الوريثة The heiress

9

الوهم هو السبب الأساسي الذي يجعل الأنسان يلقي بنفسه في التهلكة .. لا يستطيع التفرقة بين الحقيقة والخيال ... الواقع لديه يصبح قصة من وحي الخيال ويصبح عقله الباطن الكاتب .
Иллюзия - главная причина, по которой человек бросает себя в погибель. Он не может отличить правду от вымысла ... Его реальность становится историей, основанной на воображении, а его подсознание становится писателем.
___________________________________________

المشهد كان غريب يارا بتتجه ناحية ثبر بكامل إرادتها بسبب تحكمه في عقلها جسور بيحاول يمنعها وبيصرخ فيها لكن عقلها مش موجود وكانت خلاص قربت منه وهو مبتسم ابتسامة النصر كل حاجة حصلت بسرعة لما شافت منيرة وكمال ظهروا فجأة بدأت ترجع لوعيها وهي شيفاهم عيونهم منورة اصفر وجناحاتهم مفروضة ورا ضهرهم وبيحاربوا مع جسور الشياطين وبيطلع من ايديهم نور ابيض بيحول جسم الشياطين لرماد كانت واقفة مش مستوعبة اي حاجة بصت ناحية ثبر لقيته اختفي فضلت تلف تدور علي حنين لقيتها فعلا واقفة بعيد عن الحرب ، وخلصوا علي الشياطين كلهم وبصولها هما التلاتة منيرة وكمال وجسور بجناحتهم وعيونهم الصفرا ومخالبهم قالت بصوت طالع بالعافية : ازاي ؟! ازاي انتوا انتوا كدة ازاي مش فاهم... ومكملتش كلمتها وفقدت الوعي .
كل جري ناحيتها لكن الأسرع والأقرب كان جسور لحقها قبل ما تقع وحاول يفوق فيها لكن مكنش في اي إستجابة بمنتهي العصبية زعق وقال : مكنش مفروض تيجواااا دلوقتييي متفقتش معاكوا علي كدة قولتلكوااا مش هتستحمل .
منيرة بعياط قالت : والله إحنا عرفنا أنك في خطر وأن ثبر هجم عليكوا فجينا ننقذكواا.
كمال كمل وقال : كانت هتموت خالص بقي لو مجناش يا جسور ، اهدي وشوف المصلحة فين ؟ هي كويسة الصدمة الاولي دايما صعبة بس هتبقي كويسة .
حنين اكلمت وقالت : أنا مش فاهمة حاجة انتوا جن زيه ؟!! ازاي يعني يارا جن هي كمان ؟!
- كمال رد بهدوء : لا يارا انسانة عادية لكن جواها قوة كبيرة اكتسبتها وهي عندها 9 سنين .
- حنين وهي مش فاهمة : ازاي ؟!!
-جسور اتكلم قبل كمال وقال : قصة طويلة وثبر احتمال يرجع لازم ننزل الأول .
شال يارا وبدأ يتمتم بكلام وتعوايذ كتيرة وكلهم وقفوا جنبه وحطوا ايدهم علي كتفه ونور ابيض كتير حاوطهم لدرجة أنهم مش شايفين حاجة من كتر النور وبعدين بدأ يختفي تدريجي وظهر قدامهم المملكة .
حنين فتحت بوقها من الدهشة وقالت : مش معقولة ؟!! وانا الي كنت فاكرة انكم ساكنين في كهف واووو بجد ده ولا في الأحلام .
بص جسور لكمال وقال : شيل حنين .
حنين بصت بأستغراب وقالت : ليه؟!
مردش عليها وطار من قدامها بصت عليه وهي مش مصدقة ولقت كمال بيقرب منها لسة هتصرخ وتقول لا متعملش زيه لكن كان طار بيها ومنيرة وراهم .

ووصلوا لأعلي مكان في المملكة والي هو كان القصر جسور اول واحد نزل علي ارض القصر وبدأ يدخل وكل الي موجودين والي كانوا شبه في الملامح وجامعين بين ملامح الجن وملامح البشر كانوا بينحنوا ليه والأبواب بتتفتح قدامه لغاية ما وصل لساحة القصر الكبيرة وكان الملك قاعد قدامه علي العرش الملك عبدلله المذٌهب كان متجسد في شكل انسان وبالتالي المملكة كلها دلوقتي هتتجسد في شكل بشري ابتسم الملك وقال : كانت غيبة طويلة اوي يا جسور .. وبص علي يارا النايمة بين ايده وكمل : هي ؟!
رد عليه جسور وقال : اه هي يارا كمال الي حضرتك رميتها في كل ده بأيدك .
- ولد اكلم مع الملك بطريقة احسن من كدة .
ده كان صوت كمال الي دخل هو ومنيرة وحنين نزلها علي الارض واتقدم ناحية جسور والملك وقال موجه كلامه لعبدالله المذٌهب : أنا أسف أبي جسور بس متأثر بالي بيحصل ليارا .
جسور قاطعه وقال بعنف : لا مش متأثر وبس أنا من وانا صغير وانا مش معترف بالي عملتوه علشان تنقذوا نفسكوا تبوظوا حياة واحدة بريئة وتخدعوها وانا اضطر اخبي عليكوا واحميها طول عمرها علشان ابليس ميوصلهاش .
كان كمال هيتكلم لكن الملك وقفه بحركة من ايده وقال : عندك حق يا جسور بس الي عملناه مأنقذناش نفسنا وبس أحنا أنقذنا البشرية تقدر تقولي لو قوة الشمس وصلت لأبليس ايه الي هيحصل في العالم ؟! وانت ناسي انها كانت في عداد الموتي اساسا وأنا الي ساعدتها يارا قواها قوة هتغير حياتها .
- بالظبط ليييه ؟؟ ليه تقلبوا حياتها وتغيروها ما كنت تخفي القوة في أي حد من المملكة من قبيلتنا مش في البشر .
- حاولت يا جسور حاولت اخفيها لنفسي لكن كل المحاولات كانت بتفشل كلنا محصنين أن أي قوة تدخل جسمنا أو حد يسيطرعلينا او حتي يتلقي علينا تعوايذ مكنش في غير البشر وهي الي كانت قصادنا وانت عارف ده .
- اكيد كان في حل غير ده .
خلص كلامه واتجه ناحية السلم ولسة يارا علي ايديه سمع الملك من وراه : بنت الشمس هتكون بخير وأنا عارف ده كويس نقاء قلبها وقوة دمها مش عند أي حد يا جسور .
لف وبصل للملك لاقاه مبتسم ابتسامة هادية بص بعدها جسور لحنين قالها :تعالي ورايا .
سمعت كلامه وجريت ناحيته وطلعت معاه ، خلص السلم الي كان طويل وعريض وعليه سجادة حمرا كبيرة مغضياه خلصه وظهرت طرقة طويلة مليانة اوض وشبابيك بتطل علي المملكة ،جسور فضل ماشي فيها وكان الصمت عامم حنين وهي ماشية بصت من الشبابيك الي في الطرقة لقت ناس عادية راحة وجاية ناس طبيعية ؟! قالت منغير مقدمات : هو انتوا سجنين بشر هنا ؟!
جسور لف براسه وبصلها بأستغراب وقال : لا . ولف تاني يبص قدامه فحنين كملت وقالت : امال ازاي في بني ادمين هنا انا مش فاهمة ؟!
- ااه اسألي كدة من الأول ، قريت عليكي تعويذة تخليكي تشوفي كل الي في المملكة ناس عادية ده غير أن الملك أساسا اتجسد في شخصية انسان وده كان أمر ان كله يتجسد في شخصيات بشر علشان لو حصل أي كسر في التعويذة الي عليكي أو علي يارا متترعبوش ولا تكشفوا شكلنا الحقيقي.
خلص كلامه وكان وصل للأوضة المطلوبة دخل وهي كانت اوضة كبيرة بسرير كبير ودولاب كبير تفتحه وتدخل جواه تلبس وكأنه حجرة ملابس .