الوريثة The heiress

10

الجحيم هو الوسام الرفيع الذي يقدمه لك الشيطان مقابل خدمتك له " (بيلي صنداي)

"Ад - это величественная медаль, которую сатана дает вам в обмен на ваше служение ему "

(Билли Сандей).

__________________________________________

يارا فتحت عينيها بعد ما جسور ورالها كل حاجة قامت قعدت وجسور كان قاعد قدام السرير بصيتله بصة فارغة ملهاش أي معني إذا كانت حزينة إذا كانت فرحانة مشوشة متعصبة لا مكنش في اي معني ليها اكلمت وقالت بصوت هادئ : ايه هي دماء الشمس ؟
استغرب ان اول سؤال ليها يكون عن دماء الشمس بس رد وقال : من وأنا صغير كان دائما بيتحكيلي عن أسطورة دماء الشمس من بابا وجدي دماء الشمس هي قطرات دم من بدأ الخلق أول المخلوقات مكنش الأنسان كان أهل الأرض وبعد كدة أحنا اثناء حياتنا هنا كان بيحصل كوارث كتير وفي مرة الشمس قربت جدا من الأرض لدرجة أنها خلت الجبال تنصهر من قوتها حصل فوضي كبيرة وموت كتير وبعد فترة رجعت الشمس لمكانها الطبيعي بس في مرة عشيرتي راحت منطقة الجبال تستكشفها بس في جبل من الجبال لقوا بنت متعلقة في وسط جبل من الجبال كانت منورة وكأنها شمس

جدي الي هو أبو عبدلله المذٌهب حاول أنه يمسكها بصعوبة بسبب اللهب الي صادر منها وأول ما لمسها انطفت وبقت لونها طبيعي زي الإنسان بس الانسان مكنش اتخلق اساسا فكانت بالنسبالهم كائن غريب ف رجع بيها المملكة وفضلت في القصر فاقدة الوعي لغاية ما اتخلق الأنسان وأبليس نزل علي الأرض وكل ده وجدي مكنش عاوز يسبها ولا فاهم في ايه بس يوم ما فاقت ومكنتش فاكرة اي حاجة ولا عندها اي ذكري فضلت عايشة معاهم وعرفوا قد ايه قوتها عظيمة في الحروب وفي اي وقت درسوها بمعني اصح وعرفوا التعاويذ الي بتستخدمها وطبعا هي كانت عارفة التعاويذ مش ناسيها لأنها اتخلقت بنت شمس بس حصل أن حد من البشر وكانت زوجة جدي الي هي جدتي لمستها في وقت توهجها وكمان كانت بنت الشمس ساعتها ضعيفة ومن لمسها بس اتدمر القصر كله في انفجار كبير ولولا انهم اقوياء ومش فانين كانوا ماتوا وطبعا جدتي ماتت ساعتها أو هما افتكروا كدة لأن لما دخلوا لقوا جدتي لسة عايشة ومتوهجة جدا زي بنت الشمس بس هي ماتت وكان الاعراض علي جدتي زي بنت الشمس وكأنها هتولع وعينها منورة محدش كان عارف يعمل حاجة ولا فاهم ازاي القوة اتنقلت ، فجدي امر الحراس والاطباء وخدوا جدتي والي ساعتها كانت شباب وفضلوا يحاولوا يصحوها أو يفهموا ايه الي حصلها اطباء المملكة كلهم فضلوا معاها لكن كانت بتزداد توهج يوم ورا يوم وكأنها هتنفجر لكن في يوم فهموا ايه عندها اكتشفوا ان بقي عندها قوة الشمس وانها اتنقلتلها القوة وان الجزيئات الي في الشمس هي هي نفس الجزيئات في جسمها بس جسم جدتي كان ضعيف وده تقريبا بسبب ان القوة اتنقلت ليها بعد ما عدا العمر المناسب للقوة والي هو 20 و ممكن تولع الأرض كلها لو متحكمتش في القوة ديه وعرفوا وهي هتفضل في العذاب ده ولازم تموت وألا القوة الي جواها هتخرج ولو خرجت هتدمر الأرض ف اضطر جدي علشان يرحم جدتي لأنه كان بيعشقها جدا وينقذ العالم من الي ممكن يحصل فيه انه يقتلها مسك سيفه وقتلها ضربه في قلبها وقتلها ومكان السيف بدأ يطلع منه نور كتير وبعد كدة التوهج الي في جسمها بدأ يختفي ويتجمع عند الجرح وبدأ يطلع من مكان الجرح نقط من الضوء جدي حط قدامها قارورة بسرعة ودخلوا فيها فعلا واتحولوا للسائل احمر ساعتها بس عرفوا مدي خطورة دماء الشمس وانتشر في العالم كله قوتها وأسطورة بنت الشمس وقوتها لا وبالذات الشياطين والي رئيسهم أبليس بس العهد الي بينا وبينهم كان بيمنع أي حرب وجدي بعد زمن مات وكان ابنه الملك عبدلله المذٌهب اتجوز من ابنة جدتي الكبري وخلف منها ابي عمير لكن ابي خد كل صفات الجن وما اتولدش هجين من البشر والجن و بابا اتجوز من العائلة المالكة عادي لكن الي حصل اني انا الي طلعت هجين من البشر ومن الجن وده الي خلاني قوي لأن تهجيني مش مباشر من الام او الاب لا ده انا هجين من الجدة وبعد فترة لما تميت ال15 وكنت واعي جدا حصل هجوم علينا علشان ...
- دماء الشمس .
الي قالها كان عمير وهو واقف عند باب الأوضة خلاهم يتلفوا ناحيته فدخل وكمل علي كلام جسور : علشان دماء الشمس الي لو دخلت أي جسم غير جسم الضوئين هيبقي أقوي جسم في العالم كله وفي ايده يدمر اي حاجة ويحتل العالم ويبقي سيده وأنتي يا يارا بقيتي بنت الشمس أول بنت للشمس وبقيتي وريثة الدماء وكله عاوزك علشان يقتلك وياخد الدم الي جواكي .. قرب منها وقعد جنبها علي السرير وهو كل ده علي هيئة كمال وقال : أنا أسف يا يارا بجد بس أنا والله اعتبرتك بنتي زي جسور بالظبط لو كنا سيبناكي يوم الحادثة كنتي هتموتي هتموتي وانتي لسة طفلة عندك 9 سنين بس .
- ما سبتونيش أموت ليه ؟
كان صوت يارا بنبرة يأس وحزن بصت بعيون دامعة لعمير وقالتله وهي بتعيط : ما سبتنيش اموت ليييه ؟! كان أهون عليا أموت ولا أني افضل في الحياة الحقيرة ولا اني اتعذب كل يوم وانا بحلم بكوابيس لشهور ولا أني اشوف الشياطين في كل حتة ولا واني اتنقل من مكان لمكان في ثانية ولا أني احس بكل حاجة بتموت وبتدمر حوليا بسببي انا ولا اني افضل افكر في كل ثانية أني بقوتي ديه ممكن أدمر العالم كله ليييه ليييه أنا ليه عملتوا فيا كدة ؟!!!
- عمير بأستغراب : انتي جواكي قوة كله بيحارب عليها وبقيتي وريثة دماء الشمس ..
- يارا بزعيق وانفعال: مش عاوزاااها مش عاوزاااها وانا شايفة نفسي بقتل كل الي حوليا مش عاوزاااها مش عاوزاااها لو بقيت انا الي اسبب في الحرب مش عاوزة كدة حرام عليكم والله حرام .
زادت في العياط وغضت وشها بأيديها جسور كان هيقرب منها لكن عمير منعه وقال بنبرة حادة : بتتهمينا أن أحنا سبب عذابك صح ؟! جواكي قوة الشمس قوة الشمس بجبورتها وبتعيطي علشان كام شهر حلمتي بكوابيس وشوفتي حاجات مرعبة ومحدش حاسس بيكي ؟!! ومملكة الجن الي كانت بتتدمر وبتولع مين حس بيها ؟!! العالم الي كان هيدمر لو ابليس وصل للدم ده مين كان هيحس بيه ؟!! كنتي عاوزة تموتي مع اهلك في الحادثة صح ؟! احب اقولك أنك لو كنتي موتي كنا كلنا موتنا وكان العالم هينتهي وهيسوده الشياطين وكل ده بسبب انانيتك .
كلامه كان حقيقي وواقعي وجرحها فعلا وصدمها بالواقع بصيتله وهي مندهشة من طريقته الحادة فكمل وقال بحدة اكبر وزعيق : مستغربة؟! اه مانا دايما كنت الأب الحنون والي دايما كان جنبك في كل وقت وكنت امانك وحمايتك فعلا لازم تستغربي لاني دلوقتي مش ابوكي يا يارا انا دلوقتي عمير وريث مملكة الجن الضوئي ومستني منك رد لكل الي عملته ليكي من وانتي صغيرة ولازم تقومي وتبطلي انانية وعياط لأن في مملكة لازم تحميها معانا زيك زينا وهتخضعي لتدريبات علشان تتحكمي في قوتك وتفعيلها هنا مش مكان للضعفاء الي بيخافوا من شوية كوابيس وشياطين فاهمة .
خلص كلامه وساب الاوضة وخرج وهو من جواه نادم جدا علي الي قاله لكن لازم يفوقها لازم العالم كله معتمد عليها هي هتتجرح لازم تنجرح علشان تقوم وتفوق لنفسها .
جسور كان لسة واقف الي استغرب جدا من رد فعل عمير عمر ما كان يتخيل أنه ينفعل كدة لا وعلي يارا الي كان بيعاملها احسن منه شخصيا بص ناحيتها لقاها لسة مصدومة من الي قاله عمير وبعد كدة انفجرت في العياط والصريخ وكل الي كانت بتقوله : محدش.. فااااهمني. . أنا مش أنانيييية... أنا .. أنا خايفة أنا مش هقدر مش هقدر .
جسور قرب منها وكان هيواسيها لكن قال يسبها لوحدها احسن مش هيفيد بحاجة وجوده هي اكيد هتكرهه اساسا فاتحرك ناحية بس سمع الي خلاه يوقف يتصنم مكانه كان صوتها وهي بتقول : متسبتنيش لوحدي يا جسور علشان خطري انا خايفة .
صوتها وجع قلبه صوتها الضعيف وكأنها طفلة خايفة من الوحش الي تحت السرير وبتستطف باباها ينام جنبها لف ناحيتها وجري خدها في حضنه وهي انفجرت زيادة في حضنه ومابين عياطها كان بيسمع : انا مش أنانية والله ما انانية أنا بس خايفة .
فضل يربط علي ضهرها ويهديها بالكلام ويقولها : خلاص راح خلاص كل حاجة طب خلصت أنتي قوية يا يارا أنتي هتقدري متخافيش شششش خلاص أهدي اهدي خلاص .
قالت بصوت جرح قلبه : محدش بيحبني جسور حتي بابا مبقاش يحبني كلهم فاكرني انانية .
- لا يا يارا كلهم بيحبوكي بابا قال كدة بس علشان يفوقك لكن هو بيحبك يا يارا وأنا ... انا كمان بحبك .
بطلت عياط وبعدها بعدت عن حضنه وقالت وهي بتمسح دموعها زي الأطفال : بتحبني ؟!
مد ايديه يمسح هو دموعها وابتسم : أها بحبك يا يارا .
كانت هتبتسم لكن كشرت تاني وقالت : علي فكرة مش محتاجة تقولي كدة بقي علشان ابقي تمام مش محتاجة شفقة من حد .
قرب اكتر منها ولسة ايديه علي وشها وقالها : بصي في عيني يا يارا .
- لا .
- بصي بس .
رفعت عينها ناحية عينيه وهو قال : أنا بحبك بعشقك يارا ، هي عيوني دلوقتي بتكدب ؟!
سكتت وسرحت في عينيها الي فعلا كانت كلها صدق ابتسمت ابتسامة خجولة وبعدت عنه وقالت بتوتر : طب قوم بقي علشان عاوزة اغير لبستي واستحمي .
قال بأبتسامة مكر : طب وانا مالي ماتغيري ؟
احمرت اكتر وقالت بعصبية : جسوووور امشي من هنا يلاااا.
ضحك من قلبه وهو بيضحك قال : خلاص خلاص هقوم أهو متزوقيش اجهزي انتي وانزلي الغدا هيبقي بعد نص ساعة واه احنا بناكل عادي زي البني ادمين واه الناس كلها مستنياكي تحت ومش كرهينك ولا حاجة وأه انا بحبك جدا خليكي فاكرة ده يلا سلام .
وشاورلها بأيده بعلامة سلام وخرج وقفل الباب فضلت تتنطت وترقص وتغني مش قادرة تصدق وفضلت تدندن اغنية تركية كانت حفظاها.