#البوسيفي30
قعدت نقول لي جبريل اهرب اهرب اهرب ..
و هو يقولي لا نوض نوض يا بوسيفي جايينك ..
نقوله اهرب .. يقولي لا ما نسيبكش ..
نضت و انا نقول حاول خير من اتطيح في إيدهم .. شديت الطوبوا و إيدي دم و ركبت لين وصلت السور و نقزنا في حوازة مواطن ..
بدينا نجروا و باقي السجناء الي يغير في حوايجه باش ما يزبطوشي و الي مصاب يجري بي دمه ..
قعدنا نجروا من حوازة لي حوازة لين لقينا المبروك .. قتله وين الباقي ؟
قالي ما نعرف شي ..
قعمزنا في حوش قاعد هيكل مش كامل .. انا و جبريل و المبروك ..
نسمعوا في صوت رمايه كل مرة تزيد تقرب .. جبريل ناض يشوف و يقولي نزلوا من سياراتهم 😰 .. أهم هنا هنا هنا هنا هنا هنا هزا هنا هنا 😰😰
انزل انزل انزل انزل انزل ...
كل واحد فينا منزل راسه تحت ..
نحط صبعي ع ودني و نشاور يميني 👈🏻 من هنا الصوت ..
جبريل يشاورلي 🤫🤫
خشوا يمشطوا في المنطقه الي محيطه بالحبس كلها ..
قرب منا الصوت هلبا ..
طبست نشوف لقيت أعمارهم صغيرة .. بي كي تي و كلاشنات في إيديهم ..
نسمعوا فيه يقوله خش شوف داخل .. عيون جبريل تقولي ح نقتلوا يا بوسيفي ...
و أنا نقول يارب مقتول مش قاتل 🤲🏻 .. نبلع ريقي .. صوت أنفاسي يكشف حجم الكارثه الي احنا فيها ..
نردد في صدري .. يارب مقتول مش قاتل .. يارب مقتول مش قاتل ..
جبريل بي أيده يشاورلي بحركة مسدس .. يعني بياخد منهم سلاح ..
نقوله لا لا لا لا ..
سألته بالاشارة كم واحد هما ؟
رد عليا ✌🏻 هنا بس الباقي برا ..
قرب الصوت هلبا و حسينا بيهم خشوا للحوش ..
كانت الرمايه في الهواء زي المطر ..
عضيت فمي و ابتسمت .. عرفتهم خشوا خلاص .. لقيت جبريل مبتسم .. و يعاودلي في حركة المسدس بي أيده ..
نهز بي رأسي يمين يسار لا لا ..
كانت أمي بين عيوني .. الموت هين لولا دمعتها الغاليه ..
و المبروك من خوفه كان ح يفضحنا ..
شاورلي جبريل جهة الباب .. نطلعوا نتفرقوا خير من يخشوا يرموا علينا الثلاثه ..
شاورت بي صبعي الباب هدا 👈🏻 لا ..
شاور ع الروشن الي فوقي ..
هزيت بي راسي به .. و بالرغم جسمي كله متفترش بس أرحم من تطيح بين أيديهم ..
كيف بنوضوا نسمعوا في صوت زنة تليفون .. شبحنا لي بعضنا الثلاثه 😳😳
جبريل يقولي تليفونك 🤦🏻♂️ .. و بدت رمايه و عرفوا ان احنا في الدار ..
نقزت من الروشن انا و جبريل و هربنا ..
جبريل يعيط اطلعععع .. هنا هنا هنا هنا هنا هنا ...
قعمزنا تحت سور لان لو بنتحركوا بيشوفونا .. كان الرصاص يضرب في السور .. و بالرغم كان الرصاص في كل مكان بس ربي نجاني .. فجأة حسيت روحي بروحي .. تلفتت لقيت جبريل طايح .. و المبروك يجري ..
رجعت لي جبريل يقولي رجلي رجلي .. غادي في واحد واحد واحد واحد ..
شديته من ايده و ناض و احنا ماشيين انصاب مبروك و طاح .. وقتها عرفنا ان احنا ميتين خلاص ..
نشبح في سيارة 14.5 جاية من بعيد .. بديت نخبط على حوش ناس بقوة .. فتحلي الراجل و انا نترجى فيه يخلينا داخل .. و بعيون مترددة فتح الراجل الباب و جبدت جبريل بقوة و خشينا و سكر الراجل الباب ..
جبريل يقولي المبروك مات .. المبروك مات ..
و ما هفتت الرمايه بكل للمغرب ..
حطيت ايدي في جيبي خديت تليفوني .. كلمت بدر .. قالي وينك انا جهة الحبس ندور من بكري و انت خارج التغطيه .. الآمر متعك تدخل في موضوعك و انت في الابيض ..
بعد شنو 🤦🏻♂️...
قتله روح ..
قالي مستحيل ..
قتله روح انت اول واحد بيشدوك ع خاطري ..
قالي مش ح نروح انا قاعد قريب هنا ..
ملاك تتصل في الدقيقه مليون مرة ..
جى صاحب الحوش قالي جاري عنده سجين بيطلعه ع الطريق اركبوا معاه ..
قتله تمام ميه ميه ..
جى جاره و لما طلعنا بنركبوا معاه قال لا واحد مصاب و التاني مضروب ما نقدرش نركبهم معاي ..
قتله تمام مشكور ..
ربطنا رجل جبريل .. و قتله لازم نطلعوا من هنا .. جى صاحب الحوش مرة تانيه و قال الدنيا فوضه برا و ما اعتقدش يزبطوكم كان طلعت معاي نساوين ..
قتله لا لا لا ..
تو نطلعوا بروحنا و انت بارك الله فيك ..
جبريل ...
نعم ؟؟
شد العزم و رد بالك تخلي حد يحس بي رجلك ..
هز بي راسه به ..
طلعنا من شارع لي شارع و يخطموا من جنبنا و مش ملاحضينا ..
لين وقف راجل و قال نحطكم ع الرئيسي ؟؟
قناله تمام ..
ركبنا معاه و حطنا جهة المحلات ع الرئيسي ..
كانت الدنيا زحمة هلبا و سلاح في كل مكان .. و تليفوني يرن .. قعمزنا برا الجامع ..
رديت .. نعم !!
قتلي انا جهة الحبس انت وين بوسيفي ؟؟
قتلها شن اديري هنا 😳😳
قتلي حوش اختي هنا و انا كنت عندها انت وووووووووووووين ؟؟
تعرفي تروحي حوش اختك خير ما نقتلك ..
اقتلني ... ايه اقتلني ...
انت ووووووووين لأني بنموت انا بنموت ..
ملاك روحي حوش اختك و ما ليكش علاقه بيا ...
قتلي مش ح نروح بوسيفي مش ح نروح ..
سكرت عليها الخط ..
قتله جبريل ناخدوا تاكسي ؟؟
قالي لا .. التاكسيات مشبوهين في اللحضه هادي بالذات ..
قتله صح ..
نسمع في حد ينادي فيا ..
تلفتت لقيتها ملاك 😳😳😳
نقزت في الكرسي الي جنب السواق و تقولي تعالى .. قلت لي جبريل نوض ..
ركبنا السيارة و طلعت بسرعه .. و هي تشد فيا و تقولي ليش ايدك هكي ؟ 😰😢💔
بوسيفي انت كويس ؟؟
قتلي حطني هنا حطني هنا أهو حوش اختي ..
حطيتها و هي شادة ايدي و تقولي أستودعتك الله الذي لا تضيع ودائعه 😰😢💔 ..
خشت حوش اختها و طلعت انا و جبريل مشينا لي استراحة وسام طول ..
و أول ما وصلنا رفعه بدر للمستشفى .. و خشيت انا دوشت و غيرت و طول لي ربي 🤲🏻❤
قعدنا مقعمزين في الجنان و نحكي لي وسام كيف صار .. الفجر جى بدر و جبريل ..
قتله شن صار ؟؟
قالي في اللحم مش في العضم .. خيطولي و خلاص .. قتله زيني أنا صار ..
قعدنا مقعمزين نحكوا في المغامرة .. و كل شويه جبريل يقولي المبروك مات 😔💔
شفته مات 😢
يتملكني الصمت و في داخلي نقول شكون الي مفروض يحكي روايته ؟؟ أنا و لا المبروك ؟؟ و كيف أنسان ولد معزز مكرم .. فرحوا بيه أهله ربوه عيشوه احسن عيشه محترم .. خلوق .. انه يموت ملوح في الشارع غارق بي دمه و هو هارب من حبس 👌🏻💔 ... زعمه من شنو كان هارب المبروك ؟
من المصير الي خلى مرته تطلب الطلاق ؟؟ يبي يرجع حوشه باش تتخلى هي عن فكرة الانفصال ؟؟ يبي يهرب من الحبس الي خسره في كل شي .. حريته .. كرامته .. رجولته .. عيلته .. كل شي
و في هلبا أحداث حدفها عقلي الباطن و معاش يبي يتفكرها و لا يتألم على خاطرها .. الأحداث هادي بالرغم قساوتها الا انها صارت بالفعل لناس ربي نجاهم من الموت 👌🏻❤
نضت خديت تليفوني و اتصلت بي ملاك .. ردت طول .. قتلها فايقه ؟
قتلي فايقه 😔❤
قتلها بنجي نعطيك سيارتك ..
قتلي روحنا حوشنا مع راجل اختي .. بس قرب جهة حوشنا تو نطلعلك ..
قتلها تمام
قلت لي بدر نوض اطلع وراي بالسيارة ..
طلعنا وراء بعض و لما وصلت فيها كلمتها قتلي انا في محل جهة الحوش ..
قتلها تلقي سيارتك برا المحل .. اطلعي اركبي فيها طول مكان السواق ..
قتلي نبي نشوفك 😟❤
قتلها به حاضر ..
درست قدام المحل و خليتها والعه السيارة و نزلت ركبت مع بدر ..
و طلعت من المحل ركبت سيارتها و بدر يقولي اوهووووو 😍😍
كلمتها قتلها اطلعي من جيهتكم تو تلقيني مدرس القدام ..
درست سيارتها و نزلت ركبت جنبها ..
كانت ترجف و عيونها دموع .. و كيف يتعلق الانسان بروح للدرجة هادي بالرغم ان علاقتنا ما فيهاش مواقف او لقاءات ..
هي هكي ❤🤷🏻♂️
سلمت عليا .. قتلها تعرفي الي درتيه امس شن يسموه ؟؟
قتلي شنو 😟❤
قتلها تهور هدا ..
شدت إيدي قتلي ليش الي يحب بيقعد يفكر ؟؟ و يحسبها كويس ؟ و يخاف على روحه ؟
قعدت ساكت .. و كأني نقوللها أنا آسف بس متعود على خيبات ريان 💔 و معاش نعرف الصح من الغلط ...
قتلها لا .. بس بردوا تهور ..
قتلي ليش الرسول لما آذوه قبيلته و أهله شكون لقى ؟؟ لقى خديجة زوجته بس بوسيفي .. لما كانوا نساء الصحابه يمشوا معاهم للحرب و يداووا الجرحي كانوا متهورات ؟؟ و لا فقدوا انوثتهم ؟؟ و لا رجالتهم مش مقدرينهم ؟؟
بلاش تنقص من شأني و تقولي الي درتيه تهور .. و بعدين انا كنت في حوش اختي و قريبه عليك هلبا .. نبدا متهورة لو جيتك من حوشنا .. و حتى في اخر الدنيا ح نجيك 😟❤
❤🌺
و حتى الراجل يبي بنت متمسكة بيه حد الموت و يعرف ان ما يردها شي 👌🏻❤🌺
تلفتت قتلها انتي وين كنتي من قبل ❤
_ في شكلاطة كيندر 😌😌
ضحكت و قتلها امته بناكلها ؟
نحت إيدها بسرعه و تحشمت مني 🙈..
قتلي بوسيفي ❤
قتله يا عيونه ..
شافت لي إيدي و تتحسس عليها بي أيدها الي كانت من رقتها تخاف عليها من ايدي 😄 ..
قتلي امشي عاين توا ..
قتلها ح ننزل انا خلاص ..
قتلي ما نبيكش تنزل 😟❤
ومن كثر رقتها و أحساسها الي غمرني و حلاوة عيونها و لمست ايديها .. و بالرغم اني ما فياش عرق صحيح و كلي مضروب الا إن هرموناتي الذكريه خدمت بشكل مفرط 🤦🏻♂️🤦🏻♂️🤷🏻♂️🤷🏻♂️
No name ❤🌺
