الوريثة The heiress

4

دخلت يارا الكافيه والي كان مفتوح 24 ساعة قعدت وهي بتفكر وبتكلم نفسها : هو السبب هو السببب ده مخاوي جن فعلا وبيحضرهم في بيتنا لا وانا الي استغربت هياخد مفتاح البدروم ليه وبتاع مهو علشان شخصية حقيرة وهو السبب في الي انا فيه وساحر ونقلني في ثانية من مكان لمكان ياااربي وانا الي كنت هثق فيه .
الجرسون الي كان واقف جنبها بصلها بأستغراب وبيقول جواه " هي مجنونة ؟! " بصتله وطلبت قهوة علشان تفوق وطلعت النوت بوك بتاعها وبدأت تكتب ملاحظات
- لازم ادور ورا جسور لأن هو السبب في الي انا فيه .
- الكابوس لازم اعرف اصله ايه وايه علاقته بيا .
- لازم الاقي نهاية للي بيحصلي وده هيبقي عن طريق جسور.
- لازم ابعد فترة عن هنا يمكن كل حاجة ترجع زي ما كانت.
وقفلت المذكرة وبدأت تشرب القهوة لغاية ما خلصتها وقامت علشان تروح لشغلها .

بدأت شغلها الطبيعي من مريض للتاني وقابلت حنين وفضلت تتكلم معاها شوية بس مشرحتلهاش حاجة زلا حكتلها حاجة ، وهي بتشتغل فجاة لقت حالة طوارئ جاية حادثة عربية علي الطريق السريع وكان الي فيها شاب صغير وخطيبته فضلت واقفة مع كريم ومع سامح وتساعدهم في وقف النزيف وانعاشهم وفي مرة وهي واقفة مع سامح عند البنت ، البنت مسكتها فجأة من هدومها وطلعت من بوقها دم كتير علي يارا في وشها بعدت بسرعة عنها وهي بتصرخ والبنت فقدت الوعي قرب منها سامح وقالها : يارا انتي كويسة ؟؟
- لا وسيبني في حالي بقي .
جريت وهي بتعيط علي الحمام دخلت وقفلت الباب عليها بصت لنفسها في المراية وشها احمر دموي من كتر الدم الي عليه وهدومها كلها برده كلها بقع دم فتحت الماية وفضلت تغسل في وشها والحوض كله يبقي دم لغاية ما خلصت ورفعت راسها تبص في المراية لكن لقت نفسها لسة الدم علي وشها ومافيش حاجة اتشالت !! ده الي هو ازاي حطت ايديها علي وشها حست بالبشرة بتاعتها يعني مافيش دم امال في دم في المراية ليه ؟!! رجعت خطوة لورا الانعكاس رجع زيها قدمت خطوة اتقدم زيها رفعت ايدها لفوق الانعكاس مرفعش ايده !! لا وانعكاسها ابتسم ابتسامة مرعبة وهو غرقان في دمه وبدأ يقرب من المراية وهي متجمدة مكانها مش عارفة تعمل ايه فضل يتقدم لغاية ما وصل لسطح المراية وحط ايده عليه وكأن ده شباك مش مراية فضل يحسس علي سطح المراية وكأنه بيحاول يخرج وبدأ يخبط عليه يخبط جامد وشايفاه بيتكلم وبيصرخ بس مش سامعة حاجة وكأن الزجاج عازل للصوت وبدأت المراية تتشقق وشافت في المراية من بعيد خيال اسود كبير ظهر من ركن في الحمام بصت وراها بسرعة ملقتش حاجة رجعت تاني تبص للمراية لقت الخيال بيقرب من انعكاسها وهو مديه ضهره واول ما وصل مد ايده وخلع راسها من جسمها في المراية ونفورة دم غرقت المراية وبعيونه الي شافتها قبل كدة العيون الحمرا بدأ يقرب من سطح المراية ومد ايده وخرجت فعلا من المراية وبدأ يخرج كله من المراية ويارا مش قادرة تستوعب ايه الي بيحصل ولا عارفة تتحرك بس بدأت ترجع لورا لغاية ما وصلت لباب الحمام المقفول ولقيت الكائن الأسود بدأ يقرب منها علي ايديه ورجليه زي الحيوانات وهجم عليها وبدأت تصرخ وتنادي علي حد ينقذها وهي حاسة بروحها بتتسحب منها وبلدغات في كل جسمها وكأن حد بيعضها لغاية ما سمعت صوت جسور بيقول : أحترق حالا .
ركزت حوليها لقيت الي كان عليها بدأ يتحرق ويتحول رماد وجسور قرب منها وسندها قومها فضلت تنفد رماد الكائن من عليها وجسور اتكلم بهدوء وقالها : أنتي كويسة ؟؟ عملك حاجة ؟
بدأت تبص علي جسمها الي كان كله عضات ولبسها الغرقان دم بصت علي المراية ملقتش حاجة مش قادرة تستوعب حاجة الي بيحصل حوليها والكائنات الغريبة والوجع الي في جسمها وجسور ازاي وصل هنا وازاي دخل بدأت تنفصل عن الواقع وفقدت الوعي بين ايد جسور ...