علاش ترقص قدامي !!!
أستعراض للمعاشرة الجنسيه !!
شن السبب الي مخليها تنوض و تطيح قدامي ! 😂
بس ما كانتش مغريه بالنسبه ليا نهائي ..
تبي عمر جديد باش تقدر تغريني ..
و انسجمت مع الأغنيه .. و لقيت روحي قايم ايديا و راسي يلف يمين يسار .. و عيوني ناعسات مش قادر نفتحهم ..
هعدم الأحساس 🎶 كرهت الناس و افعالهم 🎶
🎶🎶🎶🎶🎶🎶🎶
هنا رجاله قلوبهم نننننننننننن🎶🎶🎶🎶
مرة نصفق .. مرة نجبد رجيله ..
وداع يا دنيا وداع ع الي باع و ما كملشي 🎶 الحياة لو بيك أو من غيرك دي هتمشي 🎶
👏🏻👏🏻👏🏻
و كرسي وراء كرسي يتغير و بوسيفي يدخن ..
نضت أتكيت ع الصالون .. راسي دايخ .. جت البنت قعمزت جنبي و طبست عليا ..
رن تليفوني .. ايييييييح 🤦🏻♂️
حذفته .. قتلها تعرفي تغني ؟
قتلي ايه ..
قتلها غني أخصمك اه أسيبك لا 😂😂 و بديت نضحك بدموعي ..
قربت مني هلبا قتلي أنا لا نخاصمك و لا نسيبك و باستني على خدي ..
نفتحوا عيوني شويه مستغرب فيها .. خدت أيدي و حطتها ع فخدتها و زادت قربت مني و باستني من فمي ..
قتلي متت فيك من أول ما شفتك ..
و أنا متجمد مش عارف خيرني .. زادت قربت مني و قعدت تبوس فيا و فتحتلي سوريتي .. أيدها ع صدري و نزلت بتفتح السروال و هي تبوس فيا .. و بمجرد ما حسيت بي أيدها ع بطمة السروال دفيتها و نضت قعمزت .. جتني تحضن فيا و تبوس في رقبتي ..
حولي يا بنت الناس اخطيني ..
شدتني من أكتافي و من أيدي .. نضت ندور في القيلات نبي نطلع .. خدتهم مني و قتلي ما فيش ..
تلفتت و طلعت و انقز بي رجل وحدة و نصكر في سوريتي ..
قلت لي هيثم بنروح .. غمزلي 😉 قالي شدت ؟
قتله تاعب نبي نستريح ..
خش جابلي القيلات و طلعت روحت و امتديت ع الفراش طول رقدت ..
تاني يوم نضت خديت تاكسي و مشيت للعمل .. قلت لي صاحب التاكسي استناني لحضه هنا و نجيك ..
خشيت للمقر و كلهم يسألوا عليا و نقوللهم درت حادث .. خديت ورق يخصني و طلعت .. و من كثر ما تعبت قعدت مقعمز في الدروج ..
فجأه نسمع في كلمة سلامتك ألف لا بأس .. قمت راسي لقيتها ملاك ..
قتلها الله يسلمك ..
قعمزت جنبي في الدروج .. قتلي كنت مداير حادث ؟ قتلها ايه ..
قتلي لاني نجي كل يوم و ما نشوفش فيك ..
قتلها جيت خديت ورق و طالع ..
قتلي طهوراً ان شاءالله ..
نضت نبي نوقف و خانتني القيله طحت .. شدتني و قعدت تقولي على مهلك على مهلك ..
و اعطتني اميه ..
نضت وقفت تاني و كانت ايديها حواليا وضع استعداد في اي لحضه تشدني ..
نزلت من الدروج و هي معاي .. قعدت واقف ندور في صاحب التاكسي .. ما لقيتاش ..
قتلي تستنى في حد ؟
قتلها جيت في تاكسي و شكله عطلت عليه مشى .. قتلي نوصلك أنا ؟
قتلها لا .. مكاني بعيد ..
قتلي به كلم حد يروح بيك ..
قتلها لا تو نطلع ناخد تاكسي ..
قتلي ح تطلع المسافه هادي كلها لي برا معيتيقه باش تاخد تاكسي 😳😳!! رجلك ح تتعب هكي ..
قتلي نوصلك انا للبوابه و بعدها خود تاكسي .. و لا انت من النوع الي ما تسوقش بيك أمرأه 🙄
قتلها ايوه ما تسوقش بيا إمراة ..
اعطتني المفتاح و قتلي سوق انت .. قتلها رجلي ما نقدرش .. قتلي سيارة أم 500 دينار هي الي بتوصلك 😁
كانت مريحه نفسياً .. راحتها الداخليه واضحه على ملامحها ..
بس ممكن اللقاء الي ما كانش وقته .. ركبت جنبها و طلعنا .. كانت متوترة هلبا ..
و لأول مرة في حياتي حاس روحي نبي نتواقح على بنت .. كانت إيدها ع المارشه .. و عيوني فيها نفكر كيف بنشدها ..
خيرني شن صايرلي 🤦🏻♂️
وصلنا للبوابه .. قتلها تمام هنا ..
قتلي الدنيا ضهر و شمس عليك ..
و لا عرفت نرد و لا عرفت نستغل الفرصه و لا عرفت نتصرف ....
و لو تعرف كل بنت صعوبة البدايات كانوا قدروا كل مجهوداتنا 🤣
قتلها عادي تو نحصل تاكسي .. و ما نبيش حد يشوفك مركبتيني ..
نزلت من السيارة و قعدت واقف .. و كل ما يزيد الوقت كل ما نتعب و رجلي يزيد عليها الضغط من الوقوف ..
قعمزت ع الرصيف و تلفتت لقيتها مدرسه في السيارة و تشبحلي ..
شاورتلها بي إيدي خشي ..
هزت بي رأسها يمين يسار لا لا ..
عاودت شاورتلها خشي ..
نزلت من السيارة و جتني .. قتلي في واحد يضايق فيا و نخاف نمشي يلحقني ..
قتلها وينه ؟؟
قتلي مدرس سيارته في الاتجاه التاني و مش ح تزبطه ..
قتلها ارجعي خشي الخدمه ..
قتلي هدا بدل ما توصلني 😔
ملاك ...
ابتسمت و عيونها فيا قتلي نعممممم 😌
تعالي اركبي معاي التاكسي ..
قتلي و سيارتي !!
قتلها أنا مش ح نركب معاك و يشوفك حد ..
و بعدين اطمني من بيخنبها هادي ؟ أو بيمسها ..
كانوا عيونها يقولولي مش ح نفوتوا الفرصه .. و عيوني يقولولها ما تفوتيهاش أرجوك ..
وقفت تاكسي و ركبت جنبي .. و أنا حاط راسي ع القيله و هي تقولي خيرك ؟؟
قتلها تعب بس ..
قتلي رجلك مش مجبسه !!!
قتلها ايه ...
قتلي معناها مش حادث !!
قتلها وين تسكني ؟ خلي الراجل ياخد طريقه ..
قتلي نسكن في .........
رن تليفوني .. رديت على بدر .. و لأنها جنبي ما قدرتش نحكي معاه ..
سكرت الخط و بعتتله رسالة .. ( جيبلي فلوس من الحوش )
بعتلي ..( اوكَ )
كيف بنعطيها رقمي !!!! كيف بنفتح معاها مجال !!!!
و لما قربنا من حوشها .. تلفتت لها و قتلها أعطيني رقمك ..
ضحكت و قتلي يسلملي الثقلان 😉
يعني ؟؟
يعني مش ح نعطيه 😉😉
شديتها من أيدها و قتلها أنا ح نقعد فترة مش ح نجي للعمل ..
قتلي و عقد شركتنا ع الصيانه إحتمال يقعد سنة .. يعني مطول 😉
أهااااااا ....... به براحتك و أنا آسف .. و نحيت إيدي منها ..
نزلت حوشهم .. و مشينا .. اتصل بيا بدر و تلاقيت معاه خديت منه فلوس ..
و رجعت للقراقشه .. و أول ما نزلت من التاكسي لقيت مفتاح سيارتها طايح منها ..
أهااا .. الحمدلله يارب .. لأنك ح تحفي و إنتي تدوري في رقمي يا ملاك .. و مفتاحك بعد سنه تاخديه ..
No name ♥️🌺
