الوريثة The heiress

7

الموت هو نهاية حياتك علي الأرض وبداية حياة آخري في عالم آخر لا أحد يعلم ماذا يحدث بها فقط الميت من يري ويسمع أشياء ليس لها وجود في عالمنا الحالي..

Смерть - это конец вашей жизни на Земле и начало другой жизни в другом мире. Никто не знает, что с ней происходит. Только мертвые видят и слышат то, чего нет в нашем нынешнем мире ...

حاولت يارا تتحرك او تصرخ وتنادي لعل حد يسمعها لكن مافيش الكفن ملفوف حوليها وصوتها مش عاوز يخرج وسامعاهم برا عاملين يدعوا ليها ( ادعية للميت لو عندك حد عزيز عليك ادعيله )
"اللهم ارحم روحاً صعدت إليك و لم يعد بيننا و بينها إلا الدعاء"
"اللهم ارحمها و اغفر لها و انظر اليها بعين لطفك و كرمك يا أرحم الراحمين".
"اللهم ارفع درجته في المهديين واخلفه في عقبة الغابرين و اغفر لنا و له يالله و أفسح له فى قبره و نور له فيه".
"اللهم أبدله دارا خيرا من داره و أهلا خيرا من أهله و أدخله الجنة و أعذه من عذاب القبر ومن عذاب النار".
"اللهم ارحمه فوق الأرض و تحت الأرض و يوم العرض عليك اللهم قهِ عذاب يوم تبعث عبادك".
"اللهم أنزل نوراً من نورك عليه".
"اللهم نور له قبره و آنس وحشته ووسع مدخله".
"اللهم ارحم غربته و ارحم شيبته".
"اللهم اجعل قبره روضه من رياض الجنة لا حفره من حفر النار".
"اللهم اغفر له و ارحمه و اعف عنه و اكرم منزله".

عاوزة تصرخ تقولهم: أنا عايشة انا حية وحاسة بيكوا اسمعوني انا ماممتش . لكن مافيش اي حاجة وخلصوا وبدأوا يمشوا واحد واحد وسامعة صوت رجليهم وصوتهم بيعزوا منيرة وكمال وحنين وبعدها بشوية مشيوا هما كمان وهي حاسة برجليهم ماشية وبتبعد فضلت تعيط وتقول بصريخ وكل ده جواها مش عاوز يطلع : متسبونيييش ماماااا باباااا استنوااا انا ما ممتش متسبونيش لوحدي أنا خايفة ماماااا الدنيا ضلمة أنا مش شايفة حاجة تعالي احضنيني الجو برد أوي طب بابا تعالي احكيلي قصة زي ما كنت بتعمل واقرالي قرآن بابااااا متسبونيييش .

فضلت علي كدة فترة لغاية ما حست بهدوء تام حوليها وصوت نباح كلاب جاي من بعيد ، حاولت تحرك ايديها وتقطع الكفن اتقطع فعلا من عند أيديها خرجت ايديها ولمست الأرض الي كانت عبارة عن تراب خرجت ايديها وفضلا تحاول تفك الكفن من علي وشها مفروض اساسا يكشفوا وشها بعد ما يدفنوها ازاي لسة ربطينه بس الرباط مكنتش لاقية أوله من اخره ومش عارفة تفتحه الرؤية ضبابية بسبب القماشة مش شايفة حاجة بتتنفس من بوقها بالعافية ومخنوقة ، بس وهي بتحاول سمعت صوت حركة جنبها بطلت حركة بسرعة وبدأت تحاول تسمع في حاجة ولا لا سمعت تاني حركة كانت وكأن حاجة بتزحف تنفسها زاد وبدأت تخاف أكتر وتبص حوليها تحاول تشوف حاجة من القماشة لكن مكنت عارفة تحدد حاجة نور قمر بسيط داخل مش مخليها تشوف كويس بس الصوت بدأ يقرب وكأن الحاجة ديه بتقرب أكتر بعصبية بدأت تحاول تفك الرباط وهي عمالة تبص يمين وشمال تشوف الصوت جاي منين وشافت فعلا شافت خيال اسود بيزحف من ركن من الاركان وجاي ناحيتها رجعت لورا بسرعة لكن حركته هي وقفت وفضل واقف مكانه بعيد بعد كدة كل حاجة اتحولت وبدأ يقوم يقف وصوت عضم بيتكسر طالع منه وكأنه بيركب عضمه من اول وجديد فضل يطول يطول لغاية ما وصل للسقق وبدأ يلتوي ناحيتها ، هي بسرعة وبقوة مش عارفة جابتها منين قطعت الكفن من علي وشها لكن اول ما الكفن اتقطع وشافت الصورة قدامها بوضوح اختفي الخيال الأسود شالت الي في انفها بسرعة وبدأت تتنفس وتحاول تهدي بصت حوليها في القبر كان صغير بس في اوضة جواه بس مركزتش معاها كان أرضه كلها تراب اسود في كل حتة وفي جثة متكفنة في الناحية التانية من القبر ، يارا قامت وقفت وكان الكفن عامل زي الفستان الابيض عليها لأنه لسة مربوط من عند الرقبة ومفتوح من تحت وعند ايديها جريت علي سلم القبر وحاولت تفتح الباب لكن كان مقفول من برا فضلت تخبط وتصرخ وتقول : ساعدووووني أنا هنااا أنا حية الحقونيي .
لكن مافيش رد ولا اي رد بس وهي بتخبط بدأت تسمع صوت وكأنه تكسير صخر بصت وراها بسرعة لقت الارض بتاعة القبر بتشقق وفي خطوط كتير ناتجة عن التكسير بتتكون ومن الخطوط ديه ظاهر نور اصفر معقول تكون حمم بركانية ؟!! طلعت بسرعة علي اخر سلمة وبدأت تشوف ارض القبر وهي بتتكسر وتقع وظهر من تحتها حفرة كبيرة كلها صخور منصهرة ونار طالعة منها والجثة الي كانت موجودة وقعت وشافت الكفن وعدم الجثة بينصهر قدامها مش عارفة تعمل ايه النار بتزيدة والسخونية عالية أوي وبدأت تتخنق لكن حست بهوا من وراها لفت علشان تشوف لقيت الباب مفتوح فرحت اوي وخرجت من القبر لكن خبطت في حاجة قدام القبر كان هو ثبر عيونه حمرا زي الدم ومبتسم ابتسامة خبيثة شيطانية وقالها : تؤ تؤ مينفعش تخرجي كدا بسهولة منغير ما تدوقي النار يا قطتي . وبعزم مافيه رماها جوا القبر وقعت من علي السلم وخلاص كانت هتقع في حفرة النار لكن مسكت في اخر السلم وحاولت تطلع بس بدأت تسمع صوت كلب بصت بسرعة لقيته واقف قدامها عن الباب كلب اسود كبير عينيه حمرا زي الدم وبينبح بقوة وبدأ يوطي وكأنه هيهجم فيارا لا إرادي سابت السلم وبدأت تقع ..