الوريثة The heiress

11

إن كسر قلبك لن يؤدي إلا إلى القسوة والدمار ، لذا فإن من يؤذي الناس سيصاب بجرح أعمق.

Разрушение вашего сердца приведет только к жестокости и опустошению, поэтому тот, кто причиняет людям боль, получит более глубокую рану. 🖤

__________________________________________

ماريانيلا ما سكتتش وقالت بعصبية : انتي نسيتي نفسك انتي انسية حقيرة ازاي تتكلمي معايا انا ماريانيلا كرام متنسيش نفسك تاني والا بحركة مني اكون دايسة عليكي زي الحشرة .
يارا بدأت تحس بنار جواها وقبضت علي المفرش الي كان علي السفرة وبعنف قوي مسكته وشدته بعيد بالأكل الي عليه رمته علي الأرض بمنتهي العصبية وعينها بدأت تنور وقالت بصوت عالي جدا هز الأرض تحتها : أنا بنت الشمس الحشرة ديه هتكون انتي وأنا بحرقك بناري .
وبدأت تترفع من علي الأرض وبحركة من ايديها قلبت السفرة ورمتها بعيد وأيديها بدأت تنور اصفر وكونت كرة زي الشمس في ايديها ورمتها علي ماريانيلا خبطت فيها وفجرت نور كبير في المكان كله !!!!
كل حاجة اتدمرت من حواليها بدأت تنزل علي الارض وتوهجها يقل لغاية ما اختفي وبدأت تستوعب الي حصل وتبص حوليها وهي مش مصدقة أنها عملت ده كله الحديقة كانت متدمرة والحشائش كلها اتحرقت وفي مجموعة لسة مولع فيهم نار وكل الي حوليها واقعين علي الأرض وبيقوموا بصعوبة وماريانيلا مرمية علي الأرض فاقدة وجزء وشها محروق ولبسها محروق من حتت كتير دورت علي حنين بسرعة بس مش لقياها فضلت تعيط وهي بتشيل الصخور الي متكسرة وتقول : حنين حنين لا والنبي متموتيش انا مكنتش اقصد انا انا مش عارفة عملت كدة ازاي حنيييين . فضلت تصرخ لقت حط بيلمسها لقيته الملك ومتصاب في وشه بجروح بس بدأت تشوفها بتلتئم في نفس الوقت فاتكلم وقال : اهدي يا بنتي صاحبتك بخير مع ميران ميران نقذها ودخل بباول ما بدأتي تتوهجي فاهدي .
فضلت تعيط وبتقطيع قالت : جسور .. جسور فين طب حصله حاجة انا ... انا والله ما اعرف عملت كدة ازاي.
ربط علي كتفها وقال : هو الي بيطمن علي ماريانيلا هناك ده .. وشورلها عليه وكمل فممكن تهدي كلنا عارفين انك لسة مش بتعرفي تتحكمي في قوتك والصراحة ماريانيلا زودتها وكان لازم رد عليها انتي عملتي الصح مغلطتيش فمتقلقيش .
خلص كلامه فجريت ناحية جسور لقيته عمال بيقيس في نبضها وبعد شوية فضل يحرك في وشها يمين وشمال الي كان مشوه من الحروق لفت بص علي الملك الي كان واقف وراها بصة قلق وخوف وبعد بص ليارا بصة عتاب بص تاني لماريانيلا وقال بصوت عالي وحاد : عاوز خنجر بسرعة وفي ثانية ترجعوا المكان زي ما كان فاهمين .
وفعلا حد من الخدم اداله الخنحر وبدأوا كلهم يطلعوا نور من أيديهم ويصلحوا كل حاجة وهو مسك الخنجر وجرح ايده وقرب الدم من بوق ماريانيلا وخلاها تشربه وبعد كدة بدأ وشها يرجع لشكله الطبيعي وهي فجأة جامد تصرخ جامد وكأنها راجعة من الموت وفضلت تكح كتير وجسور بيربط علي ضهرها ، يارا بدأت تغلي انه ازاي يحضنها كدة وهي واقفة جنبه سابت المكان بعصبية ودخلت القصر تدور علي حنين لقت حنين واقفة وقدامها ميران وكانوا بيتكلموا سمعت
ميران : انتي كويسة دلوقتي صح ؟!
حنين : اه انت تمام بس يارا عاملة ايه تلاقيها متأثرة من الي حصل لازم اروحلها .
كانت هتتحرك فوقفها وقال: لا خليكي يارا دلوقتي خطر علينا كلنا وعليكي بالذات فابعدي عنها الفترة ديه لغاية ما تتحكم في قوتها .
حنين : ازاي ابعد عن يارا انت بتقول ايه ؟
ميران : بقولك الي لازم يحصل في خناقة يارا دمرت الحديقة كلها وانتي لو انا ملحقتكيش في الوقت المناسب كنتي بقيتي رماد دلوقتي فاهمة خطورة يارا !!
حنين : فعلا عندك حق وشكراً جدا بجد مش عارفة اقولك ايه .
ميران : خليكي بخير وبس وابعدي عن يارا .
بدأت يارا تعيط والسلم كان وراهم فلازم تعدي عليهم فجريت وهي بتعيط ناحية السلم وسمعت حنين وميران بينادوا عليها وبيقول لها استني لكن طلعت وقفلت الباب بالمفتاح ورمت نفسها علي السرير وفضلت تعيط وتقول : انا فعلا خطر علي الكل انا مش بعمل اي حاجة غير اني بعذب الي حوليا وبس انا ماليش اي فائدة او أهمية كلهم كانوا بيحموني دايما وانا في موقف صغير كنت هدمرهم كلهم ياربي.
وفضلت تعيط ومنهارة وسامعة الباب بيخبط عليها حنين وميران معاها وجسور جيه بعديهم وكان بيقولها :يارا افتحي الباب لازم نتكلم افتحي الباب بقي يا ياااارا .
مكنتش قادرة تفتح ولا تكلم حد قامت ودخلت الحمام ونزلت تحت الدش بفستانها وقعدت والماية الساقعة نازلة عليها وهي منهارة وبتعيط وسامعة صوت الخبط شغال قفلت ودنها بأيديها وقالت بصريخ وهي بتعيط : ابعدوووااا عني سيبوووني في حااالي .