الوريثة The heiress

3

يارا وهي واقفة بتبص علي جسور راح فين سمعت حنين بتنادي عليها وبتقول : يارا يارااا في ايه واقفة كدة ليه ؟؟
- هممم لا انا واقفة عادي شوفت بس حد شبهت عليه يلا ندخل يلا .
ودخلوا مع بعض المستشفي وراحوا اوضة الممرضين علشان يغيروا لبسهم للينيفورم وهما بيجهزوا حنان قالت : بس أنتي جيتي بدري ليه النهاردة ؟ غريبة يعني .
- لا عادي قلقت من النوم بدري فقولت اجي بدري.
- والله ؟ مش عليا يا يارا في حاجة صح ؟
- اه الصراحة وهموت لو محكتش لحد .
- هههه خلاص احكي اهو انا معاكي وكمان عاوزة اعرف ايه سر الرباط الي علي رقبتك ده لانه مكنش موجود امبارح .
- لا الموضوع طويل اوي النهاردة مفروض احنا نص يوم فنخلص ونطلع نقعد في أي مكان احكيلك .
- تمام يا قلبي .
خلصوا وخرجوا راحوا يشوف شغلهم وكان اليوم الطبيعي وطبعا ميخلاش من مواقف سامح الي بتكره يارا في حياتها .

جالهم استدعاء من اجهزة في اوضة من الاوض فيارا جريت راحت الاول وقالت لحنان: نادي بسرعة علي دكتور كريم او سامح وانا هروح اشوف في ايه .
طلعت الاوضة ودخلت لقت شاب نبضات قلبه بتقل بسرعة وبيموت بسرعة اتأكدت من وصلات الأجهزة والمحاليل وبدأت تشغل جهاز الأنعاش ودكتور كريم دخل وقال : ايه الي حصل ؟
- نبضات قلبه بتقل وضغطه مش منتظم نهائي هيموت يا دكتور .
- الانعاش بسرعة .
ادتله المقابض وحطها علي صدره وقال : واحد اتنين تلاتة شغلي ... وجسم الشاب اترفع لفوق ونزل تاني .
- يلا تاني زودي الفولت ل 120 واحد اتنين تلاتة ... وجسم الشاب اترفع تاني ونزل وصفارة جهاز القلب انتشر في الاوضة .
- ساعة الوفاة 34 : 5
يارا فضلت واقفة وهي زي كل مرة لما مريض يموت قدامها بتزعل لان في حياة مقدرتش تساعد في إنقاذها دكتور كريم خرج وهي شدت الملاية علشان تحطها عليه و اتحركت علشان تخرج لكن لقت جهاز القلب بدأ يظهر ان نبضات القلب بتزيد ؟؟ وايد مسكت ايديها بصت بسرعة علي الميت لقيته مفتح عينه وكلها بيضا وبدأ يخرج من فمه مادة بيضا اتحولت لدم وبعد ما خلصت قالت بصوت بشع : ستحترقين في الجحييييم لن نسمح لكِ بأن تنالي الورث لن تحصلي عليييه ستموتين .
وساب ايديها وبدأ يخنق فيها وهي تصرخ وتستنجد بأي حد ولقت فعلا صوت كريم : ايه ده ايه الي بيحصل ده ؟؟؟ وبدأ يشيل ايدين الشاب من علي رقبتها واول ما سبتها صفارة جهاز القلب اشتغلت تاني والشاب فضل يرتعش جدا ويتنفض من مكانه وسكن تماماً بعدها ويارا عمالة تحاول تتنفس وكريم جنبها بيدلج ليها رقبتها علشان تعرف تتنفس لغاية ما بقت كويسة وخرجوا من الاوضة وقال : انتي كويسة ؟ عمري بجد ما شوفت حالة زي ديه الواد كان مات فعلا ازاي قام تاني لا وكمان هجم عليكي مش فاهم الصراحة حصلت ازاي ؟!! .
- ولا انا اعرف عن اذنك همشي أنا .
- استني بس انتي فعلا كويسة ولا تحبي اعملك حاجة انتي اساسا تقريبا مجروحة في رقبتك صح؟
- ده حرق مش جرح وانا تمام يا دكتور كريم شكراً لسؤالك .
جات تمشي لقيته مسك ايديها وقال : تعالي بس المكتب اشوفك مالك .
نفضت ايديها منه وقالت : دكتور كريم ياريت تلتزم حدودك مش علشان تعبت يعني هتهيص معايا في ايه مش أنت وسامح اللزق ده وسع عن خلقتي هو انا نقصاكوا ده الانس والجن عليا بلا هم .
ومشيت من قدامه وهي مش طايقة نفسها دخلت غيرت هدومها وخرجت من المستشفي كلها وراحت كافيه قريب من المستشفي قعدت فيه واتصلت علي حنين طلبت منها تيجي وبعتتلها اللوكيشن .
وطلبت عصير مانجا بدأت تشربه وهي بتبص علي الناس برا بس شافته تاني واقف برا الكافيه من الاندهاش بلعت العصير غلط وبدأت تكح جامد وخدت ماية تشرب بسرعة ولما بصت تاني كانت متأكدة انها مش هتلاقيه وفعلاً اختفي ..
بعد شوية حنان جت وقعدت طلبت عصير برده وقالت : ايوة بقي يا ستي مالك ايه الي حصل ده سمعت من كريمة زميلتنا انك هزقتي كريم لا موصلتش لكريم يا يارا ده كراشي وانتي عارفة .
- حنين ممكن تسكتي ؟!
- احم احم طايب حاضر اتفضلي المايك معاكي .
- حنين انا بيحصلي حاجات غريبة اليومين الي فاتوا حاولوا حياتي جحيم بالمعني الحرفي من يوم عيد ميلادي ال 22 بالظبط يا حنين يومها رجعنا بليل متأخر وانتي عارفة فوانا مروحة شوفت كائنات غريبة الي كنت دايما بشوفهم في الأفلام واقول لا مافيش حاجة كدة في الحقيقة شوفتهم وبعد كدة قابلت واحد اغرب شخصية غريبة جامد وشاحب ودايما لابس يا اسود يا رمادي كلامه مبهم وحياته غريبة وعجيبة ابتسامته بخاف منها حتي ومن ساعة ما روحت ساعتها وبشوف حاجات اغرب بشوف ناس ميتة تصحي بشوف ايد محروقة كائنات اغرب من الي شوفتها وامبارح شوفت الكائنات ديه عند جسور الي بحكيلك عليه الرجل الميت انا مسمياه كدة لقتهم عنده وبيضربوه وبعدين كانوا عاوزين يقتلوني وانا هربت منهم وهو شوفته بعدها عادي مافهوش جرح واحد وانا برده كنت لسة شايفاه متغرق دم ومضروب وبقيت بشوفه في كل حتة يشوفها والكابوس اياه زاد جدا اليومين دول انتي عارفة انه يعني كام بيجي مرة كل فترة لكن من اول الشهر وانا كل يوم بحلم بيه وكل لما انام في اي وقت قبل حتي عيد ميلادي حنين انا بجد بنهار مش قادرة ومش فاهمة حاجة .
- يااا ايه ده كله انا دماغي لفت والله كل ده حصلك ؟ ده ولا في الافلام .
- مش عارفة اعمل ايه ياحنين .
- طب اهدي بس كدة وصلي علي النبي هو انا مش عارفة الصراحة وفعلا انا مش فاهمة السبب برده ولا مصدقة .
- مش مصدقاني ؟؟
- لا مقصدش اقصد مش مقتنعة بان ده ممكن يحصل ؟!!
- ولا انا والله .
- مش يمكن اتلبستي ؟؟؛
- نعم يعني .
- يابنتي اصلهم كان بيقولوا الي يمشي في شوارع ضلمة بعد نص الليل الجن بيتطلعله وبيتلبس .
- تقصدي اتمسيت يعني.
- اه
- مش عارفة بس معتقدش لا انا تمام وببقي في كامل وعي لما بيحصلي حاجة .
- خلاص يبقي جسور .
- ماله .
- هو طرف الخيط بما انك لقيته عامل مشترك في المواقف .
- هو انا فعلا مقتنعة بده بس أزاي اعرف منه حاجة ده انا بخاف من نظرته ده غير انه مش بيرد عليا ده غير اني مش مطمناله الصراحة .
- انا عاوزة اشوفه اوي الرجل الميت ده هههههه لقبه مسخرة اوي .
- بس والنبي يا حنين انتي واح.... حنين انتي باصة فين في ايه ؟؟
- هو ده ؟!!
- هو مين؟؟
- بصي بس .
وشاورلتلي علي مكان برا الكافيه بصيت لقيت جسور واقف فعلا قولتلها وانا لسة باصة عليه : انتي عرفتيه ازاي ؟؟
- مواصفاتك ليه بس فهلا ده غريب اوي وملامحه تحسيها مش شرقية ده قمر ابن الأيه ده خايفة منه ازاي ؟ بصي هو شكله عاوز يدخل هقوم انا بقي واول كا يدخل حاولي بقي تتكلمي معاه وافهمي يلا باي .
- حنين استني .
لكن لا حياة لما تنادي مشيت حنين وخرجت من الكافيه وفعلا جيه ناحية الكافيه ودخل قعد قدامها مكان حنين وقال : ايه الي يخوف فيا ؟
يارا بصيتله بأستغراب وقالت - نعم ؟!
- مش قولتي اني بخوفك وانك مش مطمنالي ؟ ليه ؟
- انت سمعت منين ؟!
- مش مهم سمعت منين المهم جاوبي .
- مهو بسبب كدة .
- بسبب ايه ؟
- غموضك وشكلك وكل حاجة اسأل عليها تتقلب عليا بسؤال هو انت فعلا السبب في الي بيحصليي؟؟
- لا .
- طب مين السبب ؟
بدأ يتكلم بلين وملامح الجمود خفت علي وشه وقال : مش من مصلحتك تعرفي دلوقتي خالص يا يارا.
- لييييه ؟؟
- لان ديه مصلحتك واتأكدي اني دايما عاوز مصلحتك والخير ليكي .
- طب انت مين ؟!
- انا جسور سالم رجل اعمال والدي كوري ووالدتي مصرية علشان كدة واخد الملامح منهم هما الاتنين جيت استقر هنا علشان صفقة مهمة لازم انفذها بس ده انا .