الوريثة The heiress

5

بعد ما يارا سمعت صوت الأزاز بيتكسر قالت اكيد عرفوا يدخلوا لكن بدأت تحس بهوا حوليها فتحت عينها لقت نفسها بتقع من فوق الجبل !! غمضت عينها تاني بسرعة وقالت لنفسها : هموت هموت انا مت خلاص .. لكن حست بحاجة بتحاوطها وصوت خبطة في الأرض لكن هي محستش بأي وجع ، فتحت نص عينها لقت نفسها في حضن جسور وتحديدا فوقيه وهو واقع علي الارض نفس شعور الدفي حست بيه تاني وهي بتبص علي ملامحه المتألمة بس رجعت للواقع بسرعة وصرخت وقالت : جسور انت كويس ؟؟ جسور يالهوي انت رميت نفسك قصدي من الأرتفاع ده ؟!!! طب في حاجة بتوجعك طب يوووه مانت اكيد خلاص ميت مهو مكنش ينفع تعمل كدة هتموت وانا مش هلاقي حد يلحقني طب اعمل ايه يارب اعم...
- بسسسس بسسس ايييه راديو اوعي كدة وانتي مانعة ماية ونور مش عارف احد نفسي .
- اووه اه اسفة .
بعدت عنه واتعدلت وهو بدأ يقوم ويرجع عضمه مكان الي حصله كسر وعينه كان فيها لهيب احمر وقام وقف وكأن مافيش اي حاجة حصلت ولا انه وقع من فوق جبل وهي واقفة مكانها مش عارفة تتحرك وفاتحة بوقها ولا أرادي قالت بصوت عالي : أنت ايه ؟!!!
- كائن حي .. وابتسم ابتسامه سخيفة .
رجعت تاني للواقع وبصتله وبغيظ وقالت : طبعا مانت مش هتقول حاجة غير وبدأت تقلد صوته " كل حاجة هتعرفيها في وقتها " نينينينييييي .
ضحك جامد اول ما خلصت التريقة عليه ولأول مرة تشوفه بيضحك اساسا وعرفت خلاص هي وقعت ولا حد سمي عليها فضل يضحك وقال : ههههههه حرام عليكي والله ههههه انا بعمل كدة ههههه .
ابتسمت تلقائي وقالت بطفولة : مانت الي كل ما اسأل علي حاجة تقولي مش وقته مش مش وقته زهقت والله من الدوامة ديه .
- معلشي كل حاجة لما تبقي في وقتها يبقي أحسن دلوقتي يلا نتحرك لأن لازم نبعد قبل ما يوصلوا لينا .
- تمام بس هنروح فين ؟
- لازم نبعد هنروح ايطاليا.
- وده ازاي ومش معانا طيار ولا اي حاجة ولا اه صحيح هتطرقع صوابعك نبقي هناك زي المستشفي ؟
- للأسف مش هينفع لأن اقرب باب علي بعد 100 كيلو متر .
- مع اني مش فاهمة بس هتعمل ايه ؟
- مافيش غير حل واحد بس تحاولي تتمسكي اعصابك وصدقيني هفهمك كل حاجة اول ما نوصل تمام ؟
- ليه انت هتعمل ايه انا خوفت ؟!
- تمالكي اعصابك بليز .
وفجأة عينه نورت اصفر وطلع ليه جناحات عالية أوي استني رد فعلها بس استغرب لما لقاها بتضحك وبتقرب منه تلمس جناحاته وقالت : واووو انت عندك جناحات كمان ده انت خارق بجد بقي قولي انت مصاص دماء ؟!! وهعيش قصة زي twilight ولا مستأذب وهيبقي teen wolf ؟؟ الله بجددد .
- قال بنفس صوته : ثانية واحدة انتي مش خايفة مني ؟!
- لا طبعا مانا عارفة انك خارق يلا طيرني بقي هيييس واو .
قال بهمس : ديه هبلة ؟! واحدة غيرها كانت وقعت من طولها .
قرب منها ومسكت في رقبته وحضتنه وطار بيها كان حاسس بنفسها علي رقبته وكلامها الي كان كله اندهاش وفرح حس ساعتها بأحساس كان عارفه كويس ورجعله تاني ، خفي نفسه عن الناس وفضل طاير فترة طويلة علشان يوصل بسرعة وهي كل ده متعلقة في رقبته وهو ماسكها كويس لغاية ما وصل كان بيت صغير علي صخرة في وسط البحر لما نزل وقف علي الارض لاقي جسم يارا مرتخي نامت ؟؟ قال في سره : يعني معقولة تنام وهي في الجو لا وكمان واحد شكلي شايلها ؟؟ هي بتجيب الأمان والثقة ديه منين ؟؟
بدأت تفتح عينيها براحة وهو لسة ماسكها وبدأ يرجع لشكله الإنساني بس منغير التي شرت بتاعه قالت بصوت نايم : وصلنا ؟؟
- اه ياريت الرحلة تكون عجبت حضرتك .
- لا عجبتني اوي الصراحة مكنتش اتخيل عمري اني اركب طيارة أساسا .
- انتي بتتكلمي جد ؟
- اه والله مكنتش اعرف هركب طيارة ول..
- لا مقصدش اقصد انتي استمعتي بجد وكنتي مرتاحة ونايمة عادي كدة بعد ما شوفتيني ؟؟
- أيوة وهكدب ليه ؟
- ده ازاي ؟
- مش عارفة بس انا مطمنالك ممكن علشان مشوفتش منك غير انك بتحاول تساعدني .
وبصت في عينه وفضل مدة باصين لبعض لغاية ما هو قطع الصمت وقال : يلا علشان ندخل .
اتحرك ودخل وهي دخلت وراها البيت كان شبه الأول بس هو اصغر شوية عمل نفسالي عمله في البيت الأول ويارا قعدت علي الكنبة الي موجودة في صالة البيت واستنته لما خلصت الي بيعمله من قراية حاجات وقفل شبابيك وابواب وخلص وطلع فوق الدور التاني فضل مدة وهي وقفت في البلكونة الي هو مقفلهاش وفضلت تبص علي البحر والموج وهو بيخبط في الصخور قد ايه البحر كبير فعلا وتحسه بأمواجه انه دائما جواه وجع وغصب وبيطلعه في الموج فضلت تتفرج وتتأمل البحر لغاية ما سمعته من وراها : بتحبي البحر ؟
- من غير ما تلف قالت : اه منظره مريح للأعصاب تشكيله همك وانت متطمن ان مع الموجه الي بعدها هياخد همك لجواه بالجزر .
- مسألتيش يعني أنا مين؟!
- بصيتله لما وقف جنبها : مبقاش في فايدة لما اسأل لأنك هتجاوب بس لما تبقي عاوز فمستنية انت الي تحكي .
- حاسة بأيه دلوقتي ؟
- فراغ .
- ازاي ؟!
- حاسة بفراغ من كل حاجة انا واحدة فجاة من أول عيد ميلادي السعيد بدأ يحصلها حاجات غريبة مبقتش تعرف تنام ولا تعرف تاكل وبعد كدة سابت بيتها وشغلها وصاحبتها وكل حاجة وماشية مع واحد متعرفش هو مين اساسا ولا ايه اصله متعرفش هما عايشن ولا لا كويسين ولا لا انا واحدة حياتها اتقلبت منغير ما تعرف حتي السبب كل ده جوايا فمن كترهم حاسة بفراغ مش عارفة احس بأيه بالظبط .
سكتت وفضل هو ساكت كمان لغاية ما قال : تمام يا يارا انا حفيد الملك عبد الله المذهّب .
- ده ملك من ملوك السعوديه ؟!
- لا ملك من ملوك الجن السبعة .
- ههههه بطل هزار يا جسور ملك جن ايه وبتاع.. ثانية انت بتتكلم جد ؟!!
- اه انا حفيد ملك الجن المسلم خادم يوم الأحد من الجن الضوئي قوتنا كبيرة وتقدر تقضي علي الشياطين في ثانية يعني انا جن بس أنا هجين اقوي ابناء أبي لأني خليط من الجان ومن البشر كان معتقد اني اكون اضعف لكن اني ابقي بشري قوتني اكتر لأن الجن وقبائل العفاريت والمردة والشياطين محدش فيهم يقدر يتحكم فيا ولا يسيطروا عليا.
- انت جن ؟!! عفريت يعني ؟؟
- العفاريت نوع من الجن زي المردة لكن انا جن عادي طبيعي أمير من نصل ملك الجن .
- وأنت جيت ليه ليا ؟؟
- انا هنا علشان احميكي وافضل معاكي لغاية ما يحصل التفعيل .
- تحميني من مين وتفعيل ايه انا مش فاهمة ؟؟
- ده الي لازم تعرفيه دلوقتي اما مين الي وراكي وليه انا هنا مش وقته تعرفيه .
- حلو والله مكنتش اتخيل ان دونا عن الأفلام والمسلسلات كلها يحصلي lucifer طلعلي شيطان ياربي.
- جن ضوئي .
- يا سيدي كلكم من نار مش فارقة.
- لا تفرق لأننا مش زيهم الجن الضوئيين ( النصيبيين )
هو مختص بالمسلمين فقط وهم أولاد وأحفاد الجن النصيبيين الذين عاشروا زمن الرسول صلى الله عليه وسلم وحضروا معه دعوته للإسلام وهم أقوى أنواع الجن على الإطلاق وقد أكرمهم الله بإيمان راسخ وقوتهم من قوة إيمانهم ومنهم الأمراء وملوك الجن وأعدادهم قليلة جداً قياساً ببقية الأنواع ويستطيع جني ضوئي قتل مائة شيطان بضربة واحدة في المعارك والحروب التي تحدث بين المسلمين والشياطين رغم أنهم قليلاً ما يتدخلون بالحروب لقلة عددهم وإذا أرادت الشياطين قتل جني ضوئي فتجتمع عليه آلاف منهم ومنهم سحرة ولا يستطيعون قتله إلا بعد أن يتعب تعباً شديداً أو يجرح بجروح كثيرة ويمتاز هذا النوع بالسرعة والقوة والحكمة وهو يشبه الإنسان في شكله ولكن بخواص مختلفة .
- واووووو ده انت طلعت جامد .
- نعم ؟
- ايه طلعت جامد وهجين وقوي كدة وكاريزما ووسيم هو انت مرتبط ؟
- يعني انا بحكيلك اني من الجن وانتي تقوليلي مرتبط ؟ انتي طبيعية ؟!!!
- هههههه اه والله انت تمام صدقني بس رد علي السؤال ولا اقولك بلاش ده هو انتوا بتتجوزوا بشريين عادي بقي بما انك نص بشري ونص جني ؟
- جني ؟! هو انا في فيلم علاء الدين ياربي .. اه يا يارا عادي يعتبر الموضوع مش متحرم .
- طب حلو اوي .
- هو ايه الي حلو .
- متركزش متركزش يلا انا هروح انام .
- ده ايه البرود واللامبالاة ديه بقوله انا امير جن وتقولي هروح انام ؟!!
- بتقول حاجة ؟!!
- لا خالص يابيبي وانتي من اهله.
ابتسمت ليه وهو ردلها الأبتسامة وطلعت اول اوضة دخلتها وقفلت الباب وراحت ناحية السرير مسكت المخدة وكتمت بيها صوتها وصرخت بكل ما فيها وشلتها وفضلت تلف في الأوضة بعصبية وتقول : يالهوي عليا انا مع امير جن كل ده بيطير وبينر وبيحمر يالهوووي وانا هستحمل ازاي زي ما كنت معاه تحت مابينش اني خايفة بس ثانية انا مكنتش خايفة اوي ؟! يادوب كان في رهبة بس منه لكن هو ميخوفش وكيوت لالالا كيوت ايه وبتاع ايه ده جن ونار وملوك جن سبعة وشياطين وحاجات كتير مش عارفة بقي انا هحاول اخبي خوفي وخلاص.