#البوسيفي6
كنت مقعمز و مش قادر نتحمل هذرزة محمد و لا صوته الي تغير فجأه و بدا جوه جميل .. نضت أستاذنت منهم و طلعت و قعدوا شادين فيا و يا راجل مدايرين الشواء ع خاطرك و و و ... و اتسبلت بي أمي تبيني ضروري ..
طلعت و راسي يدور .. مستحيل تكون ريان جت معاه هنا .. بس كيف تتصل بيه !!
و شن جاب ارقامهم لي بعض !!
روحت الحوش و لقيته قاعد زحمه .. خديت حوايجي و طلعت .. و ركبت سيارتي و شديت الطريق ..
تليفوني قاعد مقفل .. و ما عنديش نيه نفتحه بكل ..
دماغي مشوش ..
يا ريتني ما نزلت طرابلس ..
و من كثر ما كان دماغي مشغول و متضايق .. كنت كل شويه نوقف في الطريق .. لين درست جهة القربولي و نزلت على جامع و توضأت صليت و اتكيت ..
و في داخلي نقول 👌🏻👌🏻 من كثر ما الخيانة بدت كاثرة الواحد معاش عنده نيه يحب و يخاف يحب .. يخليها ع ربي لين يتزوج و خلاص ..
نمودج محمد لما يقعمز معاك يحسسك إن البنات كلهم رخاص .. ما عندهمش مبدأ .. ما عندهمش قيمة للشخص المقابل ..
يحسسك إن كلهم زي بعضهم .. يركبك وسواس من البنات ..
في الوقت الي هو عايش ع أمل نظره من هادي و اضافة من هديكا و يحصل رقم هادي و و و ....
الي سمعته أنا صوت ريان .. سمعته بي وذني .. و غير هكي ما فيش داعي نعطي للموضوع أكبر من حجمه ..
و على قد ما كانت نيتي نظيفه 👌🏻🕊🌱 على قد ما كانت خيبتي 💔
و عديت ليلتي و أنا نقول علاش و علاش و علاش .. و ما كانش في داخلي أدنى لوم على محمد نهائي ...... لين خداني النوم في الجامع و نضت ع صوت آذان الفجر .. صليت و ركبت سيارتي مشيت لي مصراته ..
تاني يوم كان عمل عادي و بديت نحس بقلة تركيز .. عقلي يبي تفسير !!
في الليل فتحت تليفوني بالك توصلني كلمة اطمن فكري ..
و أول ما فتحته وصلوني رسائل منها و من أمي .. أمي خايفه عليا و تدعيلي و ريان مشغوله عليا ..
و درت في بالي و بعزم أن في حياتي ح تكون أمي و مرتي و بنتي بس 🤚🏻 من جنس حواء ..
و يا خوفي ينهدم عزمي 😔💔 يا خوفي نخون عهدي لنفسي👌🏻..
فتحت رسايلها كلهم وينك .. نستنى فيك .. طلعت ع خاطرك .. أنا في الدور الفوقي توا في السوق .. وينك ! .. أنا جهة المنزليه .. أنا كيف طالعه .. احنا مروحين في الطريق .. توا كيف وصلنا الحوش .. فيها خيره ♥️ المهم نتطمن عليك .................................
و أختلطت عليا الأمور .. و هاجس القرف الي بدينا نشوفوا فيه في حياتنا مخوفني ..
و أخترت نلتزم الصمت .. لا نظلم و لا ننظلم .. لين كل شي يبان في وقته ..
كلمتني .. بمجرد ما عرفت ان رسايلها وصلوا و اعطاها تقرير تسليم ..
رديت عليها ..
قتلي ووو ... ااااااااه 😩 .... ووووووووينك 😔 .. و كان واضح عليها انها مشغوله عليا ..
و من نبرة صوتها أستشعرت صدقها ..
به و رجولتي الي كل مره تقولي ها 🤚🏻 رد بالك تضحك عليك أمرأه .. رد بالك تضعف 🤚🏻 .. ما تصدقهاش ... إن كيدهن عظيم ..........
قتلها صارلي ظرف اضطريت نجي مصراته و تليفوني تسكر شحن ..
قتلي ببببببببه ءءءءءءءءءءأهم شي ءءءءإنك بخير ...
قتلها الحمدلله بخير ....
و اختصرت المكالمه و سكرت ..
و دفنت روحي في الخدمه .. و ما كنتش نحب نقعمز 5 دقايق على بعضهم .. نبي نتعب .. نبي نلهى .. نبي نرجع في الليل تاعب و نرقد بس .. و يجيني صوت يقولي زعمه يكلم فيها توا ؟؟ به شن يحكوا !! شن يقوللها ؟؟ زعمه هي نيتها تسأله عليا و معتبراته زي خوها ؟؟
و نطرد مليون سؤال من راسي لما نتفكر ضحكتها 🙈♥️ و نستعيذ من الشيطان ..
به ليش مكبر الموضوع أنا ؟؟ ممكن لأن أول تجربه ليا ...
و قررت نروح طرابلس نهاية الاسبوع .. و كانت مرة مرة ريان تبعتلي رساله ع الفايبر .. مره نتجاهل و مره نرد .. و وسعت الفجوه الي بيننا .. و معاش قدرت نلمها و لا عاد قدرت نرجعها لنقطة البدايه .. تاني يوم الآمر قال ح يتكثف التدريب و الطلعات الجويه الفتره هادي قبل الاحتفال بعيد الأستقلال .. الشي الي خلاني ننسى شويه الي صار .. و نتحمس هلبا لي أستعراض عيد الأستقلال ..
كنت انا و مجموعة ضباط و أول ما شفت طائرة السوخوي و ميراج قلت حبايب قلبي هادوا الي ما يخونوش 😍😍
و تحس بطاقه غريبه في ركوبها .. قيادتها .. أصوات محركاتها .. تتحكم في أرتفاع مستوى الادرينالين .. تمتص كل طاقتك السلبيه .. توصل بيها للسحاب .. الدنيا كلها تحتك .. بيوت عامره و بيوت مغلقه .. بيوت تزف في عرسان و بيوت تزف في أموات .. و كأن الله عز و جل يقولي شوف للناس من فوق بنظره مجمله و قول الحمدلله .. و كأن الله عز و جل يقولي به و ركبت طيارتك و تعليت في السماء .. وين بتهرب من أوجاعك !!
و هلبا إيمانيات حسيتها و ترسخت في داخلي ..
و نزلت من الطلعات التدريبيه .. حاس روحي خفيف .. حاس و كأن مش صاير شي .. مش مضايقني شي ..
و تأجلت مرواحة يوم الخميس ع خاطر الطلعات الجويه .. و استمر الوضع هكي .. مرات نرد عليها فايبر و مرات لا ..
لين جى يوم الاستعراض الجوي لقواتنا المسلحه .. و حضرت الاستعراض و أنا كلي فخر ببلادي الي نتمنى في يوم من الأيام سلاحها الجوي يقارع أكبر الدول ..
كلمتها و قتلها نبي نشوفك و نتكلم معاك .. و بكل رحابة صدر و نيه صافيه متجدده و عفويه صادقه قتلي حاضر به ♥️🌺
و اتفقنا تاني يوم نشوفها و هي طالعه مع بنات خالتها ..
مشيت تاني يوم و قعدت نستنى فيها لين جت و سلمت عليا و كلمتني .. نزلت من السياره و قعمزت معاها جهة الجردينه ..
كانت متوتره و متحشمه لدرجة انها ضامه ايديها الزوز ببعض .. و عدلت وشاحها 60 مره .. و قشرت طلاء اطافرها كله ..
مش هادي البنت الي تخون او تمشي اماكن مع شاب 👎🏻 ..
قتلها نقدر ناخذ تليفونك ؟
قتلي ليش ؟ 😳
قتلها نبيه ..
أعطتهولي .. و بمجرد ما فتحته .. ضربت رقم محمد طلع مش مخزن عندها في الجهاز .. كانت مستغربه فيا بس مش خايفه مني !! هذا دليل انها مش فاهمة شي ..
قتلها رقم محمد تتصلي بيه ؟؟
قتلي من محمد ؟
قتلها الي جى ركب معاي الكاميرات ..
قتلي هو مره جى للحوش كلم امي و مره اتصل بيها ع خاطر جهاز ما جهاز ..
لكن أنا ما عمري كلمته او تواصلت معاه ..
قتلها ما يعرفش رقمك ؟؟
قتلي لا من وين بيعرفه ؟؟
قتلها تمام به 😊♥️
قتلي و هي فرحانه و عيونها يضحكوا إنها قررت تزور دكتور نفسي بخصوص التأتأه 🙈♥️ .. و مشت هي و أمها لي أول جلسه ..
تعرف الدكتوره شن قتلي ؟ 😍😍
قتلها شنو ؟؟
قتلي ح نديروا جلسات علاج نفسي و تنمية قدرات الذاتيه باش نتخلص من خوفي 🙈
و ءءءءءءءءأنا ووووووووعد يا بوسيفي نتخلص من خوفي 💪🏻👌🏻♥️
و يومها لاحظت انها لما تعلق في التأتأه عينها اليمين تشد .. أو من كثر ما تبدل في مجهود للنطق بالحرف نحس ان حواسها يصيرلها شد عضلي ..
و وقتها بس حسيت ان العشق ♥️♥️ متعلق بعيوبنا مش بكمالنا 👌🏻 انك تحبها و فيها شي يسخر منه المجتمع هذا اكبر تحدي لقلب الرجل ..
و كان نبيها كامله و الكمال لي ذات الله عز و جل راهو ما كافئنا الله عز و جل بي حور عين من الجنه ..
و زيني زي أي شاب ليبي في داخلي سؤال .. كيف بيتقبلوها أهلي !! 🤷🏻♂️
و فرحت لان في داخلها عزم تغير و تتغير ع خاطري ..
وروحت بعدها الحوش .. و شدوا فيا الاولاد و من ضمنهم محمد نسهروا في مكان تاني ..
و قعمزت مع العيله شويه و دوشت طلعت معاهم .. كلمت وسام قتله بتلحق ؟؟
قالي لا عندي ما ندير اليوم ..
طلعت معاهم بسيارتي .. المكان اول مره نمشيله .. كانت سهريه عاديه زي اغلب الشباب يتواجد فيها الشرب .. حشيش .............
بس المره هادي في زوز بنات .. الغريب ان الشباب نعرفهم مش متع الدوه هادي ..
سألت أنور : شن موضوعهم هادوا !!
قالي لا عادي ما تدورش اصلا طالعين هما مع محمد توا ..
قتله أنور انت تعرفني كويس و اعفيني المره هادي و تو نروح و نعاودوها مره تانيه ..
و كنت بالفعل ناوي نروح .. طلعت سيارتي و لحقني أنور و محمد و أيمن .. و قالي محمد انا توا طالع بنروح بيهم .. و فعلا طلعوا و ركبوا سيارة محمد ... لكن 🤚🏻🤚🏻
No name ♥️🌺
