غربة في الوطن

الجزء الأول

#غربة_في_الوطن

بقلم : بنية سوق الجمعة 🥀

الجزء الأول من عشرة أجزاء تقريبا ❄️

#البداية

اني : هيا اني واتيه
هوا :  بنخش ندوش 
اني : بالله عليك ما تعطلش ما نبيش نوصل اخر وحدة
طلع و سكر الباب من غير ما يرد عليا

طلعت شنطتي يلي بنحط فيها حوايجي
حطيت القفاطين يلي عاطيتهملي اختي
كنادري شناطيا عطوري
فتحت القجر يلي فيه الخزنة
تواكم.... ذهب وفضة علي اليمين وعلي اليسار العود يلي كان يعزفلنا بيه بوي 💙
قلت لنفسي :  ونحن يا قصبة الناي  مثقبون مثلك، لكن إلى الآن ما مَّر عازف يجيد اللحن على ثقوبنا ، فتُركنا على رفوف النُوتاتْ نئن بلا صوت 🥀
كنت نقوللها  " نفسي"
هل فعلا ما جاش حد يعرف يعزف عليا او اني نوتة ما تنعزفش؟!
من فينا المجوف من داخل؟....

رجعني سؤالي لوقت كان عمري فيه 15 سنوات
في عام 201‪0 ..
لوقت كنت فيه مواطنة 💙
امي : جيبي باقة الورد من فوق الطاولة وكان ذبلت قولي لفتحي يلقطلنا غيره
اني : امم  احح لالا ريحته حلوة
نحطه علي الطاولة؟
امي : اي اي فيسع وستفي جنبه الطواسي
اني : علاش متوترة هكي وكانه خالتي منيرة اول مرة تجينا😂
امي : اليوم جيتها غير  غر فيسع بري بدلي حوايجك
اني : حاضر 😁
مشيت لغرفتي
طقطقت
اختي : هالة؟ خشي خشي
اني : الله الله خيرك متكمه هكي؟ 😍
هناء : قنينة؟
اني : اي اي حلوة بس التاكم هذا مش قنين
هناء : هذا التاكم الذهب الابيض الوحيد يلي عندي وما نبيش نلبس فضة مش حلوة اللقطه
اني : علاش باهي هذا كله؟
هناء : ما قتلكش امي شي؟
اني : لالا قتلي بتجينا خالتي منيرة بس
هناء : اهااا باهي وتي روحك خيرك هكي مريشة؟
اني : مانيش لابسة لين تقولولي علاش؟
هناء : مش مقايلة
اني : قولي
هناء : مش مقايلة
اني : تعرفيي....
الباب شرين
اني : 🏃🏻‍♀️ خلي نفتح
هناء : تعاااالي جاي نهارك احرف قعمزي هني امي تو تفتح
اني : صوت نهى حي حي بنمشي هي 😁
هناء : بري خلي يقعدوا يضحكوا عليك
مشيت نجري لنهى
اني : 😍😍😍😍❤️ نهىىىىى
نهى : هلهوووووللل 😍
كييف حالك يا بقرة؟
اني : الحمدلله 😂😂😂
كيف حالك انتي؟
نهى : الحمدلله خيرك هكي زي الدجاجه المتتفه 😂
اني : انتم خيركم هكي متكمين تقول جايين لعرس
نهى : شكلك ما سمعتيش 😂
اني : لا والله يعاملوا فيا وكاني اصغر وحدة في الحوش 😕

👑 روايٰاتہٰ بٰٰنيٰة سہٰوق الہٰجمعه  👑

نهى : جايين نخطبوا في هناء
اني : لالا!
نهى : اقسم بالله😂
اني : اسمعي دقيقة ونجي
نهى : تعالي ويييين ماشية 😂😂😂
اني : شوياا بس نمشي ما تلحقينيش
نهى : تيي تعالي يا بنت هناء تعرف 😂😂😂😂
اني : 😐😐😐 وعلاش محد قالي؟
نهى : ابصر خيرهم عليك 😂😂
تعالي تعالي نمشوا جنبهم توا بتسلم هناء علي امي
اني : لالا تعالي لداري نلبس حاجه كويسة قبل 😂😂
نهى : هيي
اني : والله مصدومه هكي مش فاهمه معقولة يجي طارق لهناء؟ 😂
نهى : هذا يلي صار نصيب 😂
اني : موليه تدوي زي العزايز صدقتي روحك بتولي حماة 😂
نهى : امالا شينو 😏
اني : نلبس هذا القفطان للركبة؟
نهى : لالا شن هكي زي المتعقدة
البسي القونة هاذي والبلوزة هاذي من زارا قنينه
اني : لالا عيب نتحشم
نهى : تي شن قتلك اطلعي لطارق؟ 😂
قدامنا بتطلعي بس
اني : لالا عورة المرأة للمرأة من السرة للركبة عيب
نهى : ووووم منك يا هالة مدايرة روحك شيخة
هاذيكا اكيد الرسول حرمه للناس يلي تفكيرها ابصر كيف لكن انتي بحسن نية تلبسي في هكي
اني : صلى الله عليه وسلم.. لالا هكي حتى علماء المالكية والحنابلة والشافعية قالوا حرام بحسن نية ولا بسوء
نهى : 😑 قصدك بتلبسي هذا القفطان تقول عمرك 40 سنة زي المتعقدة؟
تي فوتي الجو هذا عيشي حياتك قاعده صغيرة
اني : عادي نقدر نعيشها حياتي حتى بعباية 😂
نهى : موليه اتدرهي في الكبد
غر هيا البسي اي شيء تلقيني لوطه اني
اني : تمام لالا اقعدي هني في الدور التاني نبيك اتديريلي شعري
نهى : باهي به..
لبست قفطاني وناديت عليها دارتلي شعري ظفرة..
نزلنا لوطة ومدينا العصير واني طول الوقت نشبح لاختي هناء 😂
كيف امس كانت زي الغولة وهيا مدايرة ماسك الفحم وتتعارك هيا واختي هاجر علي زمالطوها يلي كملتهولها 😂
توا مدايرة روحها اميرة ورجل علي رجل وتتكلم برقة واععع مش طالع عليها 😂
..
مشيت اني ونهى نساعدوا في اختي هاجر في النسكافيه
اني : انتي يلي اسمك هاجر يلي تاكلي في النسكافيه بالكاشيك
هاجر : تفضلي
اني : خيركم ما قلتوليش
هاجر : عشان انتي حتة زغننه اوي في البيت ده
اني :  تقريبا انتي ليبية مش مصرية
وقالك بابا معاش تتفرجي عليهم المسلسلات المصرية وله؟
هاجر : هاا ريتي علاش ما نبوش نقولولك؟
لانك كل شيء تقولي فيه لبابا
نهى : يا دلوعة البابا 😁
اني :حييي ذكرتيني
بابا قالي ديريلي قهوتي العشية حي عليا نسيت
هاجر : هوني امية ساخنه اجري ديريها قبل ما ينزل يلقى خالتي
اني : علاش هيا الخطبة بالسر؟ 😐
هاجر : اي ماما ما تبيش تقوله لانه يبي هناء لعمي صالح
اني : اهااا هذا باش  ولامتى مشحا تقوله؟
هاجر : لالا لين تتاكد انه الموضوع بيصير منه
نهى : ان شاء الله يصير امي الحق عاجبتها هناء هلباء من قبل
اني وهاجر : ان شاء الله 💙
خلي نديرله قهوة ونمشي نهدرز عليه 😌
هاجر : نهارك 😂
اني : انبصر انبصر 😂

👑 روايٰاتہٰ بٰٰنيٰة سہٰوق الہٰجمعه  👑

درت القهوة وركبت لدار بوي فوق
طقطقت
ابي : كانك هالة تفضلي كانه هند ولا هناء ولا هاجر لا
اني : هالة هالة😁
كيف حالك ابي؟
ابي : الحمدلله
اني : الله 😍😍😍
ترتب في الاعواد متعك
ابي : ايي هذا باش ما نبيش حد يخش غيرك
اني : تصدق انك احلى حد يعزف بالعود نسمعله؟
ابي : وتصدقي انك احلى بنت عندي؟ 💙
اني : نحس فيك تحب هند اكثر مني 😂
ابي : لا غر لانه هند الصغيرة بس..
حلو قفطانك
اني : اي نحبه هذا القفطان 😁 لانه اكثر واحد مستور 😁
ابي : قنين قنين
اني : امتى بتعلمني العزف علي العود؟
ابي : ما نبيش نعلمك شيء حرام
اني : بس اهو انته تعزفلنا
ابي : نرضى الغلط لروحي وما نرضاه ليك
اني : باهي اعزفلي لبت هوفن
ابي : هذا عود مش بيانو 😂
اني : باهي اعطيني نشد العود الخشبي متع جدي
ابي : هاكي
اني : هذا اكثر واحد نحبه 💙 لانه قبل كنت ديما تعزفلنا بيه
ابي : كان جدك الله يرحمه يحبه هلبا 💙 واعطالهولي اني وللان قاعد المفضل عندي حتى اني 💙

👑 روايٰاتہٰ بٰٰنيٰة سہٰوق الہٰجمعه  👑

شديت العود الخشبي..
نقلب فيه بين يديا..
نفكر بيني وبين نفسي ونقول...
العود مجوف من داخل
ومليان ثقوب وفراغات..

نحاول نسكر في ثقوبه كلهم بيديا ...
قالي ابي : بالطريقة هاذي مشحا يطلع صوت..
فعلا لولا الفراغات يلي فيه والتجويف ما كانش ح يطلع الالحان هاذي كلها
منها يلي يذكرني بنفسي
ومنها يلي يحسسني بدفء الوطن
منها يلي يذكرنا بأحزاننا
ومنها يلي يحسسنا بالغربة بينهم💙
في الحقيقة
ديما الناس يلي فيها هلبا جروح
والناس يلي انظلمت وانأذت من اقرب الناس ليها
تكون عندها الحان خاصة 💙
حتى نبرة صوتهم تتغير مع مرور الزمن
تبدي تحسي بمدى الفراغ يلي سببوه الناس فداخلها
وكانها وطن غدروا بيه كل ناسه 💙
...
او كأنه انسان بدون وطن 🍃
ابي : هالة
اني : نعم
ابي : انزلي قولي لهناء غدوا جايه اختي فدوة بتخطبك لولدها سيف..
اني :ااا .....

يتبع ❤️
غربة_في_الوطن

إنتهى الجزء الأول

على الواتباد :
BentSouq0AlJumaa