#البوسيفي 33
قتلي به و كيف بندلعك أنا 🤨 !! .....
بوفا عاد 🤦🏻♂️ بوفا 🤦🏻♂️🤦🏻♂️ جبتيلي معاك دبدوب و مسدس اميه 🧸🔫 خير .. و الدب لازم يغني يا طيبه 🎼
قتلي ما يغلاش عليك ☺️☺️ ..
شن مزال عندك هنا ؟؟
_ نستنى في باقي الأوامر العسكريه سيدي ☺️☺️ ....
لا ما فيش أوامر عسكريه .. كان ما عندك شي روحي خلاص ..
قتلي خلينا نحكوا شويه ..
فجأه و أحنا واقفين نسمعوا في حد ينادي عليها ملوكه .. ملوكه ...
تلفتت نلقاه المهندس الي معاها جاي جهتنا و شاد زوز نسكافى ..
قال خيرات شباب ☺️☺️ .. و ما رديتش عليه .. مد لي ملاك طاسة نسكافى و خديتها أنا .. أستغرب هو 😳😳 قالي سوري ما أحسبتكش 🤭
خديت الطاسه و حذفتها ع العشب جنبي .. 😱قالي لواه اللطف 😱
و ملاك 😳🤭..
قتله مشكور ما تشربش فيه ملاك .. قال عاد أنا نحسب فيها مره مره و تشرب فيه ..
قتله معاش تحسبها 😒
تلفت لي ملاك و قاللها شن هذا يا لطيف 😧.. و ملاك ما تكلمتش و لا كلمة ..
مشى و هو يتمتم 🤨..
قتلها تعرفي و كان مش من تصرفاتكم 👌🏻راهو خليناكم توصلوا للوزارات و الرئاسه و أحنا فخورين بيكم ..
لكن الي تخش تخدم .. زميلها يجيب نسكافى و يجيب فطور و يقعمز ع حاشية المكتب و ضيفيني نت .. و هذرزة و قطاف زايد ما يمشيش مع فيتي 😠....
قتلي أنا مش هكي 🥺🥺
ملاك 👌🏻 خاطي كلمة السلام عليكم ما فيش و اليوم حذفت النسكافى .. المرة الجايه ح نحذفه هو .. أركبي سيارتك و روحي ..
قتلي به 😔...
مشيت ركبت سيارتي و كان المهندس واقف ع العمال و لما شافها ماشيه لي سيارتها مشالها .. و لعت سيارتي و قعدت نشوف .. هو يكلم فيها و هي ماشيه و تدير بي إيدها 🤚🏻.. يعني ما تحكيش معاي ..
ركبت سيارتها و دورت و جت جنبي شاورتلها أوقفي ..
فتحت الروشن سألتها .. يعرف رقمك هذا 👈🏻؟؟
هزت بي رأسها ايه 🥺🥺..
أستغفر الله 🤦🏻♂️🤦🏻♂️ .. الواحد يخلي أمه تخطبله خير و لا هالنفخ 🤦🏻♂️🤦🏻♂️
قتلي مش ح نرد عليه 🥺🥺 .. قتلها تمام تمام .. و طلعت من الخدمة ..
رجعت للأستراحه .. نسوق و عيوني في السيارات .. بالك في حد وراي .. سيارة تراقب فيا .. دوريات شرطه .. و ما نوصل مكاني لين على أعصابي ..
لقيت بدر و جبريل يشوفوا في لابتوب .. قالي بدر صاحبنا دماغه مليح الله يبارك 👌🏻
قلت لي وسام كيف يصير في البنت التونسيه ؟؟ الموضوع نبي نسكره خلاص ..
قالي وين تبي تتلاقى معاها ؟؟
قعدت ساكت .. لا نقدر نخليها تجيني و لا نقدر نمشيلها ..
قتله خلي نكلم يحيى .. إتصلت بي يحيى قتله بنجيك العشيه عندي موضوع غادي .. قالي تم .. قتله خلاص المغرب نمشوا لي يحيى ..
أتصل بيا أوس .. قالي بوسيفي راهو ع كلام محمد انت الي مبلغ و درت فيه مقلب ...
قتله أوس جيب دوة مساويه .. كيف بنبلغ و أنا هارب منهم !!
قالي معناها يا وسيفه في حلقه مفقودة .. قتله لا حلقه مفقودة لا شي ...
هو أكيد ما يعرفش إن الدوله جايه كان هذا ما مشاش غادي ..
قالي بس الفلوس مش عند الدوله .. يعني مش من ضمن الأمانات .. قتله أوس أنت مش فاهم شي معناها .. لأن الفلوس شدوهم في سيارتي ..
قالي معناها مخنس مني و ما يبيش يحكي .. قتله فوته معاش تقصقصه و خليك عادي معاه ..
قالي ءأمرني يا غالي بالك تبي حاجة ؟؟
قتله نبي سلامتك منور أوس حبيبي و الله ..
قالي شن رأيك تمشي معاي زوارة نقعدوا غادي لين يهدأ الجو شويه ..
قتله ميه ميه كلمني و نمشي معاك .. قالي معناها غدوة المغرب نتكالموا و نخطم عليك ..
قتله تمام ..
و مش عارف وقتها حتى كيف بنتصرف .. شن علاقة محمد بالموضوع هذا كله ؟؟ و كيف صار هكي ؟؟ و التونسيه أكيد تعرف حاجة ..
مع المغرب نضت مشيت للحوش انا و وسام .. شفت أمي ع السريع و دوشت و أنا طالع لقيت زحمة قدام حوش محمد .. و وسام في وسط الزحمة ..
ناديته قتله تعالى .. تلفت و فاتني .. ناديته تاني قتله تعالى يا راجل فكنا .. و ما كنتش نبي نقعد في الشارع هلبا ..
و لما لقيته ما عدلش عليا إضطريت نمشي نشوفه خيره ..
لقيت راجل مداير عركة و يعيط و يقول ولدي في المستشفى بيموت ..
قتله خيره هذا شن في ؟؟ قالي أخت محمد شكلها ضرباته بالسيارة الولد في راس الشارع و هربت حوشهم ..
كانوا جماعة الشارع كلهم يهدوا فيه و هو شي طالع بالعالي ..
قلت لي وسام هيا فكنا منهم يا راجل الوقفه بي حسابها .. كيف بنمشوا وقفت سيارة و نزلوا منها زوز شباب و كل واحد فيهم تقول بوزيد الهلالي .. و يعيطوا في الشارع تطلع خير ما نخشوا للحوش .. و بدا يتسفه بكلام 👎🏻 .. مشاله وسام و قعد يقوله تحشم عيب و البنت هي و امها و برا أسأل على خوها تفاهم معاه و و و ..
رد عليه الولد و قاله انت صاحبها و لا شن برنامجك ؟؟ ضربه وسام كف جابه متكركب في الطريق .. اييييح يا بوسيفي 🤦🏻♂️ بتخش فيها تحب تكره ..
جي الولد الي معاه بيضرب وسام .. شديته من إيده قتله برا العب بعيد .. بدا يخبط ع الباب و يعيط .. و لحقتهم سيارة نزل منها واحد مسلح ..
قتله وخيي الحوش و الله ما خاشله واحد .. قالي الراجل ولده بيموت تطلع تسلم روحها .. قتله الولد ان شاءالله ربي يشفيه و الحوش و الله ما فيكم واحد خاشله .. قالي تطلع خير ما نخشلها أنا ..
أستغفر الله العلي العضيم 🤦🏻♂️ أنت بتخشلها ؟؟
قالي تي بنخشلها ايه .. تطلع يعني تطلع ..
قتله يجي خوها و يجيكم للمركز .. غير هكي تروح انت و أياه خير ..
طلع مسدسه و ضرب طلقه في الهواء خلى الشارع في ثواني فاضي 😆
لقيت روحي أنا و وسام و جارنا بس واقفين ..
قتله على منو تضرب انت ؟ قالي حول خير ما نفرغه فيك ..
ضربه جارنا على غفله و شديت كملت عليه و خديت منه سلاحه .. و ناض و هو يتحلف فيا و وسام يضرب في التاني .. حطيته في سيارته و قتله هذا 🔫 كانك مش قادر تحافظ عليه ما تشداش .. يقولي راجعلك ما تخافش .. قتله هيا نستنى فيك قدام الخوش ..
طلعوا بسيارتهم و جى بدر و جبريل ..
قالي شن في ؟؟ 😳😳
قتله شي ..
قالي اتصلوا بيا الاولاد قالولي خوك مداير مشكله ....
طقيت ع حوش محمد و طلعتلي أمه .. قتلها خودي بناتك و امشي حوشنا ..
قتلي به به 🥺🥺
قتلها هيا نستنى انا ..
وسام قالي مدرسين في راس الشارع أكيد يستنوا في حد ..
قتله باينها ليله مطنطنه 🤦🏻♂️
فتحت أم محمد الباب و قتلها اطلعوا طول .. قعدت واقف في الشارع و فتحلهم بدر الباب و خشوا حوشنا ..
جبريل يقولي شنو ؟؟ قاعدين واقفين راه .. قتله يبو سلاحهم أكيد .. المشكله ما نقدرش حتى نمشي نبلغ و نسلم السلاح ..
قالي رسمي صح احذفهولهم يا راجل و فكنا منهم .. قتله فروخ راه بالك تحسابهم كبار ..
بدا كل مرة يطلع حد من الجيران لدرجة إن بشير خوي طلع 😅
قالي شن في إن شاءالله خير ؟؟
قتله فروخ يبو يخشوا حوش محمد ..
و لحضات و جت سيارة مضلمة كلها .. فتح الروشن يسأل وينهم الي توا مدايرين مشكله ..
نزل من سيارته و قرب مني .. قالي أووووو بوسيفي .. قتله بديت تسوق في المصفح يا وسخ 😆😆 ..
سلمت عليه و جى وسام سلم عليه .. قالي كيف الشباب يتبعونا و ضربتوهم و خديتوا منهم سلاحهم ..
قتله البنت دارت حادث جايين هادين على حوش الناس ليش ؟؟
قالي به نمشوا للمقر نحلوا الموضوع .. قتله ما لياش علاقه بيه الموضوع انا باش نحله .. هذا سلاح الفرخ شده عندك ..
قتله لكن وحق لا أله الا الله سيارة تجي للحوش و لا تضايق البنات وقتها بنجي نضربه بمسدسه الفرخ ..
قالي الولد حالته تاعبه .. قتله نمشوله للمستشفى و كان في مساعدة نقدموها لين ربي يشفيه .. لكن ما يرضيكش حتى انت يخشوا ع بنات في حوشهم .. قالي تم خلاص ..
منور حميدا حبيبي ..
بوجودك وسيفه يا غالي .. توصي شي ؟؟
شدلي هالفروخ الله يربحك ..
حاضر افندينا ما تدور شي ..
قلت لي بشير قول لي أمك ما تخليهمش يروحوا اليوم لين يجي محمد ...
قالي تمام ..
و ركبنا سيارة أنا و وسام و بدر و جبريل قعدوا في الشارع ..
و مشيت لي يحيى .. قتله في بنت نبيها تجي هنا .. قالي ما تدور شي ..
قعدنا مقعمزين ناخدوا في رجيله لين جت البنت و طلع وسام دخلها حوش يحيى ..
و أول ما خشت شافتني أنصدمت .. قعدت واقفه و عيونها في وسام كلهم أشارات أستفهام !!
و يحيى قاللها هو أن شاءالله انتي ؟ 😆😆
كنت مقعمز ع كرسي و رجليا فوق ع الطاوله و نأرجل .. و هي كانت تعرف روحها أنها حصلت .. و أن أي تصرف منها ح يقتلها يحيى في مكانها ..
و بي طوبوا الأرجيله شاورت ع تليفونها و شاورت ع الطاوله .. يعني هاتي حطيه هنا ..
ناضت وقفت قدامي .. و قتلي شنو ؟؟
قتلها حطي تليفونك .. قتلي فيه صوري و صور صديقاتي ..
ضحك يا يحيى و قاللها خايفه على صورك يا (.......) ...
نزلت راسها و هي عايشه دور النادمة المسكينه ..
و بي عيطه من يحيى .. حطت تليفونها طول .. قتلها أفتحيه ..
خديته و شفت المكالمات ما فيش رقم محمد .. شفت الرسايل .. لقيت آخر رساله من 3 أيام و كلهم دوة فاضيه ..
فتحت الفايبر لقيت هذرزة هي و محمد و صور .. و غير محمد هلبا ..
حذفت التليفون .. قتلها هذا يبي بال رايق ..
كانت واقفه و كأنها تستنى في حكم اعدام من يحيى 🥺🥺
قتلها قعمزي .. قعمزت ..
قتلها أنا لا نبي نصدع راسي و لا نصدعلك راسك .. الي عندك قوليه و اختصري عليا ..
و ع طول .. قتلي أنا سمعت بكل شي لكن ما عنديش علم كيف صار ..
ايييح انتي هكي بي اتعبيني 🤦🏻♂️
قتلها أنا شفتك و شفت محمد كيف واقف عليك ..
قتلي لا مش أنا بالك بنت تانيه ..
قتلها أنااااا شفتك انتي ..
قتلي أهااا هديكا أختي التوأم ..
ايييح عليا 🤦🏻♂️
قاللها يحيى انتي عندك اخت توأم يا كذابه ..
قتله يحيى يجيب نحلف ع المصحف و الله و و ....
قاللها وسام اسسسس 🤫🤫
قتله يحيى بنوض أنا .. و هادي خليها هنا لين يخطرلها تهدرز كلمني نجيك ..
قالي خليك نسهروا ..
و تلفت للتونسيه قاللها خشي داخل و هي تبكي و تقوله ما نعرف شي أنا ...
نضت وقفت .. قتلي شن الي تبي تعرفه ؟
قتلها أنا شفتك يومها و انتي الي اعطيتي الكيس لي محمد ..
وسام قالي أهو محمد يتصل ..
شافت هي لي وسام و تحساب محمد شديناه حتى هو ..
قربت من الطاوله تبي تاخد تليفونها .. خديت تليفونها حطيته في جيبي ..
قتلي نقولك و نروح ..
قتلها لا لا .. تقولي و للمركز طول تمشي غادي .. قالت أنا طلعت لي محمد و اعطيته الفلوس و هو طلب مني نروح معاكم و فجأه داهموا المكان ..
به تمام .. الفلوس لي شكون ؟
قتلي لي محمد 😔..
و أنا علاش خاش للحوش غادي ؟
قتلي لأنك وصلت محمد .. بس هو قالي قولي انهم ليك الفلوس و جاي بتاخذ بضاعه ..
قتلها الصبح تطلعي تقوليه الكلام هذا .. قتلي به اعطيني فوني ...
قتلها لا ح يقعد عندي ..
قالي يحيى انا نبعتها غدوة و ح نبعت ناخد تسجيلات الكاميره من حوش خوي ..
قتله ليش هي الدولة ما خدتش التسجيلات ؟
قالي لا ما قدروش يخشوا للحوش تاني ..
قتله هكي حلو ..
و طلعت و خليتهم ..
ركبنا السيارة انا و وسام و هو يقولي محمد يتصل يا راجل من بكري ..
قتله رد عليه نظم أمورك ..
رجعنا للاستراحه .. لقيت جبريل يطيب في مكرونه .. قعمزت في الجنان و اتصلت بيا ملاك ... قتلي وينك من بكري ؟ 😔 و لا زعلان ؟
لا ليش بنزعل !! ..
قتلي وعد معاش نكلم فيهم حد ..
_ مش لين نقولك ملاك .. في من أمور غيريها من نفسك قبل ما ترتبطي بي ولد الناس ..
_ حاضر ♥️.. بوسيفي ..
_ يا عيونه ..
بنسألك 😌😌
_ نعمين ♥️♥️
كيف تعرف البنت إن الراجل يحبها ؟ 🙈♥️
_ يبي يعاشرها ..
نعم !! 😳😳 كيف !! 😳😳
_ اااااااااه قصدي يعاشرها يعني يعرف طبعها و عقليتها و اخلاقها و 🤦🏻♂️🤦🏻♂️🤦🏻♂️
شن دخل طبعها في أنه يحبها ؟ 🤔
_ مش عارف لكن معاش تسأليني خير ..
بوسيفي 🥺♥️
_ عيوونه ..
يعني لما يبدا يغار عليها معناها يحبها ؟
_ أهم شي مش غيره مصطنعه بس لأنهم بدوا يغاروا من اول محادثه ..
بوسيفي 🥺♥️
_ نعم 🤦🏻♂️
في الأحتفالات في الأعياد مش يديروا في ألوان تطلع من الطياره في الجو ..
_ ايه في الأستعراض ..
خاطري تكتب أسم ملاك فوق في السماء 😍
_ نعم ! 😳😳 حرف الكاف صعب و الله و الهمزة تبي انديتروا 🤦🏻♂️🤦🏻♂️
أكتبه بالأنجليزي باللون الأحمر 😍
_ و الله !! 😳 باللون الأحمر 🤦🏻♂️
و في مثل أنجليزي يقول لو سألت أمرأه ذاهبة للمشنقه عن آخر مطالبها ح تطلب احمر شفاه 💄🤦🏻♂️🤷🏻♂️
No name ♥️🌺
