غربة في الوطن

الجزء الرابع

#غربة_في_الوطن
بقلم : بنية سوق الجمعة 🥀

الجزء الرابع  من 15 عشر جزء تقريبا ❄️

قاطعني صوت سيارة عالي..
سيارة قديمة تمشي بالهون..
شرين باب الحوش وكانت هناء!
تخبط بكل قوتها وتعيط!
طلعلها ابي 
ابي : بسم الله بسم الله
مشيت اني وهاجر تحت جريي
هناء : افتح يااا ابييي
ابي : خيركك يا بنت بسم الله
هناء : دخلني يا بوي غر دخلني
ابي : بسم الله بسم الله تفضلي غر خيرك؟
امي : تعاركتي معاه يا بنيتي ولا شنيي؟
ابي : غرر تعالييي وين خااشة؟
شنن فيه خيره سييف؟

وقفت هناء قدام امي وبوي..
وفي عيون بوي قالت: طلبت منه الطلاق واتطلقنا...

كانت أول مرة نسمع فيها كلمة طلاق..
وأول مرة نعرف بنت اتطلقت..
كانت صدمة لينا كلنا..

ابي : لا حول ولا قوة الا بالله
امي : حسبي الله ونعم الوكيل حسبي الله ونعم الوكيل..
لا إله إلا الله..

هناء : قرار اني خديته... ارجوكم محد يدوي معاي
ابي : تيي شن محد يدويي معاككك؟ عايشة في  زريبة انتي.. مصح وجهك وجايه تقولي فها بكل صحة وجه؟
تي شن تحسابي الطلاق حاجة كويسة؟
وينن دماغككك ويين؟
ابي : انته الغالط يا....  بوي 
انته ظلمتني يا بوي واني مش مسامحاتك
ابي : تعرفي الحوش يلي راجعتيله حوش مني؟
هناء : حوشنااااا!
وحنييي دافعين حقققه!
ضربها كف
ومحد عرف شن يقول بعدها
خديت اني وهاجر هناء ودخلناها لداخل..
قعدت تحكي لأمي وتبكي..
لبين مشيت اني وهاجر رتبنالها حوايجها وفرشنالها سرير
جت امي قالتلنا ارقدوا غدوا الصباح رباح..
وهيا وهناء رقدوا في الصالون..
مروا يومين وتلاته..
جي فيهم يوسف لبوي تفاهموا وحاول بوي يقنعه انه يرجعها بس سيف قاله لا ما تفاهمناش
بدت تجي عمتي فدوة كل يومين تاخد في سناء " بنية هناء يلي عمرها 1 و4 شهور" تاخد فيها العشية وتردها.
عرفت من هاجر انه هناء هيا يلي طلبت الطلاق.. وانه سيف في الاول حاول يرجعها بس هيا قتله لا وجابها لعندنا..
حاولت الايام هاذي نتجنب هناء..
لانه لو حكيتلها ح نحكي كلام مشحا يعجبها
ولو شفتلها في عيونها ح نشوفله بنظرة مش حلوة..
كنت اني وهاجر عارفين انه هناء هيا يلي غالطة..
وانه تطلق وهيا عندها بنية مسألة مش ساهله لازم تفكر الف مرة
وانه السبب يلي اتطلقت علي خاطره تافه
وانه سيف كويس وانه يحبها..
كنا عارفين هذا كله بس مش قادرين نحكوا باش ما نوجعوهاش..

توقعت من اختي هاجر انه ترفض منذر بعد ما اتطلقت هناء
بس لا..
حددت يوم الفاتحة 8/10/201‪1 
بعد تحرير طرابلس ❤️

👑 روايٰاتہٰ بٰٰنيٰة سہٰوق الہٰجمعه  👑

وبعدها حددوا يوم العرس ❤️
و طلبت هاجر من امي انه يكون عرسها كبير.. وحلو.. واتديري ليلة حنة ونجمة وتلبس بودري وجلوة واتديري محضر..
كانت فرحانة.. 
حاولت هناء كذا مرة انها تقنع بوي بانها تفسخ 
بس هاجر كانت "تقول لا اني نحبه منذر  "❤️
وحاولت هناء كذا مرة تقنعها انه العيشة في شقة.. والماكلة البسيطة والتلفزيون الصغير، صعبة.. 
بس هاجر برضو كانت تجاوب في نفس الاجابة