الوريثة The heiress

13 والأخير

اخبروا الرياح أن تأتي بما تشتهي فالسفن قد غرقت ولما يعد لها وجود من الأساس .
Скажи ветру, чтобы он принес все, что он пожелает, потому что корабли затонули и больше не существуют.

__________________________________________

كل الكائنات هجموا علي يارا وبأنيابهم كانوا بيحاولوا يعضوها فضلت تقوم وترميهم بعيد عنها لكن عددهم كبير وبدأوا يعضوا في كل جسمها وهي تصرخ وتنادي علي حد ينقذها مافيش اي حد فضلت وهي بتقاوم تحاول تتذكر أي تعويذة وافتكرت واحدة وهي Crucio كروشيو حاولت تركز بصعوبة وتقلل خوفها وقالت التعويذة وبدأت تتوهج وجزء من النور او النار الي جواها خرج من جسمها ودخل بسرعة لجسم الكائنات كلهم وبعدوا عنها وبدأوا يتلوا ويصرخوا من الألم وكأنهم بيتعذبوا لأنها كانت تعويذة التعذيب بدأوا ياتحرقوا من جوا ويتحولوا لرماد قدامها وهي مستنتش هربت بسرعة وفضلت تجري بين الأشجار وتصرخ : جسوووور أييييي حد هنااااا . فضلت تجري كتير وحاسة أن مافيش نهاية وسامعة حركة حوليها وحاسة أن الكائنات قربت تاني فجأة ظهر قدامها جسور مسكها بسرعة واختفي من المكان .

في نفس الوقت الي يارا وصلت فيه الغابة جسور اتنقل عادي للقصر وقال : ايه رأيك بقي في اليوم النهاردة؟!
مافيش رد فبص وراه وقال : يارا ؟!!
مافيش حد وراه فضل يدور عليها مش لاقيها فضل يفكر ويحاول يلاقي مكانها عن طريق التخاطر وفعلا شافها بتجري في غابة عرف أنها غابة الضباب فأختفي بسرعة واتنقل ليها ومسكها ورجع تاني بيها للقصر .

يارا فضلت تاخد في نفسها وتقول بكلام مش مفهوم وهي بتتوجع : عضوني .. هيقتلونييي ... جسور ... الكائنات .. مرعبة .. التعاويذ... مكنتش ... فاكرة ... واتعذبوا .. هما اتعذبوا لكن صحيوا تانيي .
كان قاسم خارج من القصر مع ماريانيلا في نفس الوقت فلقي يارا في الارض بتاخد نفسها بالعافية وبتتألم وجسور بيحاول يهديها ندي الي في القصر كله وجري عليهم وقال : يارا مالك ايه الي حصل .. مكنتش بترد فوجه كلامه لجسور وقال : ايه الي حصل هي مالها ؟!!
كله جيه في نفس الوقت وكيرام وعمير اتجهوا ليارا يطمنوا عليها والملك والباقي واقف يتابع الي بيحصل وجسور اكلم وقال : وانا بتنقل بيها من الأرض لهنا كائنات الضباب شافتها وقطعت طريقها وحبستها في غابة الضباب لما عرفت هي فين روحت جبتها قبل ما يسيطروا عليها لكن عضوها جامد .
كيرام وعمير كشفوا عن جروحها وفعلا كانت عميقة اوي عمير قال : جسور تعالي اديها دمك انت الوحيد الي هينفع معاها .
قاسم وماريانيلا بصوا بأتسغراب لأن لما حد بيتعب ممكن اي حد من العائلة يساعده بدمه مش لازم جسور بس فقاسم قال في نفس الوقت : اشمعنا جسور هو تعبان دلوقتي اديلها أنا .
عمير رد عليه من غير ما يبصله وقال : ده مع اي حد ألا يارا لأن دمها مختلف محتاجة الي متطابق معاها وجسور كدة لأنه يعتبر قرينها .
كله اتفاجأ حتي جسور معدا الملك وزهيرة لأنهم كانوا عارفين ده من الأول من وقت الحادثة والتكامل الي كان بينهم جسور كان هيتكلم ويحاول يفهم لقي كيرام عمه بيقول : مش وقت نفهم دلوقتي تعالي ساعدها فقدت دم كتير ومش قادرة تشفي دمها اديها دم وبعد كدة خليها تقول تعويذة الشفاء وهتبقي كويسة يلا .
جسور عض ايده جامد لدرجة أنه جرح نفسه جرح كبير ونزيفه زيادة وطلب كاس وصفي في دمه للآخر وقربه من يارا وقالها بهدوء : حبيبتي اشربي ده ومش هتحسي بوجع يلا.
خدت الكاس وشربت جزء بسيط وبدأ فعلا جروح تلتئم عندها لكن مش كلها فجسور قالها : فاكرة تعويذة الشفاء ؟!
هزت برأسها بوهن أنه اه فاكرها قالها : طيب قوليها يلا .
قالت بهدوء : فولنرا سامنتوا .
وبدأت تتوهج تاني وجروحها كلها اختفت وبعد كدة فقدت الوعي واترمت علي كتف جسور شالها وطلع بيها اوضتها حطها علي السرير وغطاها وخرج من الأوضة ونزل تحت واول ما وصل ليهم قال : ازاي طول الفترة ديه معرفش أني قرينها ؟!
عمير رد عليه بهدوء : لو كنت ربطت الأحداث والمواقف كنت عرفت احنا مكدبناش عليك .
- جسور : بس خبيتوا خبيتوا ليه ؟!! كنت عارف أن من اول ما شوفتها وفي صلة بيني وبينها وكنت عارف أني بحس بيها وهي فرحانة او وهي زعلانة وكنت بعرف مكانها دائما بس متخيلتش ان انا ابقي قرينها لاني لو كدة كنت انتوا هتبقوا عارفين وتقولولي خبيتوا ليه بقي ؟!
الملك قال بهدوء : علشان مكنش مهم تعرف ولو كنت عرفت كنت هتقول مش عاوزها واتخلقت مخصوص علشاني ومش عاوز خد يخترلي وانا الي عاوز اختار والهبل ده ومكنتش هتصدق حبك ليها وكنت هتقول إن ده شعور الاتصال وبس وهتبعد عنها .
قاسم اتكلم وقال : انا عرفت انك قرينها لما حكيتلي انها فهمت لغتك لما اكلمت مع الشياطين بس ساعتها مصدقتش وقولت أكيد سبب تاني بس كدة يارا مينفعش اي حد يساعدها ويتكامل معاها غير جسور يعني ؟!
جسور بصله بعصبية وقال : وانت تفرق معاك ايه اساسا حتي لو مكنتش قرينها مكنتش هتحب غيري يا قاسم .
قاسم قرب منه وقال بنفس النبرة : وليه متحبنيش أنا فيك ايه زيادة عني يعني أنا هحميها ومش هسمح اي حاجة تحصلها اساسا .
جسور مسكه من هدومه وبعصبية اكتر قال : قااااسم يارا ملكش دعوة بيها فااااهم .
قاسم ببرود : تؤ تؤ مش فاهم فهمني .
كانوا هيتخانقوا لكن الملك قال بصوت حاد : لا والله عاااال بتتخانقوا قدامي لا وعلي بنت مش عاوز نفس واحد منكم والا هتشوفوا الوش التاني فاهمييين .
بعدوا عن بعض وهزوا راسهم للملك .
كمل كلامه وقال : أن يارا تتخطف وتروح غابة الضباب ده اكيد ليه سبب واكيد الشياطين هما الي حرضوا كائنات الضباب وطلما عملوا الخطوة ديه يعني في اوي وقت ممكن يهجموا علينا ويخطفوا منا يارا ويا أما يقتلوها وياخدوا الي جواها بس ده هيجبرهم يستنوا الخسوف الي جاي وده بعد سنة او هيهددوا ويعذبوا فيها لغاية ما تتحول زيهم وتبقي اداة في أيديهم وفي الحالتين الخطر علينا وعلي يارا بالذات قوي فجسور انت هتاخد معاك اتنين من الحراس وتروح تعرف اخبار قبائل الشياطين وبيعملوا ايه وبيحضروا لأيه وانت يا قاسم هتحمي يارا لغاية ما جسور يرجع من مهمته كان جسور هيعترض لكن الملك بصله بصة سكتته فكمل وقال وميران انت هتحمي حنين بما انك اتعاملت معاها قبل كدة كيرام وعمير هتحضروا وتدربوا الجيش وتجهوزوا لأي خبر هجوم علينا انا البنات هيرمون وماريانيلا وطبعا زهيرة معاهم هتظبطوا حفلة كبيرة لبكرة بليل والي هنعلن عن بنت الشمس وزواجها من جسور الي هيتم بعد الحرب ورجوع الهدنة الي بينا وبين الشياطين .
كل واحد فاهم هو هيعمل ايه مش عاوز ولا غلطة .
خلص كلامه ودخل وكل واحد راح لمكانه وجسور طلع اوضته جهز علشان يروح لمهمته وهو خارج دخل اوضة يارا لقاها لسة نايمة باس جبينها وخرج من الأوضة ومن القصر كله واختفي .