الوريثة The heiress

12

الماضي مؤلم والحاضر متعب والمستقبل مبهم ولكن سنظل نسعي لبناء مستقبل افضل علي اطلال اروحنا المتبقية في الساحة وسنظل نتمسك بأقل كلمة جميلة حتي نبقي علي قيد الحياة .
Прошлое болезненно, настоящее устало, а будущее неоднозначно, но мы продолжим стремиться построить лучшее будущее на руинах наших оставшихся душ на арене, и мы будем придерживаться наименее красивого слова, чтобы выжить.

________________________________________

-بس ياستي وديه حكاية كوشيساكي أونا .
كان الي قايل الجملة قاسم وهو قاعد مع يارا في حديقة القصر وطالبين الأكل ليارا .
- ياااا يعني انا كنت في الحالتين هموت ! ده الحمدلله انك جيت والله .
- فعلا بجد لأن كوشيساكي أونا ليها ضحايا كتير من البشر وانها تلاقي ضحية هنا يبقي يا سعدها ياهناها .
- والملك موافق عادي مش هو مسلم برده ؟!
- قانوننا غير القانون عندكوا الملك مش مسؤل علي اي حد من فرض الجن ولا ديانة حد مش هينفع نمنع حد من انه يعمل حاجة كل واحد في حاله .
- اااه تمام .
سكتت يارا والأكل الخدم حطوه وبدأت تاكل بهدوء وتحاول تنسي الي شافته علشان متقرفش فقاسم قاطع صمتها وقال : بس انتي الصراحة قوية أوي مش قادرة تستخدمي قوتك بس في نفس الوقت فضلتي تحاولي تهربي مستسلمتيش .
بصيتله بأستغراب وجواها كانت بتقول : هو ازاي بيشكر فيا وبيتعامل معايا عادي كدة ومش كارهني مع اني أذيت اخته الصبح .
- لا عادي اكرهك ليه ؟!
كانت في ماية في بوقها من الصدمة رميتها عليه صرخ وقام وفضل ينفض هدومه وهي بأسف قالت : اسفة والله اسفة بس استغربت لما لقيتك سمعت افكاري هو انت بتقرا الافكار ؟
ابتسم لها وقعد تاني وقال : اهدي خلاص ولا يهمك واه انا بقرا الأفكار وسمعتك فرديت .
- اووه اسفة انا مقصدش والله بس انا استغربت انك ودود عادي معايا مع يعني الي عملته الصب...
- إنتي بنت الشمس يا يارا ومتعرفيش اي حاجة من قوتك ده غير أن اختي زودتها الصراحة كل ده بسبب ..
قاسم سكت عند كدة وكأنه بيلحق نفسه . وكمل وقال : بس فعلشان كدة انتي ملكيش اي ذنب ده غير أنك شخصية جميلة اوي وشكلك طيبة وحنينة اوي .
وابتسملها ابتسامة هادية وجذابة ردت عليه الابتسامة وقالت جواها : هو مقالش السبب ليه ؟! وبعد كدة افتكرت انه بيقرا أفكارها فبصت لقيته رافع حاجبه ومبتسم ابتسامة ماكرة فبصت علي الاكل وكملت أكلها علشان تلهي نفسها وبعد شوية لما لقيته مركز معاها اول ومتابعها قالت : هو كلكوا بتتكلموا عربي عادي وعامية كمان ؟!
- رد عليها بهدوء : كلنا بلا استثناء قعدنا فترة في مصر واتعلمنا العامية كويس اوي لأن كان لينا مهمات كتير هناك ده غير ان جدتي البشرية كانت من مصر فتوراثنا اللغة لكن احنا لينا لغة معينة مع القبائل الاخري والشياطين .
قالت جواها : اه زي ما الشياطين كلموا جسور وهو بيهربني بس .. قالت بصوت عالي : بس انا فهمت اللغة منغير ما حد يترجملي .
بصلها بنفس الهدوء لكن حست أن نظرته بقيت عميقة اوي وكأنه بيحاول يعرف ايه الي جواها وقال : بجد ؟! سمعتي مين بيكلم بالغة بتاعتنا ؟
- ردت بتلقائية : جسور ساعتها كان بيكلم الشياطين بس فهمته ومفهمتهمش.
- عادي ممكن بسبب قوتك كلي انتي بقي علشان تلحقي ترتاحي علشان بكرا يوم طويل وهتتعبي فيه.
كملت الاكل وسمعت كلامه لكن مكنتش فاهمة ليه برده بيبصلها كدة وكانت بتحاول متفكرش بصوت عالي علشان ميسمعهاش .
خلصت أكل وقامت معاه دخلوا القصر وكانوا بيتكلموا في حاجات كتير وارتحتله جدا حست أنه شخص حلو اوي علي عكس أخته وكان مضحك اوي وكانت تحسه انه لوهلة من البشر وزي الشباب علي عكس جسور وجموده وبروده وهما ماشين في القصر طالعين للاوض شافت جسور خارج من أوضته والي هي قدام اوضتها وكان وشه جامد وحست أنه متعصب جدا مع انه مش ظاهر عليه حاجة وقف قدامهم وقال بصوت هادي بس هي لاحظ في نبرة حادة : يارا تعالي عوزك.
قاسم كان عاوز يقول : طب سيبها انا هوصلها الاوضة لكن سكت لما جسور قال : لا شكرا يا قاسم مش عاوزين نتعبك اكتر من كدة .. وبص ليارا وقال : اتفضلي يلا .
استغربت من نبرته وعلشان تمشي الموقف وميحصلش حاجة بصت لقاسم وابتسمت وقالت : شكرا جدا يا قاسم بجد تعبتك معايا وكان وقت لطيف جدا مبسوطة أني اتعرفت عليك .
جسور مستناش رد قاسم ومسك ايديها وشدها دخل بيها اوضتها وقفل الباب وقال بعصبية : ممكن اعرف كنتي فين ده كله ؟!!
ردت عليه باستغراب : كنت مع قاسم كلت واكلمنا شوية وطلعنا ده طلع شخص جم....
قاطعها بعصبية اكتر : والله كل ده مع قاسم ؟!! ومقولتيش ليه لبابا انه انا الي اجي معاكي مش قاسم ؟!!
وافقتي ليييه ؟
بدأت تخاف من عصبيته الي اول مرة يظهرها وهي مش فاهمة هي عملت ايه غلط كمل بعصبية وقال : طبعا ما هو البطل الهيرووو الي نقذك علشان اناااا مكنتش موجود .
قالت بنبرة مترددة : جسور اهدي انا مش فاهمة حاجة والله انا بابا عمير قالي روحي مع قاسم روحت وسمعت كلامه لأني مكنتش قادرة بجد ولا اعترض ولا اقف حتي ده غير ان انت كنت واقف معاهم وبتتكلموا في موضوع مهم مردتش اخليك تسيب كل حاجة وتيجي علشان تأكلني أنا مش عيلة صغيرة فأنا مش فاهمة في ايه لده كله انا معملتش حاجة غلط قاسم شخص محترم جدا وجميل وانقذني من الموت بدل ما تشكره بتلومني اني خرجت معاه ؟!
جسور بعصبية بس اهدي : تمام هو الحلو الجميل القمر المضحك البطل الي نقذك بس متتعامليش معاه تاني مفهوم ؟.
- لا مش مفهوم .
- افندم يعني ؟!
- يعني مش مفهوم مكلمهوش ومتعملش معاه ليه هو عملي حاجة ؟!! أنا مش ناكرة جميل ولا جاحدة ولا مصحباه برده وقاعدة معاه عمال علي بطال .
- والله ؟!!
- اه والله ومش فاضي بس غير انك تضايق اني نزلت بس كلت معاه ومش مضايق من الي عملته الصبح تبصلي وكأني اذنبت مع انك عارف انه مش متحكمة في اي حاجة وتفضل طول الوقت مع الي اسمها نيلة ديه ولا تبصلي حتي وبعد كدة تيجي تخبط عاوز تتكلم معايا هتتكلم معايا في ايه يعني ما نظرتك كانت واضحة فاتفضل بقي من اوضتي علشان انا مش مستحملة كلمة من حد انا ميتة اساسا وشوفت النهاردة بما في الكفاية فممكن بقي تسيبني ارتاح لاني تعبت ؟!
بصلها وهدي تماماً وصعبت عليه فعلا لأنها تعبت النهاردة وشافت كتير وهو كمل عليها وبصلها الصبح بعتاب فعلا قرب منها وحضنها وفضل يربط علي ضهرها ويقول : انا اسف بجد انا اسف غيرتي اتحكمت فيا ومخدش بالي خالص ف طلعي الي جواكي وقولي الي عاوزة تقوليه وارتاحي يلا .
وكأنه ادالها الإشارة بدأت تعيط جامد وتقول وسط عياطها : كله بيهرب مني وخايف مني يا جسور حتي حنين سمعت ميران بيقولها تبعد عني خالص لييه أنا مش ببقي قاصدي والله ولا في إرادتي حتي انت بصيتلي بصة اني كل ده بسببي انا ماليش ذنب .
فضلت تعيط وهو فضل حاضنها يهدي فيها وقال : اسف يا يارا الي خلاني ابص كدة ان ماريانيلا كانت حالتها خطر وكانت يعتبر بتموت فعلا قوتك عظيمة اوي مبقتش كويسة وعاشت غير لما ادتلها دمي وهي من عائلتي وزي اختي بالظبط فأكيد هكون خايف عليه فغصب عني بصيتلك بعتاب فخلاص بقي اهدي انا آسف .
بدأت تهدي فعلا وبعدت عنه وبصيتله وقالت : أنا هبقي كويسة وهعرف اتحكم في قوتي صح ؟!
- أه صح يا قلبي يلا بقي ارتاحي أنتي علشان تبقي جاهزة لبكرة وأنا همشي هروح اوضتي لو عوزتيني نادي بس انا اجيلك جري ده احنا عاوزين ننول الرضا .
قالها بطريقة ظريفة ضحكت وهزت رأسها أنه تمام حاضر وهو خرج وهي دخلت تستحمي وبعدين خرجت لبست ولقت كتاب علي السرير غلافه مميز