سيأتي عليك وقت ما تلعن فيه حياتك تريد موتك تلعن الأوقات التي مرت وأنت حيَ.. وهذا بسبب وجودك فجأة داخل نفق من نار ليس لك أي يد في الدخول إليه بل حياتك انقلبت رأساً علي عقب بدون أي سبب.. فأنت دخلت بالأجبار وتظل الجدران تضيق عليك وأنت هناك .. ويكون الن...
بدأت الملاية تتحرك براحة وتقع ببطء وتبين الي تحتيها لكن اول ما وقعت النور قطع وظلام بقي حولين يارا من كل حتة وبدأت تسمع صوت همس بكلام مش مفهوم وبأسمها وحركة حوليها وسخونية عالية وفجأة لقت صوت تكسير في الاوضة وبعدين صوت تاني وتالت وكأن الأوضة بتتدمر حوليها بدأت تصرخ وتحط ايديها علي ودانها وتقول : انت مييييين عاوووز ايييه سيبني في حالي سبيوني في حالي .. وصوت صمت حوليها وصوت التكسير وقف قررت تتحرك وتروح ناحية الباب لكن مجرد ما لفت خبطت في حد واقف قدامها !! ايديها سندت عليه لا ارادي وحست ب شعر شعر كثيف وكأن قدامها حيوان فرو مثلا جات تشيل ايديها بسرعة لكن لقد ايد مسكت ايدها وقفتها وضغطت جامد وكان الايد في ضوافر طويلة او مخالب!! حست بغرزها في لحم ايديها فضلت تحاول تفك ايديها لكن مسكها ومش عاوز يسبهها وبدأت تسمع صوت التكسير تاني بس المرة ديه عليها بيترمي عليها الحاجات علي ضهرها وهي بتصرخ وتحاول تفك ايديها لكن لا حياة لما تنادي لغاية ما حاجة اترمت علي راسها وحست مكانها في سائل بينزل والم جامد وفقدت الوعي ...
صحيت لقيت نفسها نايمة علي كنبة في الاوضة بتاعة الممرضين في المستشفي حط ايدها علي راسها لقت في رباط وشاش ولقت بنوتة قدها في السن دخلت الأوضة ( حنين صلاح صاحبة يارا المقربة بتحبها جدا وهي شغالة معاها في نفس المستشفي يتيمة وملهاش حد جميلة زي يارا لكن جمالها مختلف قليلا فشعرها مائل للاسود قليلا وطويل وعيونها سوداء بشرتها بيضاء وتعشق الحياة وتحب كثيرا الشباب ولديها الكثير من المعجبين)
Oops! This image does not follow our content guidelines. To continue publishing, please remove it or upload a different image.
حنين قربت منها وقالت : ايوة بقي الي عاملة تعبانة وسيباني اتنفخ في الشغل لوحدي . -هو ايه الي حصل ؟؟ -تقريبا وقعتي في الاوضة بتاعة الست ماري الي ماتت لان بعد ما النور قطع في المستشفي وروحنا نطمن علي المرضة والاجهزة اشتغلت بالمولدات ولا لا دخلنا الاوضة لقناكي مرمية في الارض وبتنزفي من راسك مش عارفة ايه الوقعة الي تفتح دماغك ديه انتي فرفورة اوي يا يارا . -اكيد بحلم اكيد . -بتحلمي ؟؟ علي ايه ؟ بصي مش مهم المهم دلوقتي ان وقتك خلص خلاص قومي روحي انتي يا قلبي وارتاحي لان الكائن اللزق(سامح ) قال انك كنت بتتخيلي النهاردة حاجات كتير . -والله عندك حق هقوم اغور انا من هنا يلا سلام . وبصيتها وغيرت لبسها وخرجت من المستشفي وركبت الموصلات المعتادة ليها والوقت مكنش اتأخر الحمدلله ووصلت البيت اول ما وصلت لقيت جسور واقف عند البوابة وبنفس الشكل بس غير هدومه لبس رمادي ؟!! لا التغير مطلوب برده يارا حاولت تتجاهله وتعدي من جنبه لكن سمعته بيقول : سلامتك . هي سمعت صح ؟ بيقولها هي سلامتك ؟ لا مش مصدقة ؟ اكيد بتتخيل ! كملت طريقها وكأنها مسمعتش لقيته مسك ايدها لكنها لا ارادي صرخت مش منه لا من الوجع الي سببه لايدها قالها بأستغراب : انا مسكت ايدك بس معملتش حاجة . بصيتله وبصت لدراعها لقت الجروح الي مكان الايد الي مسكتها موجودة لا ةمسكة ايده فتحت الجروح تاني خرجت بسرعة من الشنطة مناديل وحطتها تمنع الدم وبصت لجسور وقالتله : لا مش منك الجروح حصلتلي بسبب حاجة تانية كنت عاوز حاجة ؟؟ -بسببه ؟ -هو مين ؟ -سلامتك يا يارا عن اذنك . اتحرك من جنبها وطلع علي السلم وسابها وهي مستغربة هو مين الي بسببه !! مش فاهمة حاجة الصراحة طلعت لشقتهم ودخلت باست منيرة وكمال ودخلت الاوضة غيرت ونامت من الصداع الي هيفجر دماغها نفس الحلم نفس الكابوس دم .. حادثة ... صرااااخ ... ستكونين أنتي الوريثة..
